الله كريم

الاستخاره +الاستغفار وبلتوفيق

والله ياخيتو انتي عشتي معاه وتعرفي اطباعه ومعاملته وما علينا الا النصيحه وما ندري عنه ولا نعرف تصرفاته ولا معاملته انتي صاحبه القرار بيدج لانه حياتج مو حياتنا ارجعي استخيري مره ثانيه والله يكتب اللي فيه الخير

اختى استخيري مرة ومرتين وثلاثة وربنا ييسر لك الخير بس اذا حترجعي حطى قدامه شروط كتيرة بعيدة تكونى عن اهله عشان ما تتضايقي منهم تانى وانه يوعدك يحافظ عليكي ويحترمك
وعلى فكرة الزوجة الاولى بتبقى الاغلى والاعز عند زوجها لو تزوج وحدة تانية وبيشر بالفرق مع الاولى والثانية سبحان الله بتكون غير الاولى هى الاصل ههههههههههههههه
توكلى على ربنا وربنا يختار لك الخير واكثري من الاستغفار طالما انو طلب ترجعي تانى
بس ما حكيتي لنا شو السبب اللى خلاه يرجعك وانتى كم طلقة مطلقة الله يفرج همك يا رب العالمين

من كل النواحي فكري فيها

الواحد لما ايي يفكر بالقلب هل انتي مازلتي تحبينه ؟ هل مازلت تعزينه و تحترمينه ؟ هل مازلتي تتقبلينه زوج مره ثانيه ؟

ومن ناحية العقل الي يبعج عشان عيال تشترينه ؟ ترى الحياة مو عيال وبس لو صج يحبج و مايقدر على الفراق ما طلقج و تخلى عنج بسهوله لان لو كان العيب منه اظن ماراح تتركينه بس عشان عيال فسؤال اهني هل تثقين فيه ما يبعج مره ثانيه ؟

و الحين اظن اهو متزوج و عنده بنت يعني انتي بتكونين الزوجه الثانيه بيعدل من بينكم ؟؟؟ بتتحملين المشاكل معى زوجته لو صار ؟

احط نفسي بموقفج تعرفين شنو بسوي بفكر اول شي بعقلي و بعدين قلبي

اول شي بسأله ليش رجع لي بعد سنتين ؟ ماقدر على فراقي مثلا او لان تحقق مراده و صار عنده عيال رق قلبه لي ؟ وبعاتبه على سواه فيني

و بعدين بفكر اذا ليحين احبه و اعزه و انه لو كنت بموقفج مارجع له لانه باعني عشان عيال او يمكن اتغلى عليه و اعذبه و اخليه على نار و انه ما اقول لج من حقه بس مايطلق ، يتزوج علي و يبرر موقفه على الاقل يبين لي انه متمسك فيني و مايقدر يستغنى عني

في النهايه يا قلبي انتي ادرى بطليقج شلون كان يعاملج يحبج او ما يحبج و من اسلوبه و كلامه الحين تقدرين تعرفين اذا صج يبيج و متحسف و يوم قال لج بيعطيج فرصه حسيته متحسف طلقج و ما يبي يفقد الامل برجعتج له وما يبي يخسرج

صلي صلاة استخاره و اذا تيسرة لج الامور توكلي على الله

الله يوقفج حبيبتي بس عاد طمنينا عليج و فكري زين لا تتسرعين بتخاذ قرارج اخذي وقتج

و اذا فكرتي ترجعين له ماوصيج تدلعي و تدللي و تغلي بعد يحق لج ;)

استخيري الله اسبوع كامل ولاتفكرين في شي ابدا وتاكدي ان كان خير لج بتوافقين وبترجعين وان كان شر الله بيصده عنج
الله يوفقج يارب ويعوضج خير

استخيري ربك
وان شاء الله تتوفقي و ترتاحي

لا إله إلا أنت سبحانك اني كنت من الظالمين


حطيت نفسي مكانج للحظهـ

مادري ليش صابتني كتمهـ وضيق وحزن

بحس اني انبعت برخيص

بدال ما يصبر ويوكل أمرهـ للهـ وبالوقت اللي أحتاج فيهـ وقفتهـ معاي يتركني بسبب كلام الناس

واللهـ تعز علي نفسي

وماعرف قدري إلا بعد ما تزوج

رفس النعمهـ اللي بيدهـ

ناس واايد صبروا ونطروا

اللي نطر 7 سنين واللي 10 واللي واللي واللي

واللهـ بالنهايهـ عطاهم

دام انهـ ما وقف معاي باللحظهـ اللي كان المفروض يوقف معاي

معناتهـ اهو باع عشرتي وهنت عليهـ

وصعب صعب صعب جدا اني ارجع لهـ

كسر بخاطري وباعني ومشى ورا كلام الناس

ماحط نفسهـ بمكاني ولا حس باحساسي وقت اللي انا حسيت اني ضايعهـ ومذهولهـ بقرارهـ

أسأل نفسي: لهالدرجهـ انا رخيصهـ عندهـ وقدر يتخلى عني بسهولهـ؟

لهالدرجهـ كلام الناس أثر فيهـ؟

الأزواج المفروض يوقفون مع بعض بوقت الضيق

وهذا اختبار من رب العالمين


...

^
^
^
^

اللي كتبتهـ فوق لأني عشت الدور وحطيت نفسي بمكانج للحظهـ

بس مو معناتهـ انج تمشين على كلامي

مثل ما قالوا البنات انتي ادرى فيهـ

موضوعج قطع قلبي واللهـ :(

ودي أخفف عنج

لأني ادري ان احساسج صعب

واللي ايدهـ بالماي مو مثل اللي ايدهـ بالنار

ومهما قلتي وتكلمتي

محد بيفهم شعورج بالضبط غيرج :(

اللهـ ييسر امورج وان شاء اللهـ تاخذين قرار يريحج ويعوضج عن السنتين اللي عشتيهم بعذاب وضيق وهم :(


....



رجااااااءااا ردي لصاحبهـ الموضوع وهي لها الحق ترد على كلامي

يعني لحد يتدخل وينتقد اللي قلتهـ غيرها اهي

انا كلامي موجهـ لصاحبهـ الموضوع وبس

الله يهدي الحال

حبايبي والله مشكورين ماقصرتوا انشاالله راح استخير مره ومرتين وثلاث الله يكتب الي فيه الخير

من رأيي تجلسي مع نفسك وتشوفي ايجابيات الموضوع وسلبياته
وبعدها تقرري واذا كان جوابك الرجوع فحطي شرط لرجعتك وهو انك
ماتحتكي بأهله ولالك علاقة فيهم بما انهم سببوا لك الأذى قبل كذا

3 سنوات وصرتي عقييم بأي حق قالوو لج جي ...... ما اعرف كيف سكتي لهم انتي وريلج

أنا اخووي وحرمته ضلووا 5 سنوات ونص ما عندهم عييال وكان ولا احد يقول لهم شيء

واذا قال لهم احد ليش ما يبتوا عيال لين الحيين .... كانوا يردووا بكل بسااطه الله ما رزقنا بس ولا احد تجرأ يقووول عقيم وما اعرف شوو

وهالخمس سنوات قضوووها بيين الحيااه العاديه والشغل وسفراات يعني بالعربي الفصييح

ماشااء الله ما ضيعوا نفسهم وتهنوا بكل وقتهم ...

ليش النااس تفكر بطريقه غريبه .... خسرتي زووجج والحيين يبااج شوو هذا الريال اللي ما تحمل من قبل أنا اشوووف مافي خيير ..

فكري حبيبتي عدل قبل لا ترجعين له والله يرزقج اللي فييه خير

السلام عليكم
أختي ما قلتيلنا ليش جاي هسه يريد يرجعك؟؟؟ لازم تعرفين السبب قبل ما تقررين
ما ادري تركك بسبب كلام واصرار من اهله ام عن قناعة؟ في كلا الحالتين موقفه سئ واسوأ
لو كان فعلا يحبك وغالية عنده ما كان اصلا سمح لاحد يناديكي بهالكلمة
مثل ما قالوا البنات انتي عشتي معاه وتقدري تحكمي كيف كانت معاملته لك. قلتي انك ما قصرتي معاه بشي وهذا لم يشفع لك لما قرر يطلق
احس لو رجعتيله يصير الوضع وكأنه تزوج عليكي لكن بشكل معاكس!!!

ما انكر انه لابد يكون ندمان نوعا وما و لابد عنده مشاعر تجاهك..لكن فكري هل هذه اسباب كافيه حتى ترجعين له.
استخيري.. وان شاء الله ربي يكتب لك الي فيه الخير

ســـلافـــة

حبيبة قلبي اذا قدرتي اتروحين العمرة وتدعين وتستخيرين هناك، واذا ما قدرتي ادعي في قيام الليل ربي يهديج حق التصرف الي فيه خيرج وصلاحج ويكشف لج حقيقة الامور وخفاياها، وهاذي معا الاستخارة طبعا

ربي يشرح صدرج وايفرحج ويعوضج عن هالسنتين يا رب

حبيبتي عليج بالاستخارة وبعدين شوفي اذا كنتي مرتاحة رجعي اذا حسيتي انج مو مرتاحة لا ترجعين له وعموما انتي ماتدرين يمكن رجوعج له صلاح لج
الله يوفقج وييسر لج الامور

لا ترجعين له , خليه يعض اصابعه ندم وبعدين هو متزوج على ذمتة وحده

تتزوجينه شلون وعلى فكره اذا طلقج ثلاث طلقات ما يقدر يرجعج , هو

اساسا مب جد المسؤولية , وكلمه تجيبه وكلمه توديه ليش طلقج اصلا ,

الزوجه لما ما تحمل المفروض الزوج السنع الي يحترم

زوجته وكيانها يصبر عليها , الحمدلله احنا في عصر متقدم فيه علاج

بالعربي , لا ترجعين له كلش , تطلقي منه لين ييج نصيب ثاني بإذن الله

لأنج تستاهلين واحد احسن هذه وجهة نظري اذا كان كل ما حدث لك هو

كل ماذكرتيه حقا .

ليش كدا الرجال يسو؟؟؟ والله الوحده اغلب الاوقات توقف مع زوجها لشي كدا بعض الرجال الله يهديهم عالعموم صلي الاستخاره واسمعي كل الاراء حولينك انا مااقدر انصحك

استخيري الله وربي ماراح يقصر معاك ابدا

اول شي استخيري,ثم هو شكله ما نساج بس علشان الطفل طلق ثم تزوج
وشوفي اذا انتى ممكن تقدرين تعيشين معاه اولا ,علشان المشاكل والغيرة
ولا تنسين أهله الله يهديهم ,يعني ادرسي الموضوع عدل لانه شكله يحبج
اما علشان كلمه عقيم شوفي من فيهم راح يبتلي,ربي يمهل ولا يهمل

الموضوع يبا له تفكير عميق ...شوفي حياتك في السنتين اللي بعد الانفصال كيف كانت وال3 سنين معاه ومع اهله كيف قارني بين الاثنين ...ولااااااااااتستعجلي واكيد لازم تستخيري يوميا

اختي دام انه عارف انه حابب انك ترجعين اكيد حس بالغلطة الللي عملها واكيد في سبب ثاني اقعدي معه واسأليه وشوفي راي اهله ووشوفي موضوع سكنك وموضوع زوجته الثانية ....كيف بتكون حياتكم واستشيري اهلك ....احس الوضع يبا له تفكير على الاقل شهر بحاله لان الزواج مو لعبة
الله يوفقك ومثل ما قلتي الله كريم فوضي امرك لله واستخيري