ابغي حل لو سمحتووون ... بسرعة لان راسي بينفجر من كثرة البحث

شخباركم بنااات ...؟؟

عندي مشكلة وي ولدي عمره الحين سنة و خمس شهور ... المشكلة انه قبل لما كان عمره سنه كان يتكلم و يقول بعض الكلمات و بسرعة و الكل كان يتوقع منه يتكلم بسرعة .. لان ما كمل 5 اشهر الا قال بابا .. و عمر السنه كان ايقول كروة و حبيبي و ماما و باابا و بعض الكلمات اللي اتدل على معنى .. بعدين فجأة ما شفته الا ما ينطق و لا كلمة بس ماما و حتى بابا ما يقول .. و الحين عمرة سنه 5 شهور يقعد يخربط يبغي يتكلم بس ما يقول كلمات لها معنى كلش ... قالوا ليي اتكلمي و ياه وايد صرت اتكلم وياه طول اليوم بس هووو ما يرد عليي و لا بشي...
تالي رحت بيت ابوي و كان يبغي حلاوة و كان الاطفال عندهم الا ايقول ليي ابه ابه ... استغربت اني كلش ليش اتكلم هناك و الكل فهم ويش ايقول انه يبي حلاوة بس ليش وياي ما يرد علي و لا يقول و لا كلمة ... اشتريت له قصص و اشتريت له كتابي الاول الى الطفل في عمره سنه و نص .. هوو يفهم كل شي اقوله له .. لو ويش ابغي منه يفهم عليي بس مو راضي يرد عليي ماادري ويش اسوي فيه ..اذا يبغاني افتح الباب ليه اينادي اماه و يقعد يضرب على الباب و يقول كلام مخربط ما له معنى .. يبغي يشرب ماي ياخذ الكأس و يروح الى الكولر و يشرب ماي و بعض الاحيان ما يحصل له كأس يقعد ياشر على الكولر انه يبغي ماي ..

اتخيللوا قعدت اقلد صوت القطةو ابغيه ايقلد عليه ما عطاني وجة .. و تالي ما شفته الا قاله مره وحدة و سكت و قام يضحك و تالي راح ينخش عني .... ماادري ويش اسوي فيه ...

امي تلومني اتقول ليي كل منش .. ما يتكلم و ماادري ويش اسوي ...