تفاحه مرتاحه ولدت بالسلامه ادخلوا اسمعوا وش قصة ولادتها

:072:السلام عليكم ورحمة الله وبركاته
كيفكم ياعرايس ان شالله تمام:D انا تراني فاقدتكم في هالقسم كثير لاني من ولدت مادخلت عندكم لظروفي طبعا تدرون ولاده وبيبي جديد في حياتك لازم أببدأ بسم الله بسرد قصتي اللي والله صداها مافارق نفسي ولاراح يفارقها طول العمر تجربه صعبه كثير فيها آآآآلام وتعب :035:لكن حلوه وماتنسي:093:
اول شي ياغالين كان لي لماجاتني الولاده اتوقع اني بنص التاسع لان الدكتور قال لي باقي لك اسبوعين على موعد الولاده بعدها تخلصي التاسع طبعا انا اختكم خلصت غريضاتي وحطيت كل شي لي وللبيبي بس مو ناقص الا تجيني الاشاره وانطلق المهم يالسالمين ذاك اليوم كان على الفجريه جاتني رغبه وانتوا بكرامه اني ابول بس هالمره غريبه :-oرغبه لدرجة اني موقادره اسيطرعلى نفسي لحد مااوصل دوره المياه وترى يابكريات اللي تقرب ولادتها بتحس بهالشي انا حسيت بهالشي قبل ولادتي بايام تحسين ماتقدرين تسيطرين كثير وماتتحملين تمسكين نفسك بس اللي جاني انا بيوم ولادتي ازيد اقول لكم سحبت نفسي بسرعه ورحت بسرعه للحمام وموقادره مره حتى اني بس فتحت الباب وحطيت رجل وحده بالحمام وعلى طول بلت ماقدرت اتمالك نفسي بعدها
يالسالمين شفت مع البول تكرمون دم :woo: شالسالفه خفت وبنفس الوقت مدري احترت:confused:شنوا هالدم دم ولاده والالا بقول لزوجي لا بقول لأم زوجي بعدين قلت لايابنت الموضوع مايستاهل دم خفيف وبعدين مافي الم ولاشي طيب قلت بجلس زوجي للصلاه عاد هو الله يهديه ثقيل نومه قلت له بومحمد قوم صل قال :اي طيب قلت في نفسي اقوله وش صار ويقوم. قلت قوم بقول لك شي قال:ها شنوا .قلت:لاماني قايله لحد ماتقوم قال: كيفك ولاقام قلت خلاص بقول له عشان ماتطول المسأله وتفوته الصلاه قلت له:ترى نزل معاي دم قام فزعان وقال صدق يالله يالله على المستشفى قلت له:لا ماني رايحه بس دم وخفيف ولاالم ولاشي قال كيفك وقام صلى ورجع.
وقال لي:ها غيريتي رايك تروحين قلت:لا.
دخل يكمل نومته أنا رحت صليت ودعيت ربي انه يسهل علي ويقومني بالسلامه رحت فتحت الكمبيوتر وانا مبسوطه مره اني بولد:D والله مادريت وش الولاده صح وقمت سويت لي حليب بالقرفه سمعت انه زين يحمي الطلق ويفتح الرحم طبعا غيرت ملابسي لان جاها دم مثل ماقلت لكم ماقدرت حتى ماامداني ارفع الا وملابسي حفله:o
ودخلت عليكم ياغالين وكتبت موضوع استشيركم فيه عن اللي صار لي بعدها قمت احس برطوبه تحتي المس اقول يمكن بول اشم مافي ريحه قلت يمكن انا ماتنشفت من الماي لمابلت وغيرت الملابس مره ثانيه ونفس الشي طبعت وتبللت ملابسي وهنا خفت قلت يابنت ليكون ماي المشيمه وينزل كله عليك ويقررون عليك عمليه لايالله روحي في هالاثناء قام زوجي العزيز بيروح الدوام وانا الخوف اسرني خلاص موقادره افكردخل الحمام وجلست انتظره والماي ينزل ويصب وانا خوفي يزيد الاطلع قلت له نزل ماي ودني خلاص لبس بسرعه ولبست ودق على امه وحماتي وراحوا معنا بالطريق عشت مشاعر غريبه مامريت فيها من قبل مر علي شريط حياتي شسويت ماسويت مرعلي حياتي اللي عشتها مع اهلي والمواقف اللي زعلتهم فيها خاصة امي وابوي المهم دموعي ماوقفت:'( وام زوجي تهديني وحماتي وانا ازيد حسيت اني كاني بروح اموت وافارق الحياه وهاذي اخر لحظات عمري في هاللحظات زوجي دقني بشويش بيده التفت عليه الا:woo:وهو بعد عمري دموعه على خدوده موقف حلو مشاعر كثيره خوف قلق حيره فرحه حب وحنان:L: كلها كانت بوقت واحد وصلنا رقوني فوق غيرت ملابسي وعطوني حفاظ البسه حفاظ جلست انتظر الدكتوره تشوف وضعي طلبوا مني تحليل دم وبول وانا انتظر وش بيصير لي تمددت على السريرجات طلبت من ام زوجي وحماتي وزوجي يطلعو كلهم قالت:شنو في قلت لها دم وماي قالت انا سوي كشفيه(هنديه كانت الدكتوره طبعا شقول لكم الكشفيه حاجه مؤلمه بس تصبرت بعدهاقالت بأسف:واحد سانتي .أنا فكيت فمي:hysterical:كل هالالم بعدين واحد يالله تصبرني دموعي تنزل لحالها مدري شبلاقي هنا جبت معي كتاب اسمه ورد الولاده قمت اقرأفيه لعل ربي ييسر لي ويسهل علي نقلوني من غرفة الكشفيه الى غرفة اللي بيولدوني فيها جابوا لي فطوروطلبوا للي معي انهم يروحوا ويتم شخص واحد قال زوجي المهم انا بوديهم وبروح انام واجيك العصرقلت له خلاص مشوا جلست لوحدي جتني الممرضه قالت قومي امشي عشان ينفتح رحم قمت اتمشى واقراقران وادعي ربي مريت على باب غرفة العمليات قلت:ان شالله ماادخله ومرالوقت واسمع وحده تطلق وتصرخ وانا اقول مدري شفيها تصرخ مادريت اني بسوي زيها:worn_out: المهم جلست على هالحال قرابة الساعه بعدها زهقت ورحت غرفتي ومسكت المصحف وجلست اقرا سورة مريم جابوا جهاز التخطيط حطته علي بعدين شالته قالت في الم قلت لا وكل شوي تجيني رغبه في دخول الحمام لان مويه تنزل مني على الساعه 11بدت تجيني آلام تروح وتجي بالظهر والبطن ومتواصله لزمت السرير وقمت آخذ نفس كل ماجاني الم خذت نفس عميق يخفف علي الوجع واذا تعبت صرخت تميت على هالحال للعصر جاءزوجي جلس جنبي قلت له اقراعلي وانا اتعصرالم واحاول مااصارخ واخذ نفس قد مااقدر جاتني دكتوره مصريه هالمره وكشفت قالت 2ونص :(جنيت شلون طول هالوقت والالم على 2 يارب تسهل بموت من الالم وفوق كذا جاني النوم ابي انام :075: قلت لزوجي قول لهم ابي ابره مسكنه ابي انام ابي انام لو ساعه عطوني اياها يمكن ربع ساعه ورجع الالم تعبت احس نصفي السفلي بينفصل عن جسمي طبعا حاطين علي التخطيط وكل مااخترب التخطيط قالوا لي انقلبي على جنبك اليسار او اليمين
على المغرب حطوا لي اكسجين وقالوا لي خذي نفس كان الوضع عادي استنشق واشم بعد شوي كذا حسيت اني شبه مخدره مو قادره على الكلام وجسمي بايد ومع الوقت لساني ثقل انخنقت منه كل شوي اوخره عشان اتنفس مخنوقه ادور هوا بعدين ارجعه والممرضات يتابعوا التخطيط انا في حاله لايرثى لها تعبت كثير الساعه 8كشفت علي قالت 4يالله باقي 6 يارب توقف معي يارب شوي الا والممرضات والدكتوره اضطربوا ويقولون لي ماما خذي نفس وانا آخذ بس مخنوقه احس اني مو قادره اتنفس اكثر من كذا راحوا بحركه سريعه غيروا جهاز التخطيط انا قدامهم جثه هامده ماعلي الا السمع والطاعه :-#
جابوا شي موعارفه شنوا بالضبط بس دخلوه في الرحم قالت هذا عشان تخطيط راس بيبي ويالم شوي مثل الكشفيه تحملت تصبرت نفذ الصبر قلت بداخلي متى ينتهي هالكابوس وارتاح:I: بقول لهم يسوون عمليه الا والدكتوره تتكلم مع زوجي وهو خاف وحزن انا اطالعه ابي افهم وش تقول وش فيه ماعرفت بس لقطت كلمة دكتور قلت له لادكتور يولدني لا ماابي زوجي عصب:mad:قال شفيك الولد بيموت دقات قلبه ضعيفه بيسوون عمليه انصدمت وهوتازم استدعوا استشاري قال لهم ماراح نستعجل سووا كذا وكذا انقلبت كذا مره يمين ويسار اخذت نفس قد مااقدر ورجعت دقات قلبه طبيعيه الحمد الله قلت لزوجي كثر استغفار
شوي الا قالوا دقات قلبه ضعفت لازم عمليه خطر على الجنين يمكن يموت اسودت الدنيا بوجهي موقادره ارد او اسوي شي قلت في نفسي بقول لهم لاتسوون عمليه اذا ربي كاتبه لي بيعيش بس فكرت قلت لو عاندت وصار فيه شي ومات مو بتحسف خفت وسلمت امري للي خلقني جابوا الاوراق استسلمت :096:وقعت ركبوا لي قصطره وجابوا سرير لي ثاني نقلوني فيه لغرفة العمليات غطوا وجهي بسرعه بعدها شفت زوجي يقول لي انا بانتظرك برى باسني على جبهتي ودخلت على طول قالوا لي متى اخر مره اكلتي وسويتي عمليات من قبل قلت لا حطوا لي البنج قال لي شمي وواحد ثاني سحب يدي ودقني ابره بعدها ماحسيت بشي الا بعد ماصحيت الا وزوجي دخل يطمن علي بغرفة الملاحظه ولابس لبس خاص ويقول لي ولدتي جاء حمودي:adore: هزيت راسي ونمت مدري كم مر من الوقت صحيت قلت للممرضه اللي عندي وين بيبي قالت شوي انتظرت شالوا أجهزتهم وودوني لغرفتي الخاصه وانا اعيد واكرر ون بيبي وهم يقولون شوي انتظرتهم الا حاولت النوم شوي الا والممرضه داخله وبيدها نور دنيتي وقلب امه حمودي فرحتي برغم التعب ماتوصف كنت وقتها ابي اقول اضمه واحضنه بين ايديني بس مو قادره قلت لها قربيه ابوسه قربته بسته وبعدها راحت مع حبيبي حماده حسيته كانه يبي يقول سامحيني انا ماودي صار فيك كذاغصبن عني تعبت وضعفت دقات قلبي انا مالي ذنب ياماما قلبي هو والله فديته خذته وراحت وانا رحت في
نوم عميق هاذي قصتي في ولادتي............
طولت عليكم ياخواتي جعل عمركم يطول طبعا الاعراض اللي حسيت فيها اول شي انتفاخ البطن غازات كانك حامل تشوفين بطنك كان فيه طفل يتحرك تسمعين صوت مثل المويه
طلبوا مني امشي عشان تروح هالغازات هذا غير العلاجات اللي عطوني ولما يشيلوا منك القصطره يوم ثاني لازم تقومين طبعا تحسين بدوخه فضيعه هم يمسكون يدك ويساعدونك بعدها عادي تروحين لحالك الحمام
يجيك الم فضيع في الظهر تحسين بان ظهرك مكسور طبعا هذامن السدحه يوم كامل هاذا يروح مع الوقت مع الحلبه والتغذيه في النفاس بس اللي جاني وتاعبني لهاللحظه اللي اكتب لكم فيها هالموضوع ياخواتي الرجول الم في الركبه لحد آخر رجلي والله لما اجلس وابي اقوم والله اني مثل العجايز احتاج وقت عشان اقوم استند على شي ومااقدر اطول في التربع تنام رجلي خلوها على الله والله اني اللحين مره تعبانه من رجولي مدري وش السبب وش العلاج فكرت اروح اشوف بس خايفه من انهم يعطوني علاج ويزيد
أبي منكم ياخواتي للي جربوا القيصريه ياجعل مثواكم جنة الفردوس اللي مرت بهالحاله تقول وش خذت وخفت ورب البيت لادعي لها بظهر الغيب دعوه تسر قلبها وخاطرها