تعالوا خبرونا مواقفكم مع ,,,,,, خلونا نفرفش حياكم بنات

مرحباااا ياحلوات


شخباركم؟


خطر في بالي اليوم اني احط هالموضوع للفرفشه والضحك

كل وحده تكتبلنا مواقفها المضحكه والمحرجه مع الرضاعه الطبيعيه


يلا انا ببتدي وبكتب جم موقف ولو شفت اقبال ع الموضوع بكتب لكم باجي المواقف


1- اول موقف كان في بنتي الاولى كنت ارضعها وصدري عوورني فاقعدت اصرخ بالليل ونسيت انو الناس نايمه:confused:

2- في فتره من الفترات الحليب ماكان ينززل حييل فانصحوني اني اكل واشرب شغلات مدره للحليب واستمعت للنصيحه فايوم من الايام كنت مداومه فاحسيت انو الحليب ينزل بس ابدا ماخطر على بالي انو بيبقع على ملابسي الخارجيه خصوصا اني ماكنت منتبهه واللي نبهتني زميلتي :thumbs_down:



3- في مره من المرات وانا ارضع بنتي فجأه غصت البنت واخترعت عليها و لانها صارت زرقا وقامت ترجع فاكنت انفخ عليها ومسحت عليها لما نامت فا كنت مشغوله معها ونسيت لا ادخل صدري شوي ويدخل زوووجي وانتبه للوضع جان يقولي الاخ طالع يغير جو مثلا ؛<<< احراج:-#


4- هذا الموقف المحرج اكثر كنت طالعه وماخذه بنتي واذن بالطريج فاقلنا بننزل عند مسجد نصلي المهم صلينا ولا بعد الصلاة بنتي تصيح من الجوع فاتصلت بزوجي قلت له حبيبي اذا عندك شغل قريب من المسجد خلصه ورد اخذني لان الحلوه تصيح وبرضعها قال اووكي انا بروح الجمعيه قريب من المسجد باخذ جم شغله وبرجع اخذكم انتي والبنت قلت اوكي اللي تشوفه
المهم وانا جالسه ارضعها فجأه سمعت صوت الباب الخارجي للمسجد فتح فااعتقدت انها بتكون حرمه خصوصا ان مسجد نساء فا نزلت الشيله على صدري شوي عساس تقدر ترضع البنوته والا الطامه الكبرى طلع رجال اسيوي داخل مسجد النساء بالغلط والحمدالله انو مانتبه لشي ولا صاره ماله يحمد عقباه :!!:

5- مره زوجي طلع فيه رمد بعينه فاقالت لي امه دام انج ترضعين قطري بعينه لان الحليب الطبيعي زين للرمد انا استحيت منها فاقلت اوكي وسكت شوي ويدخل زوجي جان امه تقوله يلا روووحي غرفتكم وجتك تبيك بسالفه ههههههههههه جان تقوله امه الموضوع طبعا اهو على اتم استعداد ههههه المهم قلت يلا الموضوع صار ضحك بضحك لان حسيته غلط اقرب الحلمه بعين زوجي بس الله يهداها خالتي على فكرتها هههههه وغييير الحليب بالغصب د خل بعينه ودمر وجه زوجي من فوق لي تحت واهو مستمتع


يلا حلووااات قولولنا مواقفكم عشان اكملكم مواقفي