تجاربي مع بندوري حبيبي في كل شي ..

السلام عليكم ورحمه الله وبركاته

كيفكم حبيباتي ان شاء الله بخير ..

طبعا انا نزلت هذا الموضوع عشان الكل يستفيد وانا كمان كل وحده تطرح تجاربها مع طفلها هنا من كل ناحيه من ناحيه الاكل والعلاج والنوم والرضاعه ..

وانا اليوم ان شاء الله راح انزل طريقه عمل الخضار المهروسه اللي اسويها..

اولا اغسل ربع كاسه عدس وربع كاسه رز مصري واحطهم بالقدر مع نص كوسه مقطعه ونص بطاطس مقشره ومقطعه ونص جزره وشوي فاصوليا خضراء وبروكلي ونص بصله صغيره وفص ثوم وصدر دجاج مقطع..واحطهم كلهم على النار واصب عليهم مويه حاره واخليه تقريبا 10 دقائق لين ينضج وارشه بشوي ملح وكمون..



وهذا لمن استوى..






اهرسه بالخلاط..





وهذا بعد ماتهرس..




وبعد مايبرد احطه بعلب بلاستيك له غطا محكم..واحطه بالثلاجه..ويصير اطلع منه كل يوم الكميه المناسبه واسخنها على النار وبلهنا والعافيه..


وهذا اكل بندوري جاهز..





التجربه الثانيه لي مع بندوري انه لمن يبكي ومايرضى ينام ادهن جسمه بزيت الزيتون..





وامسح سرته بعسل طبيعي ..




والبسه لبس دافي واحطه بسريره وماشاء الله ينام ومايصحى الا الصباح..


وتجربه ثالثه لي بالنسبه للنوم كان مره يتعبني يعني ينام النهار وفي الليل مايرضى وما شاء الله لي اسبوع مرتبه نومه يصحى الساعه 10 الصباح افطره ويقعد يلعب لين الظهر يتغدى واروشه وينام ساعه تقريبا ..

اصحيه يقعد يلعب وبعد العصر اكله اي شي او يشرب حليب وينام لين الساعه 5العصر وبعدين يصحى واقعد العبه ويتفرج تلفزيون لين الساعه 9 يتعشى واسويله حليب وخلاص احطه بسريره تقريبا 9ونص وماشاء الله ينام لين 10 الصباح..يصحى الفجر بس اسويله حليب ويرجع ينام.. كان في البدايه لمن احطه يبكي يبغى ينام بحضني صرت اطنشه يوم ورى يوم خلاص اوةل ما احطه اقعد اغنيله شوي وينام..

ان شاء الله اكون افدتكم بتجاربي وبكره باذن الله راح انزلكم تجارب ثانيه.. وياليت اللي عندها تجارب بالنسبه للهايه نفسي يبطلها مو راضي انا اعطيه ياها بس وقت النوم ونفسي ابطلها قبل التسنين ..:thumbs_up: