كريب
المقادير
3 بيضات
3م ك زيت
3 م ك زبده حوالى نصف قالب ونسيحها
3م ك سكر
فانيليا
ذره ملح
2ك دقيق
2ك حليب دافى
الحشو
شكولاته نوتيلا
صوص كراميل
موز
الطريقه
نضع البيض والسكر والفانيليا وذره الملح
و نخلطهم وبعدين نضيف الزيت والزبده تدريجيا
وبعدين نضيف الدقيق
والحليب
ونخلطهم كويس لحد مايدينا قوام مش سايل خالص ولا بقى تقيل قووى زى كدا ولو طلع سايل نزود دقيق انا كنت حاطه كبايه ونص دقيق ورجعت حطيط نص كوبايه تانيه وممكن يحتاج اقل او اكتر حسب نوع الدقيق
وبعدين نصفيه
نحط طاسه تيفال على النار
ندهنها بشويه زيت بفرشه او منديل
لما تسخن ناخد كبشه كدا من الخليط
ونفردها فى الطاسه بسرعه
لما تبتدى حواف تحمر كدا نفصلها بالسباتيولا او بمعلقه وبراحه علشان مش تتقطع
ممكن نفلبها على الوش التانى وممكن لا عادى يعنى بس انا بحبها محمره من الناحتين تدخلى المعلقه او السباتيولا لنص الكرب كدا وبعنين تقليها بسرعه او ممكن تقلبيها على طبق برا وبعدين ترجعيها الطاسه تانى هى سهله قووى مش تفتكروا ان قلبها صعب ولا حاجه مره مع مره هتقلبيها كويس ودى صوره وانا بقلبها بس مش واضحه للاسف
ودا شكلها لما استوت وكدا جاهزه للحشو
الحشو بقى نحط النوتيلا على ربع الكربايه كدا وبعدين نحط حلقات الموز ونرش فوقها صوص الكراميل
وبعدين نطبقها على شكل مثلث ودا شكلها النهائى
ايه رايكوا بقى؟؟؟؟؟؟؟؟؟؟؟؟؟؟؟؟؟؟؟؟؟
ياريت تجربوه وتقولولى رايكوا فيه ايه ;) وزى ما قولتيلكوا دا اول موضوع ليا فى فسم المطبخ عاوزه تشجيع بقى ودعوات حلوه ان ربنا يصلحلى الحال ويسهل حملى ويرزقنى بطفل سليم معافى باذن الله
وكمان تقيمات حلوه :D((طماعه قووى )) علشان تشجعونى انزل مواضيع تانيه باذن الله
الموضوع مجهود شخصى ولا اسمح لاى احد بنقله
وممكن حد من المشرفات يكتبلى اسمى على الصور لانى مش عارفه وشكرا مقدما