بدي شبكتي الي هي حقي

السلام عليكم

اولا ما بعرف اذا هادي مشكلة او استشارة

انا صارلي متزوجة تقريبا سنة وانا وزوجي علاقتنا كويسة كثير هو بيشتغل بالخارج وانا بستنا الاوراق عشان التحق به

لما تزوجنا كانت ظروفو المادية عادية يعني ماكانش محوش مصاري مشان العرس وجاء عرسنا على غفلة وعملنا العرس ووعدني ووعد اهلي انو لما يجيه مصاري راح يشتريلي ذهب علما انه المهر كان قليل جدا يادوب اشتريت بيه ملابس وعطور

من اسبوع اتصلت بي اختو وقالت لي انها جهزت له فلوس عشان هو كان مسلفلها اياهم قمت قلتلها انه ما بدو يصرفهم بدو احطهم بالبنك وهي لمحتلي انو لازم يشتريلي الشبكة
وانو كل الحريم بتسوي ذهب على الاقل ببداية زواجهم وانا ما طلعت بشي من زواجي وكان لازم علي اني ما اسوي عرس كبير وما استغني عن شبكتي

انا اضايقت كثير وخصوصا انو موضوع الشبكة شاغلي بالي كثير ما بسلم من كلام اهلي ولا من تطليعات الناس في المناسبات بدي اكون مثل الحريم

قمت اتكلمت مع زوجي ما قلتلو انو انا بدي بس قلتلو اختك قالتلي ليش ما سويتي واهلي والناس بتطلع في كثير خاتم زواج وبس قالي او شو فايدت الشبكة هاد مجرد كلام فاضي وقام اصرخ وقال انها تضييع فلوس والناس الي قالولك هالحكي بيهتمو بالمظاهر وبس مشان هيك الرجال ما عادو يتزوجو انا ستغربت فين كلامو ووعودو لية استنتجت انو عمرو ماراح يشتريلي وخصوصا اني رايحة لبلد غربي وما برجع لبلدي حتى 3سنوات وهو مانعني من الشغل
انا بستحي كثير اطلب منو وعمري ما طلبت هو الي دايما بيبعتلي وما مقصر معاي وهلا بدي افاتحو في الموضوع خصوصا انو صارلو مبلغ محترم بالبنك وماراح يعمل به شي فليش حتى يحرمني من حقي بليز ساعدوني افاتحو زاي بالموضوع حتى اتجرا اخبرو واستحي وتراجع انا كنت بستحي اطلب منو درهم واحد فكيف راح اطلب طلب زاي هاد انا ما بدي احرجو او اجرحو بدي اخليه يشتريلي بخاطرو مو مغصوب عليه وما بدي انحرج او انحط بموقف الرفض

انا بعرف انو الموضوع ما مستاهل بس انتو بتعرفو الشبكة مهمة ادي ايه بالنسبة للعروسة وانا بحس بنقص قدام الناس