الزجني الحبشي سبايسييي

هذي اكله حبشية نحبها كثيييير بليمن هي سبايسي كثير ، بس لعمل الزجني ضروريييييي بدونها ابدا ماينفعش عمل الطبخه وهو البسباس الحبشي ،لو تروحو عند صاحب البهارات تسئلو على البسباس الحبشي
شكله كذا


شكلة يشبة الفلفل الاحمر العادي او البابريكا لاكن طعمة و ريحته ثاني
يتاكل الزجني مح اللحوح او الرز
في لحوح حبشي بس صعب نلاقية فناكلة مع اللحوح اليمني حق الشفوت او حتى مع روتي
اللحوح حق الشفوت موجود بموضوع بنت بلادي اسيرة الغربة و هذا الرابط
http://forums.3roos.com/showthread.php?t=559229
يلا نبدا

المكونات
بهارات مشكل ، فلفل اسود ، ملح ، صلصة ، مسحوق الزنجبيل والثوم ، بسباس حبشي ، كمون، بيض ، مكعبات ماجي ، ثوم.

بصل مفروم فرم ناعم تقريبا 10 حبات بصل ضروري يكون كثير . لانه كثير انا استعملت فرامة فيلبس

دجاجة مقطعة ومشرحة بلسكين عشان تاخذ النكهة اكثر

اسحقي تقريبا 4 حبات طماط


اول حاجة نحط البصل على النار بدون زيت عشان يخرج ماء البصل حتى ينشف
في الصورة يبان ماء البصل يخرج


بعد ما ينشف الماء نضيف الزيت


خلوكم كريمين بلزيت وكثروا :)
نستمر بلتحريك حتى يشقر البصل ويكون غامق شوي، بنلاحظ ان البصل قل كميتة شوي

بعدين نحط البسباس الحبشي انا حطيت تقريبا 6 ملاعق صغيرة بس يعتمد على دراجة الحرارة الذي تشتي


نقلبة شوي بعدين نضيف البهارات (المشكل ، كمون ، فلفل) و الثوم و مسحوق الزنجبيل و الثوم، ماكنش عندي زنجبيل عشان كذا استخدمت مسحوق الثوم و الزنجبيل .الماجي نضيفة نهاية الطبخة

، نقلب شوي بعدين نضيف شوي ماء لانه بيكون ناشف ونخلية شوي مع التحريك


بعدين نضيف صلصة الطماطم تقريبا ملعقة صغيرة
و مسحوق الطماطم و نحرك و نخلية علي النار الى ما يروح طعم الطماطم


بعدين نضيف الدجاج و نحركهم و نضيف ماء ، خلال هذا نفور البيض

و نخلية الا ما ينضج الدجاج بعدين نضيف مكعبين ماجي و نذوق الملح
و نخلية علي النار هادي و نضيف البيض المفور المقشر

ونخلي الطبخة تتسبك
وهذا الشكل النهائي


يمكن اكلة بلحوح او الرز .انا احب بلرز و زوجي بللحوح:)


واللة طعمة لذيذ وسبايسي جربوه