انا ورفيجتي .. ساعدووني

سلاام عليكم عروسات ..

شلونكم ؟

آآممم صارت عندي مشكله ويه رفيجتي وابيكم تساعدوني بليييييييز ..

قبل فتره بسيطه يعني اقل من شهر تقريبا تعرفت ع بنت وياي بالصف ..

وصرت رفيجتها واهيا كانت وايد مستانسه فيني اني صرت رفيجتها لان كان

تقول ان انا مغروره 8o| وماعطي وجه :| ..

بس بعد ماعرفتني عدل قالت بالعكس ان انا وايد طيووبه وحبوبه ..

ومن تعرفت عليها لحد ماتهاوشنا 24 كله انا وياها ..

يعني في السكول وياي ارجع البيت نتكلم بالتلفون او بمسجات او بالمسن ..

يعني 24 ساعه ويه بعض ..

قبل 4 ايام تهاوشنا وع سبب تافه والسبب ان في حصه من الحصص اهيا طالعتني وانا كنت سرحانه وماكنت مركزه ومابتسمت وفريت وجهي الصوب الثاني ..

وهي طبعا قبل كذا مره تهاوشنا بس هوشات جدا بسيطه واذا تهاوشنا تسوي نفسها ماتهتم لي ودائما تقولي اذا ماتبين تكلميني قولي عادي ماهتم ..

وفي الفتره الاخيره كله اتقولي انا متغيره عليها صج انا مانكر اني متغيره عليها ولكن لاسباب يعني اذا تجي جنبي تقعد او اروح اقعد جنبها ربعها يقعدون يقولون تعليقات يعني يغنون علينا ويقولون لها نغار ومن تعرفتي ع احلى البنات وانتي ماتعطينا وجه وانتي وانتي يعني كل شي فيه غيره مني :mad:..

عاد هالمره مصختها وبزياده بعد يوم رجعت البيت طرشت لي مسج تقولي اذا ماتبين تكلميني لا تكلميني بس لاتقعدي تسوين لي هالحركات ويكون بعلمج اذا مابتهتمين انا بعد مابهتم:-# ..

اتصلت لها وتكلمني بطرف خشمها وقلت لها انا ماكان قصدي وقلت لها اني كنت سرحانه وماكنت مركزه وياج .. وعصبت وقالت لي تبين تكلميني كلميني ماتبين طزز فيج:011: لاتكلميني ..

انا سكت عنها لاني مابي مشاكل من بدايه السنه وخصوصا هذي اخر سنه لي في السكول وتوني متعرفه عليها مابي هواش وعداوه من البدايه ..

وسكت عنها ومع انها هي الغلطانه الا ان امي قالت لي اعتذري لها حتى لو كنتي الغلطانه ..

وفعلا قلت لها اذا تجوفين ان انا الغلطانه انا اسفه وحقج علي .. قالت لي وهي تكلمني وكانها مب طايقتني اوكي .. الحين شالمطلووب والزبده :031: تقهرني هي الغلطانه وتكلمني جذي لو مو هي الغلطانه شبتسووي ؟

المهم بعد سكت وتحملت حتى ربعي يقولون لي غريبه انتي تسكتين عن وحده تغلط بحقج ..:!!:

المهم كتبت لها ورقه وايد فيها كلام من ضمنه ان كتبت لها ترضين احد يقولج طز فيج .؟

رجعت البيت كلمتها قلت لها ابي اعرف ردج ع الورقه تقولي انا نطرتج في الهده كنت بتهاوش وياج انا طز فيني !!!!!!!!!!!!!!!!!! اقولها انا ماقلت لج طز فيج انا قلت لج ترضين احد يقولج ..

وعصبت وقعدت تصرخ وقالت لي صكيه لا اصكه في وجهج :woo: ..

ادري مصختها وبزياده وانا سكت وايد عنها بس شسووي كله يستغلون طيبتي ..
انا مانكر اني ملسوونه وايد بس بعد سكت وتحملتها لاني مابي اخسرها ..


ويوم الخميس رفيجتي الله يهديها قالت لي بتكتب ورقه بتسالها اذا اهيا للحين زعلانه مني اولا .. وانا قلت لرفيجتي لاتكتبين ولا شي انا بنفسي بروح اسالها ..

وبعدين رحت الحمام وانتوا بكرامه .. ويوم رجعت كنت ابي اسالها بس انصدمت لما قالت لي رفيجتي كتبت لها ورقه وسالتها وعصبت ع رفيجتي ليش تسوي جذي وقلت لها انا اعرف فلانه بتقول انا الي قلت لج كتبي وانا وانا .... الخ

قالت لي لاتخافين كتبت لها انج ماتدرين .. قلت لها بدال ماتكحلينها تعمينها ..

الحين بتقول بعد انا الي قايلتج كتبي اني مادري ..

وفعلا ردت عليها تقولها جذبي ع غيري احلى البنات اهيا الي قايلة لج تقولين جذي ..

وقالت لها مو زعلاانه وكلش عادي اصلا ..

وفي الهده كنت واقفه مع 3 من رفيجاتي وكان بيدنا شي وقاعدين نضحك وجذي ..

المهم يوم رديت البيت طرشت لي مسج تقولي انتي مو وجه حشيمه جفتج تراوينهم الورقه حقيرين جفتكم بعيوني يوم جفتوني ضحكتون ..

انا هني صج صج من قلب عصبت ووصلت حديع طول اتصل لها اقولها شقصدج وقالت لي جفتج تراوينهم الورقه ويوم جفتوني قعدووا تتضحكون !!!!

اقولها يافلاانه لي هني وحدج سكت عنج وايد ومارح اسكت اكثر لانج مصختيها وحلفت لها ان الي كان بيدنا مب الورقه كان بيدنا شي ثاني..

تقولي مايهمني اعرف شنو اهوا قلت لها انا بعد مايهمني صدقتين ولا ماصدقتين ..

وقعدت اصرخ لان اكره ماعندي احد يتهمني بشي انا ماسوويته ماحب جذي من قلب عصبت..

وتقولي ماتهميني وقلت لها انتي بعد ماتهميني بطقاق رحتي ولا جيتي..

الشره علي انا الي سكت عنج وخليتج تتمادين علي ..

وقلت لها باي وصكيته ..

وبعدين بليل اتصلت لي تقولي انا متصله عشان اعتذر لج عشان قلت عن ربعج حقيرين !!!!!!!! :confused:

قلت لها اوكي حصل خير وصكيته..


يعني غلطت علي لين شبعت ولا فكرت تعتذر لي ..

وبس جايه تتصل تعتذر عشان كلمه قالتها عن ربعي .. من قلب انقهرت ..

بس بعد ادري اهيا الغلطانه بس انا مابي تصير عداوه او مشاكل وماحب احد يزعل مني او ازعل من احد او ماكلم احد او احد مايكلمني ماحب جذي ..

قولولي شسووي انا وايد نزلت روحي لها بس بعد اقول تظل ذي رفيجتي واذا اهيا تهمني وانا احبها بتحمل وبسكت قولولي شسووي الحين احاول اني اراضيها ؟ ولا اخليها اهيا تجي تراضيني ؟ مع اني متاكده اهيا مستحيل اتفكر تراضيني ..

لان حاطه في بالها ان انا الغلطانه انا مايعجبني النوع هذا الي يغلطون ويقولون احنا ماغلطتنا ..

واذا فكرت اراضيها واتصل لها اندم لان ردها يكون مثل السم ويجرح .. وانا ماحب احد يقولي ماتهميني .. ماحب كلش بليز سااعدوني .. وسامحوني ادري طولت وايد عليكم بس شسووي ابي افضفض وابيكم تساعدوني .. واي حلمت فيها مرتين امس واليوم لهدرجه يعني من كثر مافكر فيها قعدت احلم فيها .. :(

ساعدوني بلييييييييز لااطنشووني .. :'(