همسة من اعماق قلبي اقولها لكم: اشتقت لكم جدا جدا :adore:
كعادتي يوم الجمعة يوم العائلة سعيد عندي عسى دووم يارب
ومثل ما تعرفون فطرة البنات يحبون سوالف الامهات من طبخ ومكياج ...
وفشهودة بدت تدش مطبخ معاي لما اسوي حلويات او بيتزا وانا اخليها تساعدني عسب تحس باهمية العمل من صنع يد الانسان
ويوم الجمعة طلبت تسوي اكل قالت ماما كل مرة اسوي بيزا وسويت ابي اسوي رايس :worn_out:خخخ
قلت لها بعدج على هاي حبوبة بس بنسوي شي يديد وبخليج تسوين معاي.. :D
" الي ما يعرف شهودة بنتي البكر وفرحتي عمرها 3 سنين ربي يحفظها " :L:
وقررت اسوي فطاير بس غير هالمرة ..فطاير سيخ الدجاج
يلا نبدا مع بعض بس تعرفوني لازم اهذر..حرمة وما ارتاح بدون كلام خخخ :lol:
اول شي مقادير جدا بسيطة ..
واول المقاديربسم الله ماشاء الله ربي يحفظها
شهودة :D
انا استخدمت طريقتين للف عسب اعرف اي وحدة افضل واحسن
فاستخدمت عجينة السمبوسة والعجين
عجينة السمبوسة وقصيتها بالطول
عجينة الفطاير
خلطة دجاج..تقدري تاخذي اي خلطة دجاج ..انا كنت مسوية خلطة للكباب دوائر والباقي استخدمتها هنا
وتتكون من زنجبيل وملح وليمون وكزبرة وقليل من فلفل الاحمر وخلطتهم في الخلاطة الخاصة
اعواد السيخ
سمسم
نجي للطريقة :
اول شي حطيت الكباب على سيخ
وهاي بنتي سوت صغير حالها ولاخوها :adore:
ونحطهم بالفرن عسب يستوي ويتحمر شوي
وبعدما يستوي شوي نطلعهم ونلف عليهم لفائف السمبوسة او العجين
وانا جربت الاثنين بس مع عجينة الفطاير طلع الذ وناعم ويذوب في الفم يميي
وطبعا شهودة كانت تلف معاي
شفتوا كيف تقدروا تعطوهم مهمات البسيطة :L:
وبعدها نرش عليهم قليل من زيت وننثر عليهم السمسم
و نضعها بالفرن لمدة 10 دقايق فقط وتصبح الاكلة جاهزة
هاي بعجينة الفطاير..بجد ناعمة وهشة
وهاي بعجينة السمبوسة
وهاي بعدما تذوقتها بنتي من عمل يديها :)
يميييي لذيذه جداااااااااا
بالنهاية شوفتوا كيف مشاركة مع الاطفال ما تحتاج قوانين و اومر انما مثل طبختج
كيلو من الحب..رشة تشجيع.. ملعقة تحبيب والاهتمام.. والاهم لكي تنجح طبخة : المشاركة
" فتذكري كل شي اذا قمتي به وحيدا يكون حتما لذيذا ورائعا ولكن بالمشاركة يصبح الذ واروع :L:
الف هنا وعافية واسئلكم الدعاء لي ولعائلتي
ومتنسوش التقيم دي حاجة كويسة جربوها وحتعرفوا :lol:
وربي يوفقني ويجعلني من حجاج بيته هذه السنة باذن الله