تجمع لبنات التقويم .. (اللي حاطين تقويم أسنان) .. 4

مساء الخير ..

وين حطيتي التقويم؟ وبكم ؟ وكم صار لك من حطيتيه .... <<اختبار تحريري :D

حطيته عند دكتور وليد بمستوصف الشامل بشارع المدينه ..
بــ8000 الاف..وتقويم السيراميك .

وهذي صورته


توني لي اسبوعين تقريبا ..والمشوار لسه طويل الله يعين :thumbs_down:

واللي وصلوا لمرحلة التقويم المتحرك ... تخبرنا كم صار لها ومتى تحطه ...
امممم وبعد ماركة فرشاة التقويم والفرشاة العادية ... وأحسن فرشاة في نظركم ..

الفرشاه اعطاني الدكتور من عنده ..فرشه برأسين زي فرش الماسكارا وحده صغيره والثانيه كبيره .
وهذي صوره لنفس الفرشاه وطريقة التنظيف..


وفرشاة اسناني العاديه سنسوداين ومعجون سنسوداين ..
ووش المسكن اللي تستخدمونه اذا عورتكم أسنانكم :(
ركبته بس ماشد لي الين اقلع ضروس ..فمادري وش اخذ من مسكن!!

ووش تاكلون ... ووش الأكل اللي تبتعدون عنه ...
اول ماحذرني منه الدكنور التويكس المشكله غرامي الاول هو ..وبعدين قالي المكسررات والاشياء القويه ...اما اللحم والدجاج اكلهم بحذر..
غير انه افرش 3 مرات باليوم وكل مره لمده 3 دقائق ..
وانظف مابين الاسنان والبريسزز ..

مافي احسن من بندول خ

في حبوب ثاني بس ناسيه اسمه بس لاتكثرين منه يسبب حساسيه


انه لاتويكس لا ذرة كل شي انتفه صغير صغير

الحمد افتكينا بدينا في ريتينر

وعليكم السلام

مشكورين على فتح الموضوع الحلو خاص اني راح اركب تقويم بعد ثلاث ايام بس بعد معاناة شهر خلني اقلع اربع ضروس

واه ياقلبي ماعندي ضروس اكل عليه راحت ضروس كل عشان التقويم

بس بسالكم هو اول مايركبه يعور وكم يوم يجلس يعور

وانا راح اركب تقويم شفاف عشان راح يجلس سنتين مدري وش رايكم

بس والله منحرجه لان زوجي السنه هذي وذحين الي ركبتها التقويم


وشاكره لكم وعساكم على القوة

الحظ المنتظر;13503541:
وعليكم السلام

مشكورين على فتح الموضوع الحلو خاص اني راح اركب تقويم بعد ثلاث ايام بس بعد معاناة شهر خلني اقلع اربع ضروس

واه ياقلبي ماعندي ضروس اكل عليه راحت ضروس كل عشان التقويم

بس بسالكم هو اول مايركبه يعور وكم يوم يجلس يعور

وانا راح اركب تقويم شفاف عشان راح يجلس سنتين مدري وش رايكم

بس والله منحرجه لان زوجي السنه هذي وذحين الي ركبتها التقويم


وشاكره لكم وعساكم على القوة

مرحبا اختي طبعا اول ماتركبينه راح يوجعك بعدين عادي تتعودين عليه انا جلست شهر واتعودت عادي صراحه مادري عن التقويم الشفاف انا ركبت العادي فيه الوان شوفي اللي يناسبك وركبيه
والله يسهل عليك يارب
والله يوفقك في زواجك

السلام عليكم ورحمة الله وبركاته

مبروك عليكم التجمع الجديد امممم اليوم كان عندي موعد تقويم

احزرووو .. مافكيت التقويم .. أصلاً كنت متوقعة لأن كان في مسافة ما تسكرت

والحمد لله الدكتوررة انتبهت لها بدون ما أقول لها .. كنت بقول لها

وناسة اليوم الدكتورة هي اللي عالجتني طبعاً كالعادة لازم أقول لكم القصة بالتفصيل

راحت معاي زوجة أخوي .. تبي تروح معاي قلت لها يللا توكلنا على الله

العيادة كانت خالية مافيها مرضى وايد

دشيت الحجرة كانت اللمرضة سانيتا مدري وش اسمها

قاعدة مكان الدكتور .. وكانت دكتورة جديدة ياية تتدرب قاعدة ع الكرسي

عطيت الستكر للدكتورة .. خفت ان الدكتورة رنا مب هني لكن الحمد لله

توني فاعدة على كراسي الانتظار إلا يات الدكتورة .. دشت الحجرة وعقب نادتني

اشتغلت وايد شغل .. أظن أظن غيرت لي السلك فوق نسيت هع

ويمكن بعد لفت سلك ثاني حوالين سلك التقويم بعدين حطت لي الألوان

على آآآخر شي يا الدكتور .. لما شافني يقول للدكتورة ( فلان .. لا ؟ )

فلان هو أبوي .. ناداني باسم أبوي خخخ كنت بقول له : لاء ولد أخوه

بس تعرفوني آنه حياوية ما أرد عليه خخخخ

المهم كانت بتشد على كامل الفك وأكثر شي عند الفراغ

قال لها لاء شدي بس على الجهة اللي فيها الفراغ

والدكتورة مستانسة ع النتيجة تقول لي تذكرين التقويم قبل

تقصد شلون كانت حالة أسناني .. قلت لها أي .. تقول ماشاء الله وايد متحسنة

مستانسة قعدت تشرح للدكتورة المتدربة شلون كانو ضروسي ولما الدكتور يا

بعد قالت له إن أسناني وايد تعدلو .. الظاهر إن حالتي كانت صعبة خخخ

لا والدكتورة وهي تشتغل قاعدة تدندن هههه .. على اممم و لالا لا

قال لها الدكتور شدي بس على جهة الفراغ ولاستيكات تستخدمهم بس وقت النوم

لأن باقي شي بسييييييط جداً .. لأني الشهر اللي طاف صراحة أهملتهم

عندي موعد تاريخ 8 / 12 يعني عقب أسبوعين تقريباً

واخترت اللون الأزرق مثل اللون الأزرق التركواز بس غامق بدرجتين

عاد لازم تتسكر المسافة ويفكون لي التقويم مايصير مليت

لما الدكتورة شدت تقول لي تحسين ضغط قلت لها أي

وفعلاً كنت أحس ضغط لما لما رجعت البيت مافي لا ضغط ولا شد

بس واحد من الأسنان الأمامية أحسه مشدود شوي بس هذا ماله خص

خايفة إن المسافة ماتتسكر .. إذا ماتسكرت بقول لها خلاص فكي لي التقويم

رحيل الامل;13504116:
مرحبا اختي طبعا اول ماتركبينه راح يوجعك بعدين عادي تتعودين عليه انا جلست شهر واتعودت عادي صراحه مادري عن التقويم الشفاف انا ركبت العادي فيه الوان شوفي اللي يناسبك وركبيه
والله يسهل عليك يارب
والله يوفقك في زواجك

يسلمووو حبيبيتي ماتقصرين وانا سمعت حلو تقويم الالوان

ويسهل عليك ويوفقك انتي كمان و يستر عليك دنيا واخره



امه الله حلو تقريرك تنفعين في محطة اخبار ههههه:lol: امزح

بس خلي عندك شوي صبر وان شاء الله تتسكر مع الايام

الحظ المنتظر

ههههه .. آنه جذي أنقطع عن التجمع مرة وحدة

وأرجع أهذر مرة وحدة وماخلي شي ما أقوله

امبييييي توني أنتبه موعدي الجاي مو بعد أسبوعين

بعد شهرين .. أمبيييي .. وععع شيصبرني هالشهرين

وآآآآآووزز مبررررووووووووووووك التجمــع الجديد ... ^^

ههههههههههههههههههههههههههههه آمة الله توووووووووووووووووووحفــة .. حسيييت آني كوونت معآآكم في العيآدة..

يلآلآلآ صبرري نفسسسسك قعدتي دي المدة كوولهآ منتي قآدره تتحملي شوويتين ... و مبروووك الآآسنآآن القميله خخ

آنــآآ آليييين دحين مآركبت القآآعدآآت مع آنوو ركبت التقوويم في رمضضضآآن.. ><
بس مآآقدرت عششآن مي قآدره تركب المطآطآت بين آسنآآني مرآ مآفي فرآآغ ومآدري آيش رح تعمل .. ><

هلا بنات
كيفكم؟

بنات انا ليا 4 شهور 3 ان ماخاب ظني >> مخبصه ههههههههه


المهم بدت اسناني تصفر :(:(:(

واكرهـ هاللون

بنات اسعفوني شو الحل

والدكتور كل مااروح كل مره يخاصم يقول ليا نظفي اسنانك اقوله انظفها يقول ليا نظفيها اكثر

شلون اكثر وانا كل مره انظفها واشوفها نفس الشيء

ولا الحين تزيد صفاار


:(:(:(:( وش الحل ؟

اي معجون تستخدمين

هل تستخدمين مضممه

هلا
استخدم سيجنال

ولا المضمضمه مااستخدمها
سمعت انو مع الايام وكثرة استعمالها مو كويسه

لحن القمر;13527153:
هلا
استخدم سيجنال

ولا المضمضمه مااستخدمها
سمعت انو مع الايام وكثرة استعمالها مو كويسه

مع احترامي الى معجون سيجنال بس اكره ماركة عندي احسها ما تسوي شيء يعني رائحتها مب منعشة ومعظمنا كان يستخدمها من يوم هو صغير هو الافضل تغيرين المنتج لانه تتعود الاسنان على مفعول الشيء .... انصحج في كلونس أب او سنسودانيك وكلونس أب يعتبر غسوول بنفس الوقت رائحته منعشة وانة بعد سمعت انه الغسول كثرته مب اوكي لذلك اخففه هاي اول نقطة ومب يوميا استخدمه بس على فكره انه الاحظ لمن استخدم الغسول على طول حتى لون مالوت التقويم ينظف شوي وفي بديل عن المنتجات الطبية الي هو ماي وملح جدا مفيد واحنا نتهاون في مفعولة


طبعا صار لي زمان ما دخلت التقويم
اخر مرة رحت كان قبل سبوعين كان المفرووض نهاية الشهر ارووح بس الدكتور سافر قالوا بحولوني على واحد غير ما رضيت وصبرت اسبوع على ما اجا الدكتور ..... كنت اجي اقولكم مكو الم وخفيف وجي بس هالمرة تميت اسبوووع مب قادرة احس بشد عدل في اسناني ومب عارفة اكل شيء ... حتى جافتني بنت عمتي تقولي الحين حسيتين بالتقويم لمن اشتكي لج تقولين ما يعور ... يمكن لانه حط لي الحديد امتن واول مرة يبدلة لي كامل بس الحين صار اوكي :thumbs_up:وموعدي 20 / 11 ان شاء الله في ربيع انه مخلصة منه ومفتكة معني ما اعتقد لانه اسناني عنيدة مب راضية تتحرك بسرعة

مبروووووك التجمع الجديد


وباركولي بعد امس ركبت التقويم >_< احس شكلي غييير

تخيلوا يوم ركبه لي سالته عن الفرشه الخاصه قال لا ماله داعي استخدمي فرشاتك نفسها بس تفرشين بشكل دائري

وسالته عن المعجون اللي ينحط لانه يجرح بعد قال اول يومين بعدي بتتعوديين

وقال بس لاتاكلي شي قاسي او شي بارد

توقعت بيقول تعليمات وااجد

والحيين يالم مرره ما اقدر اكل شي >_<

احد عنده شي يخفف الالم ؟؟

وتطول ؟؟

واخترت اللون الوردي بس طلع فاتح جااي ع اللحمي

وبسسسسسس ^^

مبروووووووك التجمع :)

ولي عوده قريبه بإذن الله ..

ترف

مبرووووووووك التقوويم واذا عالالم انا استعمل باندووول :(

crispy kream;13514915:

اهلين بنات شخباركم

ان شاء الله كلكم بخير
حبيت اشاركم في التجمع بما اني اخيرا قررت اركب تقويم
فياريت البنات وخصوصا بنات البحرين يفيديني عن احسن مستشفى او عيادة
ولو عندكم فكرة عن الاسعار والقسط الشهري
وشرايكم في مستشفى الطب العربي للاسنان لاني سمعت انهم زينين واسعارهم معقوله

سامحوني طولت عليكم وايد واتمنى انكم تفيدوني

الحمد لله عطآني الدكتور مطآط اخف من اللي عندي

يآسلام ع الرآحة ...

ترف

مبرررروك ع التقويم و ماعليج من الدكتور

لازم تستخدمين فرشاة خاصة في التقويم

في نوعين .. عادية .. وفرشة تنظف بين الأسنان

يعني بين الضرس وبين السلك مال التقويم

لأن مع تركيب التقويم بيصير المكان حوالين الأسنان ضيق

بسبب السلك وهالمكان يتراكم فيه الأكل ولازم يتنظف

<<< شوفو من ينصح

وبالنسبة للألم بيخف تدريجياً كل يوم تلاحظين خف شوي

وإذا ماتقدرين تستحملينه استخدمي بندول

وهاالون حطيته المرة اللي طافت .. حلووو بس بسرعة يتغير لونه بالأكل


crispy kream

والله ودي أساعدج بس ماعندي خبرة

لأن آنه مركبته في العسكري



أسرار

أي حتى آنه عطتني الدكتورة لاستيكات جدد

قلت لها عندي قالت لاء هذولا أخف

بس لما رجعت البيت .. إلا نفس السايز