أماكن محلات الأثاث والنجارين بمصر ومميزاتهم

m

meramia

عروس مبدعة

29-10-2010 | 06:49 PM

السلام عليكم

أهم حاجه في حياه العروسه بيتها
بتحلم بيه من أول مافكرت في الزواج
هو مملكتها ويمكن بتقعد فيه أكتر من الزوج

وعشان كده مع إن عاداتنا الزوج غالبا هو إللي بيجيب الأثاث
بس العروسه هي إللي بتختار
وإحتارنا هل نجيب من دمياط ولا المعارض
ولا نعمله عموله
أنا عن نفسي حيرتي زيااااده
نفسي أفرش مودرن وشيك
وعايزه برضه أعرف أحدد الميزانيه

ففكرت
ليه مانجمعش خبرات كل واحده لفت قبل ماتفرش وأختارت عفشها في ملف واحد
تقوللنا علي الأماكن والأسعار
ولو عموله تعرفنا الراجل وأسعاره عامله ايه ومواعيده
وهل شاطر ولا لأ؟
ولو مكان أو نجار
تقول مودرن ولا كلاسيك

وكمان نجارين المطابخ
والستاير برضه

بليييز عرفونا خبراتكم
وجزاكم الله كل خير

مواضيعي

أماكن محلات الأثاث والنجارين بمصر ومميزاتهم

كونسول ولا جزامه ؟!!!

ايه الحكايه ورا اسمك الرمزي (nickname)

أخيرا هتعرفي تلبسي الساري الهندي صح

تعالوا احلموا معايا بأحلي حاجه في الدنيا

s

soshe

عروس مبدعة

29-10-2010 | 07:48 PM

طبعا موضوع حلو جدا أن شاء الله كلنا نستفاد أنا بصراحة هجيب جاهز مبحبش التفصيل مش عارفة بئا أنا عاجبنى أوى هاى بوينت خالى كان جايب منه السفرة وعجبتنى اوى بص بصراحة غالى موت وكمان بتاع امريكن فرنتشر شرحه وعاجبنى الأنترهات فى مفكو حلوان وكمان كان فى واحد اسمه طارق ده بئا تحفة مبيعملش غير انتريهات بس وحاجاته حلوة أوى ده كنا جيبين من عنده أنتريه من سنتين كده دول أن شاء الله ألى هشوفهم

ر

رشروش84

عروس مشرقة

29-10-2010 | 08:36 PM

طب يا سوشى ممكن تقولى اماكن المحلات اللى بتقولى عيها دى فيييييييييييين بالظبط والايعار يعنى فى حدود كااااااااام

انا بقة لسة مش اتخطبت بس برضو لية خبرة اصلى سووووووووووسة ههههههههههه
احسن الاكامن فى الجودة للخشب والسعر معرض القوات المسلحة للاثاث وليه فرعين فرع فى مصر الجديدة وفرع فى العباسية فى برج مصر ترافل
والاتنين بقة اسعارهم تحفففففففففففففة اغلى اوضة نوم عندهم ب 12 الف وبتفاصلوا كمان معاهم والانتريهات والركن تحففففففففففة والمطابخ كمان دى اللى سمعته من اصحابى كتيررررررررر واخويا كمنا راح وشافه بعنيه والله

b

baata

عروس فضية

29-10-2010 | 08:47 PM

حلو الموضوع ده جدااااااااااااااااا ويارب يتم تثبيته وانا قريب هنزلكوا شغل نجارين كويسين جدا

س

سماتينا

عروس مبدعة

29-10-2010 | 09:08 PM

موضوعك مميز جدا وفعلا حيساعدنا كتير ياريت الكل يستجيب ويتعاون واحنا اكيد حنتابع معاكى ياقمر ... واحلى تقييم ليكى يا قمر

