صديقتي تدمر حياتها بيدها .. ساعدوني ..

السلام عليكم ورحمة الله وبركاته




كيفكم بنات؟؟



بنات عندي مشكله وبليز أريد حل لها .. يا بنات صديقتي باديه تضيع نفسها ..




اقولكم السالفه من البدايه ..


هذا الله يسلمكم نحن فــي جامعه مختلطه .. يعني بنات وشباب .. انا تخصصي يختلف عن تخصصها .. ومعاي شاب من دخلت الجامعه وأنا وياه فــي كل المحاضرات .. هالفصل ماخذه مواد كنت معدتنهن وقلت أخذهم هالفصل .. يعني هو المفروض اخذهم ع السنه الثانيه وانا الحين سنه 3 .. وماده عايدتنها لان الدكتور (الله لا يبارك فيه آآآآمين) معطني فيها d .. وكنت أحمد ربي أن هالفصل ما بيكون معاي .. بس تفاجات ان عايد الماده معاي ..


عموما يوم رحت مع ربيعاتي خبرتهن .. هن ما معاي لان تخصصاتهن غير عن تخصصي .. بعد فتره .. بمزحه .. تحديتها أنها ما تقدر تروح تساله ليش عايد الماده .. مع أنه هو ما شاء الله عليه شاطر .. عشان كذا أنا أكره أن يكون معاي فــ المحاضره لانه ينافسني .. وأبدا ما خطر فــ بالي أنها تكلمه أو تقوله شيء .. بعد فتره كنا واقفين عند الكلاس مالي نسولف لحد ما يجي الدكتور .. وفجاه اختفت .. قبلنا عليها وحصلناها تكلم الولد .. والله يا بنات ما أدري أيش حصلي فــ هذيك اللحظه .. كان خاطري أروح أصفعها كف .. حسيت بحراره فــ جسمي .. معقوله تروح تساله؟؟


ومن وين جابت هالجرأه ؟؟



المهم .. مرت يومين على السالفه ..وانا كنت طالعه من الكلاس وقفني هالشاب .. قالي أنها عطته ايميلها لانه تريد تقوله سالفه .. وهو كان معصب ليش هي جات تكلمه مع الشباب واحرجته .. حسيت هذيك اللحظه الدم تجمد فــ عروقي وما عرفت ايش ارد عليه .. سألني هي ايش تريد .. قلتله ما أعرف روح سالها .. وهو يعرف أن نحن صديقات لان من أيام الفاونديشن كنا مع بعض .. يعني اكيد اني اعرف السالفه .. وبان عليه انه مكذبني .. بس بجد يا بنات هي قالتلي السالفه غير .. وما خبرتني انها عطته ايميلها .. اتصلت فيها وحاولت افهم منها ليش عطته الايميل بس عبثا .. ما قدرت أخذ منها لا حق ولا باطل ..

في اليوم اللي بعده ... ع المغرب كان عندنا امسيه .. وهو كان معنا فـــ الجماعه لان من نفس التخصص .. اتصلت فيه صديقتي وقالتلي أن هو رسللها أن انا قلتله لو كان في ذرة حب بينهم بنهي علاقتي بها .. فقالتلي ليش ايش العلاقه اللي بينكم عشان تقوليله كذا .. أنا عصبت منه كيف يطلع عني كلام كذا .. وناديته ع جنب وكلمته .. هو نكر الموضوع وقالي تعالي المكتبه وافتحلك ايميلي وشوفي الايميل اللي رسلت لها .. المهم قلتله حصل خير .. ورحت لها اليوم الثاني وقالت لها اريد اشوف الايميل بس رفضت .. ما أعرف من الصادق ومن الكاذب ..




عموما خلونا من هذا كله .. بدت تصير بينهم مراسلات عبر الايميل .. أمس كان في امسيه عندهم .. ورسللها يعزمها للأمسيه .. وطبعا أنا رفضت تماما اني أحضر ... أيدتني ربيعتي الثانيه .. عشان كذا ما حضرت .. وراحت البيت زعلانه منا .. اليوم بعد المحاضره مسكني وسالني ليش ما حضرتن الأمسيه ..



بنات أحس صديقتي بدأت تتعلق بهالشاب .. والمصيبه ما كذا وبس .. المصيبه انه من قبيله مستحيل أهلها يوافقوا عليها .. يعني علاقتهم بتنتهي بالفراق شيء اكيد .. ربيعتي باديه تدمر حياتها ..



ايش اسوي فيها ؟؟


كلمتها بس ما نفع معها؟؟



بنات لو كلمت الولد حاسه بجرحه لاني كاني اقلل من قبيلته ..


بس أفكر جديا اني اكلم الولد؟؟




ما عارفه .. حاس نفسي ضايعه ..