قاعة الشرق الاوسط-جده-تعالو يابنات

بصراحه ماقاومت هادي الصور

طبعا اول شي دا فستان عجبني
ادعولي فستاني يكون زي مااتخيل


وهنا القاعه من ناحية الرجال


وهنا مدخل الحريم


وهنا الكوشه


وهنا المنظر العام ناحية الزفه


بليز بنات اي فكرة حتى لو بسيطه

حتى لو عندكم مقاطع صوت تنفع لظهور العروس والعريس

جزاكم الله خير مقدما

رفع لعيونك
ماحبيت ادخل بدون رد

جولدن سويت
هلا فيكي ياعسل .
مشكورة ماقصرتي

[SIZE=2]X
منتظرة المزيد من التفاعل

[/SIZE]حياكم الله صبايا منتظرة تواجدكم

و عليكم السلام و رحمة الله و بركاته

يمنع وضع الاستفسارات التي تتعلق بما حرمته الشريعة الإسلامية..مثل الأسئلة المتعلقة بالزفات ذات الأغاني و خلافه.


موووفقات

ياعسل كل شي ممكن يتغنى بدون موسيقى شكرا على تنويهك وفقنا الله واياكي لما فيه الخير

وااااااااااااااااااااو يجننننننننننننننننننن القاعه ..

اما الفستان روعه وانشالله تهني فيهآآآآآآآآآآ

الله يسعدك بزواجك ويسرهاااا خيييييييير

بتوووووووفيق قلبي

امين يارب تسلمي دلوعه ربي يسعدك

منتظرة مزيد من الافكار يابنات اي شي يخطر على بالكم

وبعد اذن الاشراف رجاء الي تقترح اغنية بدون ماتحطها عادي

لانو لو طلبتها من استوديو الزفات يغنولي ياها بدون موسيقى

وهااد الي عملتو في الشبكه

مع خالص شكري ومودتي

القاعه حضرت فيها ماشاءالله روعه وفخمه
الزواج الي حضرته كالعاده العريس اول وبعدين طلعت العروس وتقابلوا في البلكونه الي فوق الكوشه
بس عيب هالقاعه الاعمده الكثيره من وجهه نظري
بس حاولي لو تقدري كلمي مسؤلة القاعه توزع لك الطاولات على اساس مو خلف الاعمده
كمان عندك المدخل صغير عند العبايات
تستغني بهذا عن المكان باالمساحة الي قدام الكنب الي عند الباب من جوا
يصير هذا مدخلك
انه طاوله فيها الي تبغي دفتر التوقيع او صوره مكبره لك مع باقي الاغراض المعتاده

والف مبروك والله يتمم لك على الف خير

مشكورة حبيبتي متى البس الطرحه ربي يوفقك وتلبسيها وتكون اسعد ايام حياتك

ان شاءالله ليا زيارة للقاعة قريب عشان اشوف حاجات واتفاهم معاهم انا واهلي

عشان يكون في جراة كمان حرام الوحده ماتكون جريئة بالنسبة ليوم زي دا

فرحني ردك واهتمامك الله يسعدك

نسيت اقلكم طريقة الزفة الي اخترتها
انو نطلع من فوق هوا من اليمين وانا من الشمال كالعاده طبعا

وننزل من الدرج ونتقابل عند الشلال

ماحبيت اطولها من فوق لانو الناس بتطفش

وبصراحه ماابغا وانا انزف اشوف الحريم تقوم تخرج

ماشاءالله القاعه روعه موفقه يارب واب لعيونك ياقمر

ماشاء الله القاعه حلوه

من زمان نفسي اشوفها

الله يوفقك

بس ابغى اعرف بكم اخذتوا القاعه؟

ما شاء الله القاعة حلوووووة ...
بس الفستان أحسة فية شغل كثير ما يعجبني كذا >>>>>>وجهة نظر
والله يوفق لك ويسعدك ويجعل ليلتك كما تتمنين ....

بنت السعودية ان شالله اسألك هوا بكم اخدها واقلك

لكن وحده صحبتي قالت اخوها اخدها قبل سنه تقريبا بحدود 29 الف

ايام الدراسه يعني يمكن ايام الاجازات تكون الدبل

وبرضو حاتأكدلك بإذن الله

أحبه بكيفي

تسلمي على رأيك

اشتريت فستاني من دوميتروس وان شالله انزلكم صورتو

حاولت اطلع صورة الموديل من الموقع ماعرفت

بإذن الله احطها في اقرب فرصة ويمكن بعد الفرح

اكيد جايين نعطي الاخبار ^_^ دعواتكم ربي يوفقنا جميعا

القاعه هاذي سوت بنت خالتي فيها زواجها مررره حلوه الطاولات عملتها فضي ورصاصيي والكوشه هي اشترت الحاجات واحنا رحنا القاعه وسويناها وكان زواجها كثيييييير حلو

بالتوفيق عزيزتي الفستان رووووعه وخاصة لونه بس اتوقع لو الكريستال اللي فيه فضي يجي مع السكري احلى من الدهبي والقاعه حلوه
وادا جات فكره اوشفت ان شاء الله اقولك عليها بس نصيحه لا تحطين صور لك في طاولة الاستقبال ماتدرين وحده تكون حاقده عليك وتصورك وتنشر صورك لاسمح الله

تزعل واراضيك

ماشالله تبارك الله الف مبروك لبنت خالتك

وحمستيني افكر بفكرة للكوشة لكن غالبا حاتعامل مع محل بإذن الله

دعواتك تظبط ولو عندك صورة لكوشة بنت خالتك وماعندها مانع وريني الله يسعدك

مشكورة على حضورك فرحتيني ^_^

ومنتظرة رجعتك