للبحرينيات

هلا حبوبة
في البداية ألف مبرووووك لذكرى زواجج
وبخصوص الهدية والمناسبة
تقدرين تحجزين لج طاولة في مطعم راقي
واتقولين حق المطعم يزينون لج الطاولة
ويخلون الطاولة لج خاصه
وتقدرين تحجزين كيكه واتكون على شكل قلب
وتشترين له هدية مميزة (عطر جديد او ساعة كشخه)
واطرشين له دعوة خاصه على شغله حق هالمناسبة
واتروحين معاه المطعم او تقدرين تنتظرين بالمطعم لين يوصلج
وان شاء الله بتكون احلى ليلة في حياتكم
وان شاء الله قدرت افيدج
والله يعطيج العافية

شكرا جوكلت على الرد

في بالج مطعم تعرفينه حلو ويزين لج حق مثل هالمناسبات؟؟

لا شكر على واجب حبوبة
ايييي يا الغلا في وايد مطاعم
بس انتي قولي لي شنو المطعم اللي تبين اتروحين له
هل تبين مطعم عندهم ستائر او عادي؟!؟
واي نوع من الاكلات اتفضلين علشان اقدر اختار لج المطعم المناسب!؟!
وهل تبين مطعم بمنطقة معينة او عادي في اي منطقة؟!؟
هل تبين كوفي شوب او مطعم؟!؟
واذا تبين مطعم هل تبين مطعم عندهم بوفي او عندهم اكل بالقائمة؟
ناطره اجوبتج علشان اقولج عن احسن مطعم
والله يعطيج العافية

حلوه فكره جوكلت بيبي
ومثل ماقالت وااايد مطاعم يزينون وخبرينا شلون حابه وبنفيدج :)

في اقتراح ثاني انج تحجزين ليله بفندق وتروحين ترتبين هناك ,, تنثرين ورود وشموع وتحطين بالونات

وطاوله حطي عليها جوكلت وفراوله وعصيير واحد حقكم مع بعض ,, واهمشي الكيكه وعليها عباره حلوووه

وتمكيجي وسووي شعرج ولبسي فستان حلو احمر :) وخلي الهديه وخلي كلشي احمر والله يهنيكم

اذا عندج ميزانية حلوة وزينة أنصحج وحجرية بانيان تري فيلا مع مسبح خاص
كانج مو في البحرين خصوصية رومانسية وجو حلوو
اتصلي فيهم وشوقي بجم الليلة وضبطي معاهم حق عشاء وكيكة ويكون برا على السومينج بوول خصوصا الجو حلو 

archyna
اي اعرف بنيان تري عجيب وووايد بس الميزانية للاسف ماتسمح :(

سويت كيك
اي فندق في بالج تعرفينه ؟وشنو عن الخدمات والاسعار؟

جوكلت بيبي

مادري اي مطعم حلو اكله

لالا مابي بوفيه

مو شرط ستائر

مابي كوفي شوب

ومو شرط بمنطقة معينة

على فكرة انه ماحب السي فود

هلا حبوبة

بخصوص المطاعم


* مطاعم ايطالية:
1- Cafe Italia Restaurant & Pizzeria (العدلية)
مطعم راقي والقعده فيه حلوة
العيب: عندهم كحول!

2- Carino's Italian Grill (في باركات السيف)
المطعم اكله واااااااااايد حلو وقعدته حلوه وفي ستاير اذا تبين


*مطاعم اوروبية:
1- Camelot (العدلية)
المطعم حده راقي وهو مطعم فرنسي واكلهم وقعدتهم وايد روعة
العيب: عندهم كحول!

2- Coco's (العدلية عند ليلوز)
المطعم اكله اكثر من رائع بس مكانه اشويه صغير وصاير في بيت


*مطاعم هندية:
1- Clay Oven (العدلية)
من اشهر المطاعم الهندية واكلهم حده حلو
العيب: عندهم كحول!


*مطاعم عالمية:
1- Zoe (العدلية)
مطعم حده راااااااااقي والقعده فيه وايد حلوة واكلهم بعد حلو
العيب: عندهم كحول!


*مطاعم ايرانية:
1- Parsian (العدلية)
مطعم ايراني بكل معنى الكلمة وقعدتهم حلوووووة واكلهم وايد حلو


*مطاعم لبنانية:
1- Wafi Gourmet (السيتي سنتر)
مطعم نظامهم بالأكل هو بوفي ومكانهم وايد حلو وقعدتهم احلى


*مطاعم تايلندية:
1- Hash House (العدلية)
مطعم اكله وايد حلوووو وقعدته روعة بس المكان صغير

وان شاء الله قدرت افيدج
واذا تبين اي شي او اتسألين فآمري
وان شاء الله اقدر افيدج اكثر
والله يعطيج العافية

مشكورة حبيبتي على الرد المتعوب عليه احسه بيفيدني بس ماقلتي لي شنو عن تجهيز المكان؟

لا شكر على واجب حبوبة
بخصوص تجهيز المكان
اتصلي في المطعم او روحي للمطعم
واتفقي معاهم ان يزينون لج الطاولة
وقولي لهم حق اي مناسبة
وطلبي كيكه للمناسبة
وقولي لهم بالضبط شنو تبين يسون لج
ورواح يسون لج واتصير الطاولة احلى طاولة
وان شاء الله قدرت افيدج
والله يسهل عليج كل شي يارب
والله يعطيج العافية