مساء \\ صباح .. الخير
شخباركم عروسات؟
ولد اختي حبينا نسوي له حفله بسيطه في بيت يدتي يوم 29-10
اخترنا الثيم يكون محبوب الاطفال واللي هابين فيه هالايام سبونج بوب
فالبدايه رحت ادور على اشياء على سبونج بوب و كانو منتشرين وايد فالسوق بس انا يوم رحت ابي اشتري حسيت ان كل شي انقرض
وتعبت وانا ادور من سوق لي سوق واخيراً حصلت كل الاغراض على نفس الثيم وارتحت وبديت اشتغل
بطاقة الدعوة
شريت هالاكياس والاقلام والمحايات والمساطر
وحطيتهم فالكيس مع شبس وحلويات تعمدت اخذ كل شي باللون الاصفر صارو بهالشكل
وهذي صوره جماعيه لهم
طبعاً هالاكياس بنوزعهم على الاطفال في نهاية الحفله
هذي الاغراض شريتهم حق الجوائز لان اكيد الحفله فيها مسابقات
وكلهم على سبونج بوب
غلفتهم بتغليف اصفر بس نسيت اصورهم بس في الصور اليايه بتشوفونهم
هذي القبعات والشمعه و الاكواب والصحون على نفس الثيم
وهذي طقم مميز حق بطلنا
زينا البيت زينه بسيطه على سبونج بوب واستخدمنا بالونات باللون الاصفر
طاولة المسابقات فهالصوره واضحين عندكم الجوائز بغلافهم الاصفر
بطلنا واهو كاشخ بقبعته وتيشرته على سبونج بوب
الاطفال مجتمعين حوالين الكيكه
الكيكه اللذيذه وبنفس الشكل اللي طلبناه منهم بالضبط و الكل سألنا وين مسوينها
الهدايا اللي حصلهم البطل
اتمنى موضوعي عجبكم