هلا حبوبة...
احب حفلات البنات كثييير واحسها تحسسنا بأنوثتنا وتطلعنا من اجواء الضغط والتعب لأجواء الونااااااسة البنوتية :)
بحاول افيدك بكم فكرة بسيطة من اللي يجوا في بالي..
أولا ضرووووري جدا تختاري للحفلة ثيم معين سواء كان الثيم فكرة أو ستايل أو لون معين .. فكري في شي قريب من فكرة المناسبة أو شي يحبونه اختك وبنت عمك او ألوانهم المفضلة
مثلا.. انا كنت حاضرة حفلة ربيعتي وكان الثيم ستايل الستينات ... خخخ كان قمممة الوناسة... كان ديكور القاعة من ديكور بيوت وحقلات الستينات.. وكل الحضور كان لازم يكون لبسهم وستايلهم من مال الستينات شي شي شي
مثال ثاني.. ربيعتي سوت حفلة وكان ثيم الحفلة الاسود والابيض والفوشي... كان كل ديكور المكان بهالالون ولبسنا كلنا كان بهالالوان وحتى الهدايا اللي اهديناها لها كانت مغلفة بهالالوان
مثال ثالث.. مرة حضرت حفلة كان ثيمها SPA .. دلع وريلاكسيشن للبنات ... وكانت الفكرة خياااااااااال ... بسيييطة جدا في ديكورها بألوان هادية ورايقة .. والفكرة كانت اننا نقضي الحفلة كلها للدلع والاسترخاء.. بدكير .. منكير .. ماسكات وجلسات مريحة .. شموع بروائح اللافندر والفواكه
اعتقد اني مريت على موضوع لوحدة من البنات فيه فكرة مشابهة لهذي .. اذا لقيته بحطلك الرابط
افكار ثيمات ثانية ..
الصيف والبحر (رمل .. واصداف.. ملابس صيفية .. مظلات)
الربيع والوانه (احمر وازرق واصفر واخضر ووردي وبنفسجي.. ورد وفراشات )
ستايل الديسكو (اضواء خافتة والوان برااقة من فضي وذهبي وترتر)
ذكريات الطفولة (ممكن توزعي صور تجمعكم لما كنتوا صغار في كل مكان .. تحطوا العاب قديمة او ملابس قديمة لكم لما كنتوا صغار .. تتشاركوا الذكريات والالعاب والمقالب القديمة )
بيجاما بارتي .. (اذا بتكون بنوتية جدا وكلكم قريبين من بعض)
الثيم الابيض والوردي.. شي راااااايق ورااااقي بورد ابيض ووردي ومفارش بيضا وكريستالات والكل يلبس
ابيض ووردي
المكيااااااااااج...بعد فكرة بنوتية تجنن...الديكور بكل الالوان... كل انواع المكياج موزعة في كل مكان وكنوع من التسلية كل وحدة تتفنن بلوك مكياج مميز او تسووا فرق كل وحدة تمكيج الثانية وتصير منافسة في تقليد لوك معين او من الاحلى وبالتوزيعات تكون مكياج بعد :)
الماركات ... يكون بماركتهم المفضلة مثل شانيل او LV وغيرها.. كل شي بألوان الماركة وبشعارها والكل لازم يلبس على الاقل قطعة وحدة من الماركة سواء لبس او اكسسوار
الشوبينج ... حبيب البناااات خخخخ .. تزيين المكان يكون بأكياس الشوبينج في كل مكان وبكل الماركات.. وحلو لو تكون الهدية منكم عبارة عن قسيمة شراء في مجمع معين او من محل هي تحبه
وغيرها من الافكار كثييييييييييير...
بس تأكدي ان المعازيم يلتزموا بالثيم لما تعزميهم للحفلة وتوضحيلهم الثيم بجملتين بسيطات
المعازيم ..
طبعا انت تختاري من تعزمي ...الافضل يكونوا في اطار الاهل والصديقات المقربات جدا ... براحتك بس دوم تذكري يكون الجو مريح للكل .. وما يكون في اي توتر او خجل او حواجز عشان الكل يستمتع بالحفلة
تزيين مكان الحفلة ...
يكون بحسب الثيم طبعا ... وممكن تستخدمي بالونات (العادية او اللي تطير في الهوا). ورد ... شرايط ...شموووع ... كريستالات ...ورق جدران ... او اي اشياء تناسب الثيم توزعيها في كل اركان المكان وعلى الطاولات او الكراسي ...
والاضاءة بحسب الثيم ممكن تكون اما منووورة .. او خافتة باضاءات ملونة او اضاءة الحفلات
الهدايا...
بالعادة اذا كانت صاحبة الحفلة هي المنظمة ... تعمل توزيعات بسيطة تهديها للمعازيم تكون ذكرى لهاللمة
والمعازيم بدورهم يجيبوا معهم هدايا لها بحسب المناسبة ((اما اذا كانت لمة عادية .. الهدايا مالها داعي))
في حالتك ممكن المعازيم يجيبوا هدايا لاختك وبنت عمك .. او انكم تتفقون كلكم تجمعوا مبلغ معين وتسوولهم مفاجأة كبيرة أو هدية معتبرة
ممكن تحطي عند مدخل القاعة او على زاوية لوحة او دفتر عشان كل وحدة من المعازيم تكتب اللي بخاطرها لأختك و بنت عمك وتوقع
الأكل...
وماااافي حفلة تكتمل بدون الاكل خخخخ
بس بما انها حفلة بنات ... كثري من الخفايف والحلويات والسلطات والحركات البنوتية ... وبالكثير حطي طبق رئيسي واحد او 2.
ممكن انك تحطي الاكل بنظام بوفيه او توزعي صحون صغيرة فيها انواع الخفايف على طاولات موزعة في مكان الحفلة .. كله يعتمد على ترتيبك للمكان
وطبعا لازم تنوعي في العصاير والمشروبات
وحلو لو يكون في كيكة بهالمناسبة تحطي في ((الحمدلله على سلامتكم )) او صورهم و اسماءهم ((ولو تكون الصورة لهم وهم صغار او صورة كووول بيكون احلى واحلى ))
تذكري يكون ستايل تقديم الاكل و حتى انواع الاطباق مناسبة للثيم
افكار وفعاليات ..
انت وذوقك وعلى شو متعودين
في بنات يحبوا يحطوا اغاني ويكون الجو رقص وفرفشة
أو ممكن تسوي مسابقات بأفكار حلللوة لكم تتسلوا فيهم ويكون الجو ضحك ووناسة وفي نفس الوقت تكون اشياء للكبار
عندي افكار العاب كثيرة ياما لعبناها في تجمعاتنا
ولاااااااااا تنسي الكاميرااااا عشان تظل ذكريات هالحفلة الحلوة
عسى اكون ساعدتك بشوي افكار واذا عندك اي استفسار انا حاضرة
واذا تذكرت شي برجع احطه
لا تنسيني بدعوة في ظهر الغيب
وقلت مالي الا الله ثم انتم يالغاليات ...
