السلام عليكم ورحمة الله وبركاته
اخباركم يابنات ان شاء الله بخير
ابغاكم تشغلو مخكم معايا وتركزو ماابغى نووم ولا كسل
انا كتبت الموضوع وحرجع اعيده يارب افتكره
لأن ابني بضغطة زر مسح كل شي كتبته :'(
المهم
في كتير يبغو يشتغلو من البيت وعندهم مواهب وابداعات لكن
متردددين او مو واثقين بمواهبهم واش ممكن يقدرو يسوو او مافي احد يشجعهم
انا راح اسرد لكم بعض الأفكار يارب افتكرها هههههه ادعو بس
1- العمل مندوبه سواء عن طريق النت او غيره
2- عمل اعلانات لمواقع
3- عمل عن طريق النت فلاش بوربوينت تصميم مواقع
4- استيراد بضائع اكسسوارات ملابس ... الخ وبيعها بالنت او غيره
5- عمل استايلات للمنتديات وبيعها
كله شغل في النت في غيره لاتخافوو
6- الطبخ في المنزل معجنات حاويات .... الخ وبيعها
7- تزيين صواني وسلات وستاندات للتوزيعات
8- عمل توزيعات للحفلات او تورتات او ديكور للحفلات وشغل الحفلا
من بطاقات دعوات الرسم على وجيه الأطفال ...
9- مدرسه خصوصي في المنزل
10- تأجير الشغاله بالساعات او تجيبي مجموعة شغالات
11- براد الببسي اللي في الشارع
12- او براد مويه جنب مسجد لإكتساب الأجر اوتوزيعات مطويات دعويه وسيديات
عروض فوتوشوب بوربوين
13- رسم لوحات وعرضها وبيعها
14- خياطه وتصميم فساتين ....
15- اعمال يدويه من عمل لحافات ستائر اغطيه لعلب المناديل فرشات ..... مايشمل
ديكورات البيت وبيعها للناس او للمحلات
16- تنسيق الزهور طبيعيه او صناعيه وبيعها
17- ممكن اللي تعرف تشتغل عالخشي تسوي رفوف ادراج
18- النقش على الزجاج او جدران او مرايات
19- كوافيره في المنزل مكياج قص صبغ بدكير مناكير حمام مغربي حناء اي شي للتجميل
20- اللي تعرف تصور ممكن تسوي استديو في بيتها تاخدلها زاويه او غرفه تصوير اطفال
21- ممكن اللي تعرف تشتغل بالصور على الفوتوشوب تعدل صور وتطبع
22- ممكن وحده تجمع فلوس من الحريم وتسوي مشاريع بناء مساجد دار ايتام
او تدوها للمحتاجين او تشترو بيها للي ناقصهم تلاجه غساله .....
23- ممكن تسوي عرض بوربوين فلاشات بالكمبيوتر للمدارس
24- ممكن تسوي حضانه بالبيت للأطفال ( للي عندها صبر )
25- اللي تعرف تكتب قصص روايات خواطر اشعار مكن ترسلها لمجلات ممكن تعجبهم
ويشتروها منك كتير يعملوها وبكل عدد ينزلو جزء من القصه
لحظه بس ابني جا خلوني ابعده ليمسحلي الموضوع مره تانيه
26- تغليف هدايا
27- ممكن تشتري اي شي بالجمله وتبيعيه قطاعي
28- ممكن مترجمه اللي تعرف اي لغه انجليزي فرنسي تترجم كتب
29- اللي عندها دورات مكياج خياطه رسم ممكن تسوي دوره في بيتها
30- اللي يسوو خلطات تبييض او زيوت للشعر لو تنحيف اوخلطات عطريه
بنات الموضوع مجهود شخصي
اتمنى محد ينقله دون ذكر المصدر
نبغى تفاعل ابغى اشوف الناس الطموووحه هنا وبس
ياله يامبدعات ابغى افكار
انا لو جتني فكره كمان ححطها هنا
وانتو وروني شطارتكم
وياليت اللي عندها فكره تنسخ افكاري اللي فوق وتسوي رقم جديد وتضيف فكرتها
عشان الكل يستفيد تكون الأفكار في نقاط
لو عجبتكم فكره الموضوع لاتنسو الميزان عشان العدل هههه انا تعبت في الموضوع
خصوصا اني كتبته مرتين
بإنتظاركم يامبدعاااااات