زوجي يشتكي من قلة كلامي :(

لوووووووودي;13493478:
انا كنت زي كذا بعدين صرنا نرسل لبعض رسايل والجوال بعدين اخذت عليه
كان يعصب يقول لي كاني اكلم نفسي بس بعدين صار عادي
بس لازم تتمتعي بهذي المرحله لانها مرحله لا تنسى

.. أمــ عــلــيــ ..;13493563:
ماشاءالله تبارك الله .. الله يتمم لك على خير ويجمعكم ببعض بأقرب وقت ويسعدكم ..

شوفي حبيبتي .. لا تحاولين بفكرة الماسنجر لأنك زي ما قلتي بتفتحين على نفسك ابواب انتي بغنى عنها ....!!!

حبيبتي .. قوي ثقتك بنفسك وحطي في بالك انك ان شاءالله قادره على التجاوب معاه بالتلفون . .

واذا كلمتوا بعض بالتلفون فكري ببالك .. وقولي لنفسك .. اذا ما قلت له الحين كل شي عني وكل شي بخاطري متى اقوله ولمن ؟!!! وتذكري انه زوجك بالحلال وعلى سنة الله ورسوله .. يعني المفروض ما يكون بينكم حواجز وصمت ..!!

بالعكس ترى الفترة هذي حلوة مرة .. منها تتعرفون على بعض أكثر ومنها تكسبون ذكريات حلوة ...!!!!

معليش حاولي .. اول مرة كلمة .. ثاني مرة كلمتين .. لحد ما تتعودين عليه ..

واذا على التعريف عن نفسك والاشياء اللي تحبينها .. مثلاً اسأليه بشكل غير مباشر وجيبيها بطريقة ذكية عن شي تحبينه واسأليه عن رأيه فيه .. واذا كان يحبه ويرتاح له .. بعد ما يجاوبك علميه برأيك انتي ..

ان شاءالله اكون افدتك لو بالقليل .. :)

آهات مكتومة;13493574:
احنا جربنا المسن بس ماقال لي عن الكام :o

مساكم ورد;13493637:

اختي حبيبتي الله يكون في عونك والله بعدين بيقول طفشتيني اسكتي وهذ لازم في الاول والله يوفقك

عروسة غير;13493704:
حبيبتي الريايل ما يحبون الوحده الي اتم طول الوقت ساكتة وماعارفة تقول شي !!

أنصحج عشان تقربون من بعض بالشغلات التالية:




1- اي مشكلة تصيدج دقي الووو انا مضايقه ..

شفيج .... هو بسالج ؟؟ والله صادني جذي وجذي

ومضايقة ومالقيت غيرك اشكي ....هني بحس انج

تخبرينه بكل شي وتفضفضين له

2- قولي له شصار معاج طول اليوم سويت جذي

وجذي ... اكيد بعرف من كلامج اشيه وايدة عنج وعن

شخصيتج

3- سولفي عن هلج وعن دراستج وشنو يعجبج وما يعجبج

4- رحتي السوق ؟؟ رديتي ...؟؟ انزين الوووو

وسولفي شصار معاج بالسوق موقفج ضحكج موقف

محرج وهلون يعني

لا تمين ساكتة ومب عارفة شتقولين جذي تصير المكالمات ملل :worn_out:

شموخ شمر;13493788:
ياهلا فيك عزيزتي
فعلا .. كلامك صحيح ..
احس مكالماتنا بدا يدخلها الملل وهذا وحنا تونا مبتدين فيها
وباقي لنا 8 شهور :|

تدرين شنو المشكلة !
اني اساسا ما ادرس وجالسة بالبيت وطلعاتي جدا قليلة
يعني مافي احداث تصير علشان اسولف له عنها
فاهمة علي ..
وبالنسبة عن اهلي غالبا تصير مشاكل واتضايق منها
فـ ما أحب شاركه بشي بخصوص اهلي

الله يعطيك الف عاااااااافية عزيزتي
ويجزاك الف خير

عروسة غير;13493822:
امممم انزين اخترعي لج قصص خخخخ

حتى إذا تضايقتي من هلج قولي له بس لا تقولي السالفه الصجية يعني حوريها شلي منها الجزء الي ما تبين تقوليه :biggrin: أهم شي تقولين سالفة :lol:


قولي له همومج ذكريااااااااتج الحلوة والمره وفضفضي له
نصيحتي صج ترا لازم هالفترة ما تكون مملة بالعكس لازم المكالمة ما تخلص من كثر السوالف

حساسه حيييييل;13494624:
بصراحة عزيزتي كلام ام علي ما بعدة كلام كلة حكم وما شاء الله عليها خبيرة بالحياة.فديتج استمتعي بكل لحظة بعمرج ولا تستحين خليج جرية .أول ما يكلمج قوليلة مرحبا الساع مرحبا بهذا الصوت صدقيني بيفرح وعليج بالدلع .وربي يسعدج ويسهل عليج