بسم الله الرحمن الرحيم
السلآم عليكم كيف الحال ....؟
صراحة ماادري ابدي من وين مشكلتي صارت تقريبا من يومين او 3 ايام ولا ني لاقيه لها حل
بدايه انا كنت مخطوبه واحين مملكة وعشان تعرفو تحكمو عالوضع اللي انا عايشته بمنطقتنا
المملكه عادي يجيها زوجها بيتها متى مابغا وتطلع وتروح وتجي وياه يعني زوجها بس انها لسه
ماراحت بيته
ومشكلتي هي امي لاتستغربو اي امي هي مشكلتي
من ملكتي مو من بدايتها بس تقريبا لما كملنا الشهر بدت المشاكل
اول مشكله وانا منحرجه اقولها بس بقولها لكم طالبين من خطيبي don't tuoch
يعني زوجته ومو زوجته اوكي خطيبي ماقال شي وسكت واحترم رغبتهم
بس حتى بالطلعه لاتروحي ولا تجي وحتى بيت عيالي مانعيني اروح
تبغا قبل كل طلعه باسبوع هيك شي اعطيها خبر مو خبر الا استأذن اني بطلع
واذا رضت اوك واذا مارضت لا اقعد محلي ولا اعبر حتى عن رايي
وشي ثاني احسها تبغا تشكل حياتي ع كيفها يعني سوي هيك وهيك وهذا لاتسويه
حتى اني مو حاسه اني استقريت ولا اني تزوجت ولا احس ان لي قراراتي الخاصه
تعبت من التفكير شسوي ...واحين بعد حاطه لنا عقاب انو مايجي ليي الا ليلتين بالاسبوع
ومن الساعه كذا للساعه كذا ...وانا ادري انو مافي رجال يتحمل هالوضع ولو صبر لمتى بيصبر ؟
ماما مشكلتها تحب تتحكم فينا وتسيطر علينا وماتحب احد يكسر كلمتها
ولو حتى كانت ع غلط ماتبغا حد يناقشها بهالشي
دوم عندها انها ع صح وان احنا مانفهم ولسه صغار
طبعا انا احين بين نارين بين خطيبي اللي هو بكمل وياه باقي حياتي وبين اهلي اللي بالذات امي
وصراحه انا اميل لخطيبي اكثر منها ....اسلوبها مايعجبني ولا طريقه تفكيرها
وافكارنا ابدا ماتتشابه ..كل وحده فينا بوادي
وحاليا انا قاعده بالبيت ولاكاني قاعده 24 بغرفتي ولا اطلع لهم ولا شي
ومانعيني من الطلعه ويا خطيبي
حدي اروح المدرسه وارجع وكل هالعقاب عشان سالفه انو كنت ابغا اطلع وياه وهي رفضت وهو
كان موجود وياي
وناقشها عادي انو ليش مو راضيه وهيك واني مرته ومافيها شي لو طلعت وياه
زعلت وعصبت وقالت انه ماحترمها وانه وانه وانه وكل العيوب حطتها فيها
وودها لو اتطلق منه بس تنتظرني اقول اني ابغا اتطلق
طولت عليكم ادري بس والله مو عارفه شسوي احس اني ضاااايعه
واخاف هالشي يأثر ع دراستي خصوصا انا بفتره اختبارات
هي امي ع عيني وراسي بس انا ابغا اعيش حياتي ع كيفي مو ع كيفها
ادعو لي ان يهديها :thumbs_down: لان احس حالي طفشت وطقت شبدي حتى كنا متفقين المفروض نطلع الليله ونتونس
بس كنسلت كل شي كل شي وانا هالاسلوب مااحبها دوم تسبب لي احراج ويا اهله
ووياه هو بعد
حتى حبي لها بدا يقل تدريجيا
يعين أنتي تلومين أمك لأنها خايفة عليك؟؟؟
حبيبتي هو زوجك وهذا صحيح بس لسى انتي في بيت أهلك وما فيها شي لو أمك حددت له شروط في زياراته وطلعاتكم
وقلتي انك بفترة اختبارات ليه ما تقولي انها خايفة على مصلحتك لو انشغلت بالروحات والطلعات مع خطيبك حتنشغلي عن دراستك!!
أكيد هي تحبك وتخاف عليك وتريد مصلحتك
ولاحقة بكرة حتجلسي مع زوجك في بيتكم لوحدكم لحد ما تملوا
وأحسن خلي الرجل في حالة شوق لك في مرحلة الخطبة
ما تزعلي مني حبيبتي بس أنا ماشفت انه أمك غلطانة
الله يوفقك في حياتك كلها وييسر لك أمورك
n
najmat " sama2
عروس ذهبية
21-10-2010 | 03:04 PM
الله يهدي و ينصلح الوضع إن شاء الله .. يمكن أمك ضيقتها عليكي شوية .. بس حبيبتي هدا مو سبب ليقل حبك إلها !!!
هدي مهماً كان تبقى أمك تاج راسك ... يمكن هيا هيك تفكيرها .. ممكن تفهميها رأيك بالراحة ..
ولو ماأقتنعت حاولي تسايريها .. على قد ماتقدري ... مهماً كان هدي بتبقى الأم إلي هي أكتر انسانة راح تريد مصلحتك
وفي نصيحة ياريت تتقبليها مني .. حاولي ماتبيني أخطاء أمك أمام زوجك ...
على قد ماتقدري ..لأنه هالموضوع ممكن يزعجك بعدين !!
و ربي يهديها و يهديكم على بعض
الله يعينج ..
تزوجي بسرعه وافتكي ..
الله يهديها ويصلحها
انتي خذي الموضوع من جهه انو هي حريصه عليك مو تتحكم فيك
وانا ادري انه فترة الملكه هي احلى فترة بس برضوا انا كنت كذا وكنت ازعل بس بعدين
بالعكس كان هذا الشي له نائج ايجابيه
وبالنسبه انك مايله لخطيبك اكثر من امك حتى لوهي غلطانه ما تبديه على امك مهما كان
هذا ولد الناس ما تدري بكرة بيطلع كويس ولا لا سيسها ولا تجلسي تعارضيها ترى بتزعل
وكمان انا اشوف تخرجي مرتين بالاسبوع والله كثير بعدين ترى بتملي ويمل
لا تعانديها ترى راح تزيد ولما مثلا تحرمك من شي لا تقولي لخطيبك هذي امي ترى بيكرها
وهذا الشي مو في مصلحتك ولا تخلي امك تكرة لانه بهذا الاسلوب طول عمرك وعند كل مشكله كل واحد
فيهم انتي تقولي كذا ويحطوكي انتي الغلطانه
اولا الله يسعدك في حياتك القادمه
ثانيا امج مب غلطانه خايفه عليج
خواتي انتو مو فاهميني
لو حتى من باب الخوف بمنطقتنا هذا يعتبر خوووف زايد
يعني كل شي وله حدود والصبر له حدود
و عالطلعات احنا مو كل يوم مع انا كملنا شهر
بس الطلعات اللي طلعناها كلها 3 طلعات
انا ماطلبت شي مستحيل طلبت اصير زيي زي كل المخطوبين
.
.. أمــ عــلــيــ ..
عروس ماسية
21-10-2010 | 04:10 PM
حبيبتي .. انا رأيي بصراحه من رأي أمك وأيدها في رأيها .. لأنها اعرف بمصلحتك وخايفة عليك ..
انتي ما سمعتي بالقصص اللي انتشرت هاليومين ؟ البنات اللي يطلعون مع ازواجهم فترة الملكة وش يصير لهم ؟!!! تدرين ان بعضهم يحملون واذا عرفوا ازواجهم بالحمل طلقوهم ؟؟؟!!!!
بالله عليك لو لا سمح الله حصل لك مثل هالمشكلة .. وشلون بتواجهين الناس بطفل حملتي فيه بوقت الملكة ؟!!! وشلون بتعيشين مرتاحة وتعيشين طفلك بأمان من كلام الناس ؟!!!!
يعني كل بلد وله عاداته وتقاليده .. خاصة في هالأمور هذي .. انتي فكري ببكرى وش يصير .. وحطي امامك كل الاحتمالات اللي ممكن تصير لك مع الحلول ..
لكن كذا تبين الدنيا سايبه وتعيشين على مزاجك ؟!! لا حبيبتي .. ما يحصل ...
هو زوجك على سنة الله ورسوله .. على عيني وراسي .. بس انك بتروحين وتجين معاه على كيفك ما يحصل .. بالعكس الشئ هذا يمكن يملل زوجك منك قبل الزواج . . وممكن يغير نظرته لك بأنك صرتي وحده خفيفه ومهبولة ع الطلعات ولا ينوثق فيك ...!!!!
ترى الرجال غريبة طباعهم .. انتبهي لهالنقطة .. يمكن يكون يبيك تطلعين معاه بيشوف هل انتي تخافين على سمعتك ولا " مع الخيل يا شقرا " ؟,,,!!!!!!
اصبري للزواج .. واذا عشتي معاه في بيتكم بوقتها لك كامل الحرية تسوين اللي تبين .. بس في بيت أهلك .. " لا وألف لا " ...
وحطي في بالك .. " حلاة الشئ بوقته " .. يعني اصبري للزواج علشان يكون في بينكم شوق ولهفة على بعض .. مو تحسون بملل من اولها ويصير شي عادي وروتيني انه يشوفك وتشوفينه .....!!!!!
الله يهديك .. ويخلي لك امك ويطول بعمرها ..
اولا" غاليتي اسأل الله لك التوفيق
ثانيا" عذرا" مو متعارف عندنا ان البنت اذا انخطبت وملكت تطلع مع خطيبها ابدا" وانا بالسعوديه
بالعكس ماتطلع معاه ابدا" صحيح يجي عندها اي وقت بحدود الذووووووق والادب بس مااتطلع معاه وهذا من خلال محيطي كااااااااااامل
لكن ممكن مجتمعك غير ,,,,
بالنسبه للوالده انا اشوف انها ماغلطت بشي ابدا" هذا من باب الخوف والحرص عليك وم باب حفظ كرامتك من البدايه
ترى الانصياع الكامل بفترة الخطوبه مو زين يمديك والله يمديك خليك الحين السهل الممتنع
يمديك بعدين تطلعين وتفلينها اذا صرت زوووووجته ( دخلتي عليه وقتها ) لكن باقي ببيت اهلك وتطلعين اشوف ان ماله داعي
والوالده ما تسوي كذا الا من باب الحرص لا اكثر
المفروض تحطينها فووووووووق راااااسك وبريها والله جنتك امك يالغاليه زوجك اذا دخلتي عليه وقتها سوي اللي بخاطرك
هذا رأيي وعذرا" على صراحتي
وأسأل الله لك التوفيق
تقبلي ودي
انا كمان اشوف امك مو غلطانه
تحياتي
ادري اختي وسمعت بهالقصص بس مو كل العالم زي بعضها عشان الواحد لاسمع خلاص يصير ماعنده ثقه ولا امان
بس لو حتى بمنطقتنا هذا شي زايد عن حده وانا وياي بنات مخطوبين يستغربو لو اقولهم هالشي
بعددين وشو هذي اخاف ع عسمعتي لو لا
اذا طلعت فانا طالعه مع زوجي مو مع حد غررررريب
المجتمع صراحة يخلق تقاليد مادري من وين
للأسف صار المجتمع مايتبع الشرع اللي شرعه الله يتبع التقاليد اللي توارثها
وهذا هو سبب المشاكل
شوفي انتِ توك صغيرة ومراهقه عشان جذيه تقولين هالكلام
لكن لو ناضجه ومتخرجه من الجامعه بيكون تفكيرك غير
انا أدري ان انتوا عاداتكم وتقاليدكم غير بس امك اهي الصح
كلها شوي وبتعرسين وبتكونين معاه بروحكم لين ماتملين من شوفته هههههههه
وبعدين وين مايتبعون الشرع؟؟
كاهو تشوفينه ويقعد معاك
لازم تطلعون مع بعض كل يومين
اهتمي بدراستك وانجحي حتى يزوجونك ويفتكون من حنتك
اركدي يابنت
دامك بنت بعدك تدرسي ب مدرسه يعني بعدك صغيره ويمكن هذا هو السبب امك صارت كذا تحس انك بعدك صغيره وتخاف تتخذي قرار غلط ...صراحه انا من راي المفروض من الاول ما تزوجتي لين تخلصي دراستك منه تركزي على مدرستك بس ومن جهه ثاني تكوني واعيه اكثر وتعرفين تتصرفي ف كثير امور وكيف تتعاملين مع زوجك وامك ما اظن بتكون صاكه عليك لهذي الدرجه بس ما له فايده هذي الكلام الحين..
انتي لا تتضايقين من امك خليها فوق راسك وحبيبتي اذا انتي عزيتي اهلك وحطيتيهم فوق راسك زوجك راح يعزك ويعزهم انتي لا تبينيله انك متضايقه من امك بلعكس خبريه امي لانها خايفه علي وما تبيغي يصير شي بينا لين ليلة الزفاف
لحين ديري بالك على دراستك ولا تشغلين كل تفكيرك بلمشكله تفوقي وخلي شهادتك سلاحك ف المستقبل والله يوفقك حبيبتي
أختى ..
أنتى الأن فى بيتك وبين أهلك كالدره وعلى من فى حوزته هذه الدره أن يحافظ عليها.
حتى تنتقل هذه الدره فى أمانه شخص أخر يقدر قيمتها ويعرف مقدارها هنالك يحق لأهلك أن يتركوا هذه الامانه له
إعلمى أختى
ليس من لا يوافق هواك يكون خطأ وتجعليه كالقيد فى عنقك تثورى من أجله
لا ولكن أمك إن فعلت ذلك فتأكدى أنه يكون فى مصلحتك
وستقدرى قيمه ذلك عندما تتزوجين وتنجبى بنت بإذن الله مقدار الخوف على إبنتك حتى ولو كانت عروسه
ومن المحتمل خوفها هذا يفسر على أنك اصبحت الأن ضيفه على المنزل وإن عاجلا أو أجلا ستتركيهم إلى حياه جديده وستودعى أيام المرح والإنطلاق وحياه البنات لتذهبى مع زوجك لتشق حياتك الجديده معه
فإلتمسى لها العذر فى ذلك .
{ تشدد أمك معك صحيح....~
ومفروض ماتطلعين وتنزلين وتخرجين وتجين معاه
حتى لو مالكين ع بعض وهو زوجك وحلالك
وبعد تبغينه يمسك !!!
ومو راضية ان الوالدة رافضة !!!
الغلط راكبك انتي
مو راكب امك
يوم انك تشوفينه زوجك خلاص بتسوين الي تبغين معاه
روحي اسكني عنده في البيت
خلاص ماله داعي تقعدين عند هلك !......~
وان سالوك الناس ليش قولي والله امي حضرتها مو راضية !
لا يمسني
ولا أطلع معه
مو صح؟
غ
غارقة في دوامة الحب
عروس مشرقة
21-10-2010 | 11:05 PM
اي يعينج ...هو زوجج الحين لان ملج عليج يعني حلااااله وهو الحين ولي امرج ..وفي الخطبه لازم تعااارف وجذي ...يعني المفرووض اطيعين امج في اشياء صح مب غلط مثل الي قاعده تسويه
مشكورين خوواتي عالردود
المشكله تقريبا انحلت تقريبا
ربى يرزقك بر والدتك
إستعينى بالله