بنتي كسرت خاطري وش اسوي

ما فهمت البنات ليش يخافوا منها

اختي ما اعتقد ان هذا الشي صحيح يمكن هي تحس بهذا الشي انها مختلفة عنهم وتهيأ لها انهم يخافون منها

تصدقين عاد الاسبوع اللي طاف بنتي تقول لي عن وحدة معاهم في المدرسة وعلى حسب وصف بنتي تقول انها بيضة وعيون خضرا والظاهر ان امها مو بحرينية تقول ان هالبنت مو قادرة لاتاكل ولاتشرب في الفصحة لان الكل نحتويها ويركضون وراها وهي تتدلع عليهم تسوي روحها مغمى عليها وتضحك وتركض علشان ماتختنق من كثرة البنات والكل يبي يصادقها << اتوقع بالعكس اكيد عاجبتهم بس مو عارفين يعبرون عن نفسهم او اه يتهيأ لها

الله يطن قلبج عليها ويحفظها

البنات يخافون لانها بيضاء بس بجد البنت نفسيتها تعبانه كيف اتصرف معها و الاغلب في المدرسه سمر بشرتهم حتى اليوم حياتي كلت الفسحه لوحدها

الله يحفظها لك

انا في رايي انك تروحين زيارة لمدرستها وتخبرين معلمتها المشرفه على صفهم وتشوفين شنو تعليقها وشنو تشوف من البنات وخبريها بحالتها وخلها تتصرف وياهم تشجعهم وتقربهم من بعض وجذي

تحياتي

يا حياتي عليها

الله يحفظها لك


مو عارفه اقولك

الافضل انك تزوري المدرسه وتكلمي معلمتها علشان تخلي البنات يتقربو منها اكثر وتكون صداقه مع بنات صفها

بالكس كان يحبونها لأنها حلوووه

والله مو عارفة شنو اقولج
بس الله يخليها ويحفظها

شوفي روحي للمدرسة وكلمي ابلتها وقوليلها عن الشي اللي مضايق بنتك ومضايقك وهي المس باسلوبها الخاص تقدر تكون لها صداقات
وتحبب الاطفال منها
_ اشتري لها حلويات وبون بون وخليها توزع على البنات في فصلها ... يعني يقولوا طعمي الفم تستحي العين هههههه
_ وعززي ثقة بنتك بنفسها ودايما قوليلها انتي حلوة والكل يحبك ومن هالكلام
وربي يحفظها وان شالله مرحلة وتعدي ويصير كل شي تمااام ومثل ماتحبي

كلام الاخت دمشقية عين العقل نفس اللي صار مع بنتي في الروضة بسانا رحت للمديرة وكلمتها وهي اقترحت علي هالاقتراح قالت لي هم بعدهم صغيرات خلينا نكسبهم بشي يحبونه..
فشريت كيس من الحلويات وخليت بنتي توزعه على الاطفال وثاني مرة شريت كارتون اقلام ملونة وخليتها توزعوا منها صدقة ومنها بنتي كسبت ود الاطفال والحين ماشاء الله ولله الحمد الكل يحبها ..

الله يحفظها لك ان شاء الله

لازم تروحين مدرستها وتسألين ابلتها كيف سلوك صحباتا معاها اول يمكن هي خايفة اذا كانتت اول سنه و تختلق عذر
اتا بنتي نفس حكايتك
لكن تقول اصحابي ما يحبوني ما يخلوني العب و يضربوني رحت الروضة وسألت ابلتها قالت بالعكس ما يحصل ذا الشي بس يمكن خايفة

اشتريت علبة حلاوة وقلت لها وزعي على اصحابك وبعدا انفكت عقدتها الحمد لله

عزيزتي هل تقصدي بياض بنتج هو بسبب نقص في مادة الميلانين لأن هالبياض شوي يكون مختلف وفي البداية البنات بيستغربوها صارت معنا بالمدرسة وحدة من الطالبات بيضة وشقرا حتى حواجبها ورموشها بسبب نقص الميلانين وبيضة لدرجة أحس إن جلدها شفاف من كثر البياض وفعلا الطلبة استغربوها في البداية لكن على طول صار الوضع طبيعي لأنها تلعب معهم وتصادقهم بس الأهم مثل ما قالوا الاخواتي زوري المدرسة ولو عندكم أحد من البنات في نفس المدرسة خليها تمشي معهم بالفسحة ويعرفوها على البنات وبتتعرف عليهم وبيتعرفوا عليها وبيصير الوضع طبيعي ولا تخافي في هالسن وهم صغار مو القصد يعيبوا على شخص ولكن الاستغراب والفضول معهم يزيد في هالسن الطفولي وروحي بيوم وخذي بعض البسكويتات وعطيها توزع على زميلاتها ولعبي ويواهم في الفسحة وتمشي حتى مع البنات الباقيات او جلسي معهم بالصف وخليها تحس إن الكل يحبها وكل شي طبيعي أختي ومثل ما قلت لج هالحالة مرة علينا فما منها خو ولا قلق الوضع صار طبيعي من من أول أسبوع يعتمد عليج وعلى المعلمة

يعطيج العافية والله يخليها لج
زوري المدرسة وكلامي المعلمة والإدارة وكل شي بيكون تمام وكلام الدمشقية جداً أسلوب رائع في التعامل وكسب الود بين الأطفال

*ام*;13411183:
كلام الاخت دمشقية عين العقل نفس اللي صار مع بنتي في الروضة بسانا رحت للمديرة وكلمتها وهي اقترحت علي هالاقتراح قالت لي هم بعدهم صغيرات خلينا نكسبهم بشي يحبونه..
فشريت كيس من الحلويات وخليت بنتي توزعه على الاطفال وثاني مرة شريت كارتون اقلام ملونة وخليتها توزعوا منها صدقة ومنها بنتي كسبت ود الاطفال والحين ماشاء الله ولله الحمد الكل يحبها ..

أختي أستغربت من كلامج أنج تقولين صدقة معلش أسمحيلي هذه هدية ولاتعتبر صدقة الصدقة لم يستحقها فقط ومو كل شي أقدمه لحد أعتبره صدقة يعني الطالبات بالمدرسة ماأظن أنهم يستحقون الصدقة إلا ماندر
طبعاً مو أول مرة يمر على هذا الموضوع الصدقة غير والهدية وطلب الود غير