معجنات أقراص البيض واللحمة ..لذيذة ومصورة .

السلام عليكم ورحمة الله وبركاته ..

اليوم معجناتي سريعة وبتنفع لوجبة عشاء طيبة وشهية ..

أنا عادة بعمل خبز بالبيت ..ومن نفس عجينة الخبز بعمل أقراص البيض ..

هاد رابط طريقة عمل الخبز ..

http://forums.3roos.com/showthread.php?t=284093

بعد فرد العجينة بحطها بالفرن وبخليها تستوي من تحت بس شوي ..وبالشوكة بضغط عليها من فوق حتى ما تنفخ ..

وهي ساخنة وبسرعة (بأصابعي الإبهام والسبابة) بعمل لها أطراف متل الفطيرة أو الباي ..



قبل بوقت بقلي البصل المفروم ناعم مع اللحمة المفروم وببهر بالملح والبهار والفلفل الأسود والحب هان ..



بضيف للحمة بيض حسب الكمية .تقريبا لكل رغيف بيضة .


بنحرك ونصبهم فوق العجينة ..مهم كتير ننتبه ما يسيل البيض ..



وبنخبزهم مرة تانية من تحت شوي وبنحمرهم من فوق ..

والنتيجة ...






وهاي مناقيش لعيونكم ..تفضلوا ..


صحة وهنا