حماتي .. - منتديات عروس

ف

فضه قلبها أبيض

عروس نشيطة

15-10-2010 | 11:06 PM

مرحبا ...

اشلونكم جميعا ...

بدخل في الموضوع على طول ...انا متزوجه وعندي عيال والحمدلله ...

عندي مشكله الا اهي حماااتي اخت زوجي...صايره لي المحقق كونان في الطالعه والنازله صايره لي محقق وين رايحين ؟؟؟من وين ياين ؟؟؟ شريتو اغراض الماجله ؟؟؟بكم شريتو ؟؟ كم معاش زوجك ؟؟وكم عطوه زياده ؟؟؟كم يعطويج مصروف ؟؟ شنو شرالج هديه في عيد زواجكم ؟؟بكم الهديه ؟؟اