مشكلة عويصة من يقدر يحلها

سلام شخباركم أمهات عروس،،،،

بدخل في الموضوع على طول عندي بت عمرها ثلاث سنوات متعلمة على الحمام من زمان بس الخروج ما ترضى الا في الحفاضة

تعبتني واجد وأني أقنع فيها مي راضية تتنازل أغريناها بكل شي باالالعاب وبأشياء واجد بس مو هامنها شي
خشيت عنها الحفاضات وقلت ليها خلصوا تصوروا حصرت روحها 4 أيام ما سوتها
وبعدين خفت يصير فيها شي استسلمت ولبستها
أقول ليها ليش ما تسوينها في الحمام تقول ليي أخاف منها فيها عيون ورجول وخشم
أحاول وياها وتقتنع تدخل الحمام وتقعد فترة وبعدين تقول بس ما في شي
حتى ابوها أخذ ليها لعبه وحطها قدام عيونها قال ليها ما بعطيش اياها الا اذا سويتينها في الحمام ولا في فايدة صارت الحين ما تهمها حتى
تخيلوا أبوها قفل عنها قنوات الاطفال الي اطالعهم وقفل عنها الغرفة الي فيها العابها وحرمها من كل شي ولا يكلمها ما في فايدة
واذا لبستها حفاضة ابوها يعصب عليي ويقول اذا عليش انتين من عمرها ما بتتعلم يقول خل تحصر روحها لا تلبسينها لما تموت وتروح الحمام

أني ضايعة بالطوشة بينهم والله نفسيتي تعبانة
عطوني حلللللللللللل :-#