الحي القديم والحي الجديد

ما فهمت اتمنى منج اتوضحين اكثر

بس اعتقد ان هذا مشروعج للجامعه صح !
المهم اذا انتي حابه افكار عن الحي القديم
اذكري يوم كنتي صغيره الحي كيف كان
كانت عواميد الكهربه برع >>> و حالياً تحت الارض
كانت اليبوت طابق واحد >>> و حالياً ع القليل طابقين
كانت البيوت ملتصقه في بعض و مرات يكون لهو سور مشترك او طوفه تفصل من بينهم و مرات لو كانو اقارب يسون لهم فريه و الي هي فتحه بالجدار للتواصل و كانو يتبادلون الاطباق اليوميه من خلالها>>> و اليوم في مسافه بين الفلل
قبل كان شي مساحه رمله يلعبون فيها الاولاد كوره قريب من المسيد>>> و الحين في حددائق في كل المناطق تقريباً ( هذا في بوظبي )
قبل لكل صفين ولا اربع صفوف من البيوت بتلاقين لهم مسجد صغير كرفان>>> و الحين للمنطقه كامله مسجد عود و فخم ولا 3 بالكثير اذا كانت المنطقه كبيره
قبل كان الزرع عشوائي يعني شجره منيه و شجره مناك و عادي تلاقين اغصانها ماخذه نص الشارع>>> و الحين مثل ما قلت سوو حدائق و نسيت اقول ان هذي الحدائق فيها العاب لليهال يعني لو كنتي من بوظبي اكيد شفتيهم مثال زحليقه و مرجيحه و لعبة الغابه الي هي التسلق ....
يعني بالنهايه الامور سارت منضمه اكثر
هيه و نسيت اقول اذا كان مجسم اهتمي وايد بالاضائه لانها تلعب دور كبير يعني الحي القديم خلي كم من ليت على البيوت من برع لان قبل ما كان في ليتات للشوارع و كانت بعض البيوت يركبون ليتات برع علشان يسون اضائه للي يمشون برع ولا للي رايحين المسجد
و الحين شي ليتات شوارع
و سوي خلايا للطاقه الشمسيه على بعض البيوت الحديثه مش كلها
هذا النضام موجود في امريكا لبعض البيوت هو غالي شوي بس يوفر كهربه وايد
اتمنى اني فدتج و بحاول اني امر مره ثانيه على موضوعج و اقرى توضيحج عشان افيدج اكثر
موفقه ان شاء الله

ما بعرف اتمنى البنات يساعدوكى