أفكارلتوزيعات

طقم مانكيير

عده الخياطه حق الشنطه

الصابون اللي على اشكال

طقم فرش المكياج

بوك ملبق :)

اكواب قهوه ملونه

اذا تذكرت شي برجعلك :)

هههههههههههههههههههههههههههههههه منوى حبيبتي صبري شوي توج حاطة الموضوع
الكل اليوم إجازة على مايقعدون ويشوفون الموضوع ويردون غيرهم أن مايدشون يوم الإجازات يعني نطري ليوم الأحد وبتشوفين ردود الكل

ولو تدشين قسم التجهيزات بتلاقين ماشاء الله كل وحدة حاطة توزيعات أولادهم يمكن تستفيدين منهم

السلام

انا بالنسبه لي افكر شي في مااضيع عليه فلوس واخسره


يعني مثلا كيس جميل فيه مكسرات صينيه او من هالمكسرات الفخمه اللذيذة وشوكولا من النوع الغالي وبطاقة مثلا مكتوب فيها يدعوا لي وللبيبي


او معاهم ريال


على الاقل المكسرات والشوكولا بياكلوهم والريال يصرفوه

والبطاقة بيحتفظوا فيها او لا هم حرين



ومهما يكون اللي صرفت عليه بينأكل والبطاقة مابيكون عليها صرف واجد


ماابي اصرف ريالين وثلاثة على شي ينقط


صراحة انا ولا مره احتفظت بشي من اللي عطوني وياهم اللي زرتهم للحمل


او مثلا فكره ثانيه انه في مرايات من النوع الحميل بس ماادري بكم يبيعوهم


ممكن تشتري منهم


يعني على الاقل الواحد يستفيد منهم


بس لاتشتري الاشياء اللي مايستفيد منها الاخرين

سلاموو

والله صعبه يعني ماتبين تحف

بس الاغلب يستخدمون تحف وهم التحف ماتنرمي تنحفظ

وفي انك تحطين بالتوزيعات اشياء للفائده ارواج او مناكير او مرايا صغيره او اكسسوارات مثل حلق او اسواره وتحطي معها حلاو وكذا

يعني على حسب الشكل اللي انتي حابه تعملي فيه توزيع

سجادة الجيب حلوووة فكرتها للتوزيعات ومفيدة

مرحبا

اني سويت توزيعاتي تولات عطر ما كلفوني واجد وشي يستفيد الناس منه

وشفت اخواتي شارين من الأسواق المتنقله غلوسات الي يجون في علبه مثل فكرة الي في بودي شوب ب 250 فلس على فواكه وبعد حسيتها فكره حلوة لتوزيعات

والله يوصلش لتمامه يا رب

هلا احتي
عندك سجاده الجيب او قران
احس هالاشياء مفيده

انا وزعت حصالات من دايسو ووديتهم محل يزينهم مع جوكليت لذيذ

أنا افكر أوزع بإذن الله كتاب أذكار مع شوكليت مغلفه سواء

ماشاء الله

الخوات ما قصروا و عطوج افكار حلوه

الله يهون عليكم يارب

شكرا اخواتي

افكارةحلوةومفيدة

عندك حركت المرايات حلوه ومفيده
او الميداليه

هلا اختي منوى الله يتمم عليكي ويقومك بالسلامه انا عضوة جديدة بالمنتدى اتمنى تقبلوني اخت لكم :072:وهاذي اول مشاركة لي بالمنتدى
وبالنسبة لاستفسارك اتمنى اني افيدك بمعلوماتي F:
شوفي بولادتي ببنتي سويت كرسي للقران صغير كانت فكرة وااااااااااااااااااايد حلوة وعجبت الكل ولليوم الكل يسالني وين مسويته لانه وايد حلو لكن للاسف ما اعرف انزل الصور :(.
اما بولادتي بولدي سويت تولات عطر شريتهم من السعوديه ريحته كلش حلوة :ok:ووديتهم محل زينوهم وحطيتهم بستاند مزين واااااااااايد حلو وبعد شريت براويز للصور على شكل مرضاعه وعربه اطفال واشكال ثانيه حلوة ومكتوب عليها it's a boy وما كلفني وايد ياليت والله اعرف انزل الصور.

وانا الحين حامل للمرة الثالثة واحس ان ما في اشياء احلى من الي سويتهم بولاداتي فافكر اسوي كب كيك على اشكال حلوة لو انه شي ما ينحفظ لكن ينوكل احسن وما ينقط اتمنى افكاري عجبتج واستفدتي منها
واتمنى لك تولدين بالسلامة واذا تبين اي اسفسار راسليني:076: انا بالخدمه

هلا اختي منوى والله فرحت بردك علي....:biggrin:
أما عن الكراسي سويتهم عند نجار اهو يصير جارنا لكن شغله حلو ومرتب الحبه الوحده سواها لي ب400فلس<< ترى ما لقيت واحد شغله مرتب ورخيص مثله :$:وما راح تحصلين كراسي جاهزة بهالحجم

وعشان اهو جارنا سوا لي خصم وشريت القران من محلات بو 200فلس عقب وديتهم محل وزينوهم وحطيت معاه حلاوة اهي صج شغله لكن والله تسوى مع ان بنتي عمرها 6 سنين لكن للحين توزيعاتها موجودة عند الاهل وانصحج تسوين هالفكرة وانا للحين ودي اسويها مرة ثانيه لكني سويتها من قبل عشان جذي بسوي شي غير ما احب اكررF: