تكفون عطوني حل ( الخطوط البيضاء )

لبى خاطري 20-10-2010 13 رد 2,157 مشاهدة
ل
صباح \ مساء الخير لكل العرايس ...F:
بصراحه اول شي كنت متردده جدا اني ادخل واكتب مشكلتي .. لأني محرجه وبقوه :o :o بس فكرت فيها وقلت مالي غير حبايب قلبي اخواتي في منتدى عروس تشجعت وكتبت لكم ........... اللي هي

انا عندي مشكله بأفخاذي ان فيهم خطوط بيضاء في الفخذ من قدام وفي الجنب الداخلي ..وتعبت حييييل ماني لاقيه لهم حل .. قبل ثلاث شهور تقريبا رحت حق دكتوره جلديه وكتبت لي نوعين من الكريم .. هي تقول اني لو استمريت على هالعلاج خلال ثلاث شهور بتخف 70% وانا استمريت لمدة شهر وماحسيت بتغير الا بشي قليل جدا .. وزهقت وتركت العلاج .. وغير كذا انا اخاف من الكريمات حتى لو كانت طبيه .. وودي بشي طبيعي .. ولاتقولون لي خل ترا الخل مو زين كلش ...
بليييييييييز اللي عندها حل لاتتقصر علي والله اني اصيح واقول والله رجلي ماراح يتقبل رجولي كلش ...
تكفووووووووووووووون لاتبخلون علي :'(
د
حبيبتي يسعدني أنا اول من ارد عليك
بعطيعك طريقتين وانتي اختاري الي يريحك
اول طريقه زيت جنين القمح تدهنيبه وشهر تبان النتيجه وتخف بكثيييير
الطريقه الثانيه بس يبيلها صبر بس كتبتها لك لان نتائجها مضمونه بإذن الله
هي زبده الشيا خام اهم شي حبيبتي خام تخلطينها مع زيت الزيتون في علبه او قاروره مويه
وكل يوم تدهنيمبها وكثري منها وتبان النتيجه بعد ثلاث شهور وتختفي الخطوط بعد ست اشهور والبنت الي سوتها
تحلف انها راحت بنسبه80%خلال ثلاث اشهور
تلقين الزبده الاصليه اذا كنت بجده او الرياض راح تلاقينها بمركز غرناطه محل كنوز الطبيعه
اتمنا أني أفدتك تقبلي مروري
ل
دبدوبه صغيرونه تسلمين يابعد قلبي انتي وانا اسعد...والله يعطيك الف عافيه ..
طيب وهاذي الطريقتين مالهم مخاطر بعدين اقصد بعد الزواج والحمل والاولادة اخاف اني اسمن ولا شي ... يعني بصراحه اخاف يكونون مثل الخل ..اللي شقق بطن وحده وماتت ... جاوبيني ياقلبي واكون شاكره لج ... والله راح ادعي لج من كل قلبي
د
حبيبتي زيت الزيتون معروف مافيه مخاطر وزبده ترطب الجسم ماتشده مثل الخل
اما زيت جنين القمح والله ماادري اتمنا تبحثين عنه مع ان الدكتور مبارك هو الي نصح فيه
وزين انك يابعدي بعدتي عن الخل مع أني جربته يوم سمعت القصه علي طول قطعته اتمنا مايكون فيه مضار علي
أنا انشاالله بسوي خلطه زبده الشيا
 
ب
بصراحه يا بنات انا جربت شي ونفع كتير معي على بطني جربتو لانو كان في ختوت بسبب الحمل
اشتريت متربان مخلوت فيه زبدة الشيا مع زبدة الكاكاو مع زيت لوز حلو ومع زيت جوجوبا
وبنصح الجميع فيه
&
إن ششاء الله البنآت يفدونج بالغلا
و
بالتوفيق حبيبتي:adore:
s
اممم مابغيت ادخل بدون ماارد
بس كل لازم تستمري فيه عشان يعطي نتيجه مافي شي يخلص منهم بسرعه
يعني اي شي تبدي فيه نصيحه استمري لشهوووور
وياريت تورينا صوره للكريمات الي عطتهم لك الدكتوره عشان نستفاد كلنا
لانه انا في شووووووووووووووووووووووووووووووي الحمدلله وخفااااف ممكن الكريم تبعك يخلصني منهم
واخييير
الله يوفقك ويسعدك ياااارب وتتخلصي من الخطوط البيضا
~
ان ششاء الله بنات افدوك
د
!عآشقة ذآآك الشي!;13448181:
قوليلي القصه انا متشوقه اسمعها لو تسمحين


حبيبتي القصه بتلقينها في نفس الركن
بعنوان خل التفاح اخطر المواد علي الجسم
اسم الي كاتبتها سنفوره ماما
B
زبدة الشيا خام مع زيت الزيتون أنا استخدمها من شهر ونص بس اللعلاج محتاج 6 شهور... اهم شئ الصبر حبيبتي وإن شاء الله بتروح
B
كمان بس نسيت اطمنك إن زبدة الشيا مفيش فيها أي اضرار ابدا يعني الحامل كمان بتقدر تستخدمها وأكيد زيت الزيتون مفيش فيه أي ضرر
ل
تسلموووووووون حبايب قلبي على ردودكم ... بشتري لي زبدة الشيا وبجرب بس مشكلتي اني ابي الشي بسرعه تطلع لي نتييجه او على الاقل اشوف نتيجه من اول اسبوعين لأن لو ماشفت هالشي امل وبسرعه ....الله يعيني
وبالنسبه للأخت اللي طلبت مني صورة حق الكريم ان شاء الله ولا يهمك بس عطيني مهله يومين لأني هالفتره مشغوله حيييييل ... بس ترا اقولك من الحين مااتوقع بتحصلينه الا لازم وصفه طبيه ... انا اول علبة كريم اخذتها عطيتها صديق ابوي لأأنه يشتغل في الصحه وطلبت منه يجيب لي هالكريم قالي لازم وصفه ومن صيدلية المستشفى نفسه احنا ماعندنا لأن الكريم فرنسي اصلا ...
م
كل شيء مذكور في القران مامنه خوف وا نشاء انا بجرب بعد وش رايك نسوي تحدي من تستمر عشان خطوطنا تختفي
X