عندك سمنة مفرطة وتم حملك على خير؟

شكراً على مرورك ودعواتك اختي ام ابراهيم ..

اختي الله يعوضك خير
و يرزقك الذرية الصالحة
ايوه السمنة سبب رئيسي للاسقاط
حاولي تروحي لاخصائية تغذية تتابعي معاها عشان تخففي وزنك
وربي يجبر بخاطرك

حاولي وجاهدي تنزلي وزنك وعسى الله يرزقك بالحمل السليم الثابت آمين يارب العالمين

حبيبتي لازم تنزلي وزنك السمنه تزيد التكيس

ترى التكيس يسبب اجهاض حبوبه

وممكن السمنه سبب الاجهاض بس اشوف حريم ماشاء الله سمينات يحملن ويولدن عادي

المرة الثالثه ان شاء الله يثبت

مغتربة سدني + هدهوده + شجن الشجون ..

شكراً حبيباتي على ردودكم ، واني فعلاً حاولت بس ما ادري ليش محبطه واحس ان الرجيم صعب وموقادره اواصل ياريت اللي عنده رجيم حلو وسهل وينزل الوزن بشكل معقول يكتبه لي يمكن يكون الحل على اياديكم ..

واني سويت قبل الرجيم البروتيني طبعا مع اخصائية تغذية ونقصت 12 كيلو في شهرين بس حسيته واجد صعب خاصة اني احب النشويات جداً .. فرجعت الكيلوات مرة ثانية .

شاكرة للجميع تواصلهم ..

أدعي لربنا,,,, انما امره اذا اراد شيئا ان يقول له كن فيكون

مرحبا

قبل موضوع السمنه التلقيح الصناعي نسبة النجاح فية مو اكثر من20 %

يمكن يكون هدا سبب, والسمنه حطيها سبب آحر , وعليش انت نصف العلاج

حاولي تنزلين وزنش مع دكتورة تغدية افضل من الريجيمات الي نسمع عنها

هلا دموعة حبابة ويش اخبارش
خيووو اني اول ماتزوجت ماكن وزني واجد كبير لكن حملت وطرحت مرتين
ويوم احمل بعبادي كان وزني واجد لكن الله كتب لي انه يضل ولله الحمد ببركة الدعاء
يعني ممكن يكون عندش السمنة هي السبب ويمكن يكون التكيس
بس الحل انش تنزلين من وزنش علشان السمنة وعلشان التكيس
والله يكتب الليش الحمل السليم ان شاء الله

شكراً اخواتي على الردود ..

ام عبادي القمر .. ممكن تقولين لي كم كان وزنك لما حملتي ؟؟ وهل عانيتي من مشاكل في الحمل من الوزن الزايد ؟
وهل قبل ما تحملين بعبادي نصحتك الدكتورة انك تنزلين وزنك وقالو لك ان سبب في الاجهاض؟

آسفة كثرت عليكي اسئلة بس حبيت اعرف تفاصيل اكثر لو سمحتي ..

شاكرة لكل اللي رد عليي ..

دموع حالمة;13620590:
شكراً اخواتي على الردود ..

ام عبادي القمر .. ممكن تقولين لي كم كان وزنك لما حملتي ؟؟ وهل عانيتي من مشاكل في الحمل من الوزن الزايد ؟
وهل قبل ما تحملين بعبادي نصحتك الدكتورة انك تنزلين وزنك وقالو لك ان سبب في الاجهاض؟

آسفة كثرت عليكي اسئلة بس حبيت اعرف تفاصيل اكثر لو سمحتي ..

شاكرة لكل اللي رد عليي ..

هلا حبابة
اني لما حملت قبل بعبادي كان وزني في ال80
وطرحت مرتين وكل مرة احمل ازيد كم كيلووو
اللين ماحملت بعبادي كان وزني 103 كيلوووو وماكان فيني تكيس
ولما طرحت قبل ماقالت لي الدكتورة شنو سبب الاجهاض لانة قالت لي مانسوي تحاليل علشان نعرف شنو سبب الاجهاض الا لمن يتكرر الاجهاض 3 مرات
وبعد ماولدت صادتني خربطة في الهرمونات وكنت قاعدة انزل وزني قبل لا اعرف انه فيني تكيس واللياف
وبعدين لما عرفت انه فيني تكيس سالت الدكتورة انزل من وزني علشان الحمل قالت لا خلية بعد الولادة نزلي وزنك
وحملت مرة ثانية وكان وزني في ال90 او نهاية ال80 مو مذكرة كم بالضبط
وبالنسبة لحملي بعبادي عانيت من النزيف لمدة 6 شهووور تقريبا وطبعا لما تحملين وانتي منزلة وزنش افضل بكثير لما تكونين وزنش فوق المعدل الطبيعي
لما قارنت بين حملي بعبادي وحملي ببنتي كوثر فعلا في فرق
ببنتي احس اني خفيفة لكن بعبادي كنت احس الثقل دبل ثقل عبادي وثقل وزني بس الحمد الله رب العالمين ربي سهلهاا
وكلشي بالنهاية بيد الرحمن
بس خيووو انتي عندج اكثر من سبب ممكن يكون هو سبب الاجهاض
السمنة والتكيس

دموعة حبابة لازم لازم تنزلين وزنش وكثير سمينات يحاولون يحملون بس من ينزلون اول كم كيلوو يحملون سبحان الله
اتبعي نظام التخفيف + المشي هالنظام سهل ماارح تتعبين فية لانش راح تاكلين كلشي بس الكميلة قليلة
بس انتي سويتي تحاليل تعرفين شنو سبب الاجهاض
واني سمعت انه التكيس اذا كان من الدرجة الثالثة ممكن يسبب اجهاض
انتي عندك التكيس من اي درجة؟؟
واي سؤال خيوو اني حاظرة F:

دموع حالمة;13509501:
صباح الخير يا بنات ..

انا الحين صار لي 4 سنوات ونص متزوجة ، عندي تكيس مبايض .. اول حمل لي كان بعد ثلاث سنوات من زواجي بعملية تلقيح صناعي وحملت بس اسقطت بعد شهر ونص حمل الحمد لله على كل حال .. وحملت مرة ثانية بعد بعملية تلقيح صناعي بعد ثلاث شهور من اسقاطي، وللأسف اسقطت مرة ثانية واني في الشهر الثالث لأن الجنين ما في نبض وانه اعضائه ما تكونت وصل لشهر ونص وتوقف نموه ومات ، وسويت عملية تنظيف .

وقالت لي الدكتورة اسوي تحاليل وطلعت سليمة وقالت لي احتمال السمنة سبب في الاجهاض .. هل حدث لأحد مثل حالتي ؟؟ وزرت دكتورة ثانية طبعاً نصحتني اني انزل وزني بس طلبت مني تحاليل اخرى لتتأكد من عدم وجود جلطات لاسمح الله ..

علماً بأن الحمل الأول كان وزني 120 ، والحمل الثاني 123 .. وقاعدة احاول اني انزل وزني بس ما ادري اشفيني ما عادت الارادة مثل قبل وخاصة اني ابدا ما وصلت لهذا الوزن من قبل ، واني جداً متضايقة وخايفة اسوي العملية مرة ثانية واجهض بسبب السمنة .. وهل فعلاً السمنة سبب للاجهاض؟؟

ادري اني قصيت قصة حياتي من غير ما ارتب افكاري بس اتحملوني يابنات .. لاني جدا متضايقة من وزني ومن تأخر حملي ..

والله يرزق الجميع الذرية الصالحة المعافاة يارب ..

خيووو رجعت وقريت الموضوع
لانة قريتة من كم يوم ونسيت الي فية
بس حبيت اقول لج لاتسوين العلمية الا لمن تنزلين وزنش
ويش دراش يمكن اذا نزلتي وزنش تحملين ان شاء الله طبيعي
واني اقول لج ممكن وكثير سمينات يكون سبب اسقاطهم السمنة وفي منهم عادي
ولاتقولين خيوو مافي ارادة
علشان خاطر يكون عندش بيبي لازم تشجعين نفسش
لاتقولين ماعندي ارادة انتي اخلقي الارادة بنفسش
توكلي على الله وسوي رجيم
ولا بنتنظريني لانة ناوية ابتدي ان شاء الله
مع الرابح الاكبر:)
وايد اتشجع لما اسوي رجيم في نفس وقت البرنامج

في ناس ياثر عليهم وناس لا

اعرف وحده مو سمينه لدرجة كبيرة قالوا لها نزلي وخففي اكل

وفعلا نزلت شوي وحملت

يقولون مو شرط السمينة ما تحمل المهم انه ما يصير ثقل على رحمها

ام عبادي القمر ..

شكراً لك على الرد تعبتج معاي .. بس غريبة ليش الدكتورة سوت لي التحاليل وهذا المرة الثانية لي !!

بس صراحة شجعتيني ابدأ .. متى ان شاء بيبدأ البرنامج وكم وزنك احين ؟؟ عشان احس وياي احد واتشجع ..

وشنو كان رجيمك لما نزلتي وزنك قبل حملك بكوثر ..

تحياتي لك ..

أنس الوجود .. شكراً على الرد

وفعلاً كل شي ربي كاتبه يصير .. بس احنا علينا العمل

الله يرزق كل محروم ان شاء الله ..

دموع حالمة;13651746:
ام عبادي القمر ..

شكراً لك على الرد تعبتج معاي .. بس غريبة ليش الدكتورة سوت لي التحاليل وهذا المرة الثانية لي !!

بس صراحة شجعتيني ابدأ .. متى ان شاء بيبدأ البرنامج وكم وزنك احين ؟؟ عشان احس وياي احد واتشجع ..

وشنو كان رجيمك لما نزلتي وزنك قبل حملك بكوثر ..

تحياتي لك ..

لا خيووو ماتعبتني ولا شي حاظرين للحلوين:)
وانتي يمكن لانة تراجعين خاص
اني رحت السلمانية وقالت لي هالكلام
وعن البرنامج سكتي متشجعة حدي وقاعدة انتظرة على احر من الجمرههههههههه
هو المفروض يكون على نص 11 بس ماادري للحين ماشفت لة اعلان

وعن الرجيم اني اتبعت لمدة معينة مااذكر بالضبط يمكن 4 شهووور رجيم الدشتي ونزلت علية ماشاء الله كثير
بعدين وزني وقف واخذت لي فترة راحة عن الرجيم
وبعدين قمت اتبع التخفيف يعني اكل كلشي بس بكمية قليلة وامشي
وايد وايد ارتحت على البرنامج
والحين وزني من بعد الولادة اخر مرة وزنت كان وزني 12.5 كيلوووو
ووصل وزني يوم كنت حامل 120 كيلووووو:o
ويوقولون الرضاعة تضعف وهذاني متشجعة حدي ارد اوزن اشوف نقص وزني او لا

ام عبادي القمر .. شكراً على التجاوب السريع ..

اني بصراحة اتابع عند خاص وما ظل دكتورة ما رحت لها يمكن صار لي مبدلة 5 دكتورات واللي اتابع عندها السادسة ههههههههههههههههههههه ..

ياترى حملك طبيعي والا بعملية ؟

لأني في المرتين حملت بعملية تلقيح .. بالرغم من اني لما بديت اراجع الدكتورة كان وزني 100 يعني اقل من الحين بـ20 كيلو وبعد ما حملت واول ما تزوجت كنت في التسعين .. بصراحة الوزن معاناة كلما له يزيد ..

وبالنسبة لوزنك بعد الولادة انتي كاتبته غلط (خطأ مطبعي) هههه

بس شكلك زدتي وزن واجد في الحمل ؟؟ كنتي ما خذه راحتك يبين ..

إن شاء الله بحاول من الحين اخفف اكل على الأقل ليما تبدأين اكون نزلت لي كم كيلو يارب ..

تحياتي لك ..

السلام عليكم ورحمة الله،

شوفي يا اختي انا سمينة سمنة مفرطة و عندي بنتين وحامل في شهري الثاني، لما حملت ببنتي الأولى وعمرها آلحين 4 سنوات كنت أوزن 113، و حملت بالثانية وعمرها الحين 3سنوات و أنا أوزن 117، و أنا حامل بالثالث ووزني 120، وقبل ما أحمل بهذا الحمل، كان عندي تكييس مبايض والدكتورة قالت لي لما حبيت آخذ حبوب حتى ما أحمل ،أنت ما راح تحمليحتى لو ما أخذتي أي مؤخر حمل، و كأنها دخلت في علم الله، والحمد لله أنا حامل مع وزني المفرط والتكييس اللي في المبيض، كله من عند الله هو القادر على كل شيء، أدعيه أختي، هذه حكايتي حتى تعرفي أن الله هو الذي يقدر متى تحملين، والحمدلله على كل شيء.

و السلام عليكم.

يؤؤؤؤؤؤؤؤؤ كاتبة 12.5 ههههههههه:lol:
قصدي 112.5
فعلا خطا مطبعي
والحمد الله حملي كلة طبيعي
ويلا ابتدي وان شاء الله اني لاحقتنش بس على الاقل انتظر اطلع من الاربعين
وابي رجيم يصلح لوحدة ترضع
لانة اخاف يقل الحليب
لانة اني اكل عاادي وبعد الحليب عندي قليل:thumbs_down:
بس نصيحة من عندي تابعي مع دكتورة وحدة بس لانة جدي تشتتين كل وحدة تقول الليش شي
مع مين من الدكاترة تابعتين؟؟