ي

يارب وفقني مرمر

عروس ذهبية

29-10-2010 | 10:22 PM

متابعه معاكي

د

دلوعة مؤمني

عروس نشيطة

29-10-2010 | 10:40 PM

موضوع جميل يا ميرا وهيفيدنا كتيييييييييير
مستنيه خبراتكم بقى لحسن أنا بلااااااااااااااطه خاااااااااالص :lol:

m

meramia

عروس مبدعة

29-10-2010 | 10:55 PM

ماشاء الله
ردود الفعل حلوه قوي
وطبعا ده المتوقع من أحلي بنات في الدنيا
بنات مصر جدعان ياناس
عمرهم ماهيعرفوا حاجه ومايفيدوش أخواتهم
ربنا يكرمكم كلكم ياقمرات
بس ياريت بقي اللي تعرف أو تعرفنا حاجه
تقول نبذه عن الأسعار والعناوين وياسلاااااام بقي لو شويه صور ده لو قدرت

مواضيعي

أماكن محلات الأثاث والنجارين بمصر ومميزاتهم

كونسول ولا جزامه ؟!!!

ايه الحكايه ورا اسمك الرمزي (nickname)

أخيرا هتعرفي تلبسي الساري الهندي صح

تعالوا احلموا معايا بأحلي حاجه في الدنيا

ع

عسولة عمرو

عروس مبدعة

29-10-2010 | 11:59 PM

حلو الموضوع ومستنين

ر

رشروش84

عروس مشرقة

30-10-2010 | 12:07 AM

baata;13532057:
حلو الموضوع ده جدااااااااااااااااا ويارب يتم تثبيته وانا قريب هنزلكوا شغل نجارين كويسين جدا

مستنين صورررررررررك يا بطوتى
وللاسف انا معنديش صور من معرض القوات المسلحة للانهم منعين التصوير :thumbs_down:

t

te amo

عروس مبدعة

30-10-2010 | 01:46 AM

حلو اوى الموضوع وجاى فى وقته اناعاملة الف على امل القى حاجة جاهزة وكويسة وسعرها معقول انا روحت معرض القوات المسلحة هى الاشكال حلوة موت والسفر بصراحة اسعارها اخر استهبال يعنى السفرة اغلى من اوضة النوم بس انا قريت فى المنتدى اكتر من بنت راحت القوات المسلحة ومعها نجار وقالوا الخشب مش حلو وفى بنت اشترت من هناك ومصورة شقتها وفعلا لقيت اوضه شبه بتاعتها وقالت انها لما اشترت خدت نجار ودورلها على اوضة يكون خشبها معقول
اما المناصرة بقى المودرن مش كتير اوى ولولقيتى اقل حاجة 10 الاف ولازم يبقى معاكى نجار موثوق منه عشان ممكن يعمل عليكى مصلحة مع صاحب المعرض ده اللى قالهلنا صاحب معرض هناك وقلنا ان فى قشرة بتبقى صينى مش هتلحظيها بس لوقفلتى شقتك اسبوع مع الحرارة هتلقى القشرة شققت
السفر لقينا واحد بيبع السفر مش مع بعض يعنى التربيزة عاملة 1000 جنيه بالدهان بس مقاس صغير والكرسى 220 بالتنجيد ودولاب الفضية المعقول ب2000
دى ماساتى مع الخشب

t

te amo

عروس مبدعة

30-10-2010 | 01:51 AM

بنات اللى يعرف حاجة عن معرض الاثاث اللى فى الصالة المغطاة وهل فى رسم دخول
ومعرض جهاز العروسين ده فى عفش ولاايه

e

esraa_ali

عروس متألقة

30-10-2010 | 02:26 AM

حلوة الفكرة ربنا معاكم

m

meramia

عروس مبدعة

30-10-2010 | 04:31 AM

أنا كده إحترت
ياريت يابنات اللي جربت معرض القوات المسلحه تعرفنا تجربتها بالتفصيل

مواضيعي

أماكن محلات الأثاث والنجارين بمصر ومميزاتهم

كونسول ولا جزامه ؟!!!

ايه الحكايه ورا اسمك الرمزي (nickname)

أخيرا هتعرفي تلبسي الساري الهندي صح

تعالوا احلموا معايا بأحلي حاجه في الدنيا

s

saso_m

عروس مبدعة

30-10-2010 | 12:27 PM

موضوع حلو اووووى ويارب كلنا نستفاد
اولا انا لفيت ع المطابخ كتير اووووى بس خلاصة تجربتى الى عايز مطابخ خشب يروح غمرة فعلا خشبهم حلو وموديلاتهم جميلة اووووى وسعر المتر الزان ب 650 والى واخد قشرة ارو 850 وده للمتر مربع
لكن فى النهاية انا استقريت ع الالمويتال ورحت لواحد عامل مطبخ ماما من 20 سنة والله المطبخ زى ماهو مش محتاج دهان حتى ماما بتفكه وتغسله وتلمعه بجاز وتحطه فى البلاكونة عشان ريحة الجاز طبعا تروح بيبقى كانه جديد
المهم خليت الراجل جرب فى حماتى وعملها مطبخ حكاية لونه نبيتى فى روز عملها المتر المربع ب500 عشان معرفة
الاثاث بقى طبعا معرض القوات المسلحة ومفكو حلوان فيهم حاجات مودرن حلوة وسعرها معقول
انا اشتريت السفرة امبارح ومحدش منكو باركلى خالص زعلانة منكو والله
:badly::badly::badly:
اشتريتها من معرض جهاز العروسين البرتشن بتاع القصر الاخضر هى كانت 3 قطع ب 8500 بس انا مخدتش الدونسوار عشان المساحة وزودت درفتين ع النيش بقى 4 درف مع انى مش بحبه كده بس حكم ماما وحودة خطيبى وزودت شوية حاجات بالنسبة لسمك الزجاج والديكورات وخدتها بكام يابنات مش هتصدقو ب 6500 بس مع ان القصر الاخضر من زمان اسعاره غالية
وحجزت انتريه ب 4500
وكانت اوض النوم ب 8000 و9000 حلوة اووووى شكلها يدى اكتر بس لسه شوية على اوضه النوم لما احدد المعاد عشان تتنصب على طول
وكمان اعرف نجار عامل لصاحبتى اوضة نوم ب 7000 حلوة برضه الى عايزة تعمل عمولة ممكن اسالكو على رقمه

s

saso_m

عروس مبدعة

30-10-2010 | 12:39 PM

انا كمان رحت المناصرة وشوفت اوض نوم مودرن حلوة عند واحد اسمه الباشا زى الى بشوفها فى مدينة نصر ب 16 الف لقيتها عنده ب 12 ده اول الكلام يعنى هو قالى انه هينزل
وعنده اوض مودرن برضه بس مش جرار كانت ب 9 الاف بس بصراحة مش عارفة الخشب كويس ولا لا

د

دوللى شاهين

عروس متألقة

30-10-2010 | 02:02 PM

مواضعيك دايما جامده وجميله زيك يا مراميا :adore::L:F:
مفكو حلوان عنده حاجات حلوة وشيك وجامده جدا بنت خال جوزى جابت اوضه النوم والانتريه والسفره والله اكبر جامدين :thumbs_up::thumbs_up::thumbs_up:
اوضه النوم 11000
السفره6000
الانتريه 9000

t

te amo

عروس مبدعة

31-10-2010 | 11:41 PM

ساسو يعنى خدتيها بالكرسى صح ويريت تقوليى على النجار ده فين ورقمه ضرورى

t

te amo

عروس مبدعة

31-10-2010 | 11:44 PM

ميرفى50;13537955:
مواضعيك دايما جامده وجميله زيك يا مراميا :adore::L:F:
مفكو حلوان عنده حاجات حلوة وشيك وجامده جدا بنت خال جوزى جابت اوضه النوم والانتريه والسفره والله اكبر جامدين :thumbs_up::thumbs_up::thumbs_up:
اوضه النوم 11000
السفره6000
الانتريه 9000

ده من قريب وانى فرع عشان انا دلوقتى بلف على الجاهز ولو ملقتش هعمل عمولة

a

asma_moaa22

عروس نشيطة

01-11-2010 | 03:57 AM

بجد الموضوع ده هايل قووى يا بناويت وجاى وقته زى باقى المواضيع انا كنت لسه هنزل اجيب بس انا كدا بتصدم منكم على الاماكن اللى اعرفها

وكمان فى الاسعار !!

ادينى معاكم بشوف ولما انزل هاجى اقولكوا برضه طيب سؤال بقى عشان اما انزل اجيب اودة النوم هى الجرار احسن ولا العادى ؟؟؟