محامية او دارسة قانون او عندك قرايب فوتي بلييييز (بنات السعوديه)

السلام عليكم
كيفكم اخواتي
القصه وما فيها انو زوجي كان يشتغل بشركه بالمنطقه الشرقيه
صارلو تقريبا 10 سنين
ودايما تعاملهم سيء من ناحية التاخر بالرواتب
لكن هادي السنه الموضوع زاد عن حده وأخرو الراتب 7 شهور
يعني واحد متزوج وعندو اسره شو بدو يعمل
انتظر عليهم شهرين شهرين اكتر ما دفعو
راح قدم استقالتو على امل انه يخلص منهم ويشتغل مع حدا تاني
لكن من وقتها ما اعطوه فلس من حقوقه ومر على الموضوع اكثر من 6 شهور
والمشكله هلاء انو كل ما يروحلهم يعطوه وعود وكلام على الفاضي
متل الابر المخدره
هلاء نحنا مش عارفين شو الحل
نصبر عليهم اكتر وكل المخاسر انو قاعد بدون راتب لانو مستقيل من عندهم
وبيتنا بالسعوديه مفتوح وبندفع ايجاره
وقاعد رايح جاي مسافر حتى يتابع الموضوع
وما بيقدر يشتغل مع مكان تاني الا لما يعمل خروج نهائي من هادا الكفيل ويعمل فيزا جديده
مع كفيل تاني
وكمان زيادة اللؤم حكالهم بستنى عليكم بالفلوس بس اعطوني نقل كفاله كمان ما رضيو انو سيستم الشركه هيك
وهلاء لو بدو يشكي على مكتب العمل
حسب كل الي حوالينا والي سمعنا عنهم
انو الشكوى بمكتب العمل ممكن تاخد سنتين او 3
وبهادي الحاله بضلو هناك بدون ما يقدر يسافر الا لما تخلص الدعوى
وطول هادي المده طبعا ما بيقدر يشتغل وبضلو بدون راتب يعني مشكله كبيره والامور بتتعقد اكتر لا قدر الله
ايش بدي اقول غير حسبنا الله ونعم الوكيل في كل واحد بياكل حق العباد
وربنا يفرجينا فيه عظائم قدرته
ويرشدنا على التصرف الصواب الافضل من كل النواحي
وبتمنى اخواتي الي مر عليها موقف مشابه او بتعرف حدا بيعرف بالقانون بالسعوديه
تسعفني بالحل او التصرف الصحيح
وربنا يجازي كل وحده تدخل موضوعي وترد علي الجنه يااااارب
ربنا ييسر امور الجميع ويفرجها ياااارب