تبون تعرفون شو الفرق بين الحرمه والريال !!!!!!

أبي اسأل كل الموجودين سالفه مهمة

منو يشتغل اكثر ومنو يتعب اكثر الريال ولا الحرمه

انا طبعا ما انكر ان ايام زمان كان الريال يشتغل اكثر ويتعب اكثر علشان لقمة العيش

مثلا ايام الغوص والابحار في السفن
الحطابين
النجارين
سوالف قبل يوم كانت كل الحرف يدويه

بس الحين ما تلاحظون ان الحرمه صارت تشتغل اكثر من الريال

تدرون كيف


الريال يسير الدوام ويقعد على المكتب يطلب شاي وبعد شويه يشتغل شوي وهو قاعد ويمسك الاوراق يكتب فيها شوي وبعدين يتصل في التلفون يسولف وشوي يروح الحمام

وبعد شويه يقرا جريده وبعده يرد يسويله كم شغله وهو قاعد والتكيف شغال ومرتاح اشعليه واخر الدوام يشل سيارة ويرد البيت

يتغدي وينام ويقوم من الرقاد يلعب مع اليهال او يشوف التلفزيون وبعدها يسولف مع الربع في التلفون


وشوي قال انا طالع وي الربع ويرد بعد ساعه ولا ساعتين يحصل العشاء جاهز ويسر يرقد ويرتاح

وتتكر السالفه كل يوم

بذمتكم هذا ريال تعبان ابي حد يقولي شو المجهود الفضيع اللي سواه


زين الحين شوفوا شغل الحرمه


تقوم من النوم تسوي الفطور وتطبخ

وبعدها تغسل مواعين الفطور

تسير ترقدلها شوه

وبعدين تقوم من الرقاد تغسل الملابس

وتنشرها وبعد جي تقطبها واذا في كواه تكوي


وبعدين تسوي الغداء الريال يي يتغدي وبعدين تغسل المواعين

وترتب البيت

وتكنس

وتنظف الغبار

وتسبح اليهال

وتشوف طلبات الزوج

وترب غرفه النوم

وترتاح ساعه واو ساعتين

وما تصدق انها خلصت تبي تقعد مع زوجها تلاقيه متلبس بيسير عند ربعه


وبعد في الليل تسوي العشاء وبعد ما يتعشون تنضف وتشل المواعين وتغسلها وتسير ترقد اليهال


وبعد هذا كله هي تسير ترقد


الحين قولوا لي من اللي قاعد يشي ويتعب طول النهار هو ولا هي


انا اعرف ان الريايل لهم المجهود البدني لانه ريايل قادرين على الشغل والحركه بس الحين تحصلون العكس الحرمه تشتغل ونشيطه اللي يشوفها يقول ماشاء الله عليها ريال والريال قاعد كسلان مب قادر حتي يشل الصحن اللي اكل فيه



ابي ردكم على الموضوع لاني هذا الموضوع قاهرني شوي