حماتي مسببة أزمة

السلام عليككم ورحمة الله وبركاته



اللهم صلي على محمد وآل محمد




,,



بناااااات نفسيتي تعباااااااانه واااااااااااااااااجد

حماتي مسببة لي ازمة والله مو قادرة اتحملها

ومدري وين ولمن افضفض لغيركم :(:'(



السالفة ومافيها ان حماتي ,, عينها حارة ,,

عندها بنت من سن بنتي تقريبا مع ان بنتها اسمها ملاك وما شاء الله اسم على مسمى

بس حاطة بالها وبال بنتي .. بنتها قريب بتكمل سنة الحين

الا بنتي وزنها جذي وبنتج هالقد بهالعمر اكثر من بنتي

والا بنتج تاكل وبنتي ما تاكل

والا بنتج شعرها غليظ وبنتي خفيف ويتساقط < - - - بنتها شعرها ناعم

اللهم صلي على محمد وآل محمد

وبنتي والله خفييييييييييف بس انه ينفش ويتلوت يصير كأنه غليظ :confused:

وبنتج وبنتج وبنتج وبنتج

والله ماجذب عليكم بنات

بنت حماتي الثانية جت لي تقول لي ليش ام ملاك تغار من مريوم

اكو تقول ان انتي شكثر تطلعين ويا زوجج وتتشرين لبنتج من كل مكان

وتقطعين مشاوير عشانها


تضايقت حدددددددي وجتني الصيحة يعني حتى على طلعاتي ويا زوجي تضايق :-o
ومحد مسكها انها ما تطلع وتتشرى لبنتها من كل مكان

مهما يكون هذي بنتي الوحيدة والاولى وابي اشتري لها احسن شي واحلى شي

وحتى اغلى شي

تدروون يا بنات انها ولاااااااااا مرة ما اجذب والله ثم والله ولا مرة شرت لبنتها ثياب

حتى لتجهيزات ولادة :sick:

كل الثياب من عند خواتها اللي يصغرون على بناتهم :thumbs_down:

وكل ما تسألني من وين ثياب بنتج اقولها من هالمكان تقول اني كل ابي اطلع

بس بنتي ما تخليني كل تصيح يعني اني كلش الحين بنتي ما تصيح

بس احبس روحي عشانها اصلا كل ما حبستها وحبست نفسي زادت نفسية البيبي تعاسة


واليوم زادت قهري بزيادة تسأل كم وزن مريم يوم وديتها امس

جذبت عليها وقلت لها 5 وشوي عن العين والله اخاااااااااااااااااااااااااف منها

توقعو شردت علي تقول يؤؤ الحين احط عليها اني 7 كيلو يعني اشكره تطااااالع

وبعد شوي الا تتلمس في شعر بنتي وتمسح فيه ومباشرة تتلمس شعر بنتها وتمسح فيه ؟!!

يعني شتتوقعوون اكيد عينها حاااااارة



ادري هدرت عليكم واجد

بس والله تعبانه ومدري لمن اقوووول

ومدري شنو اسوووووووووووي


الحين مريوم كل يطلع لها حب في رجايلها ما تقدر تنام الليل منهم

ويتتقصصون ويتنفخوون عالجنا لين شبعنا ولا شي فاااد

:'( اكتب لكم ودموعي في عيني


اني ساكنة ويا بيت عمي وهي على طول يوميا متواجدة

واني آكل وياهم بس الحين قمت اطبخ لنا واركب ما انزل الا المغرب

وبعد مو ملحقة وياها :'(:'(:'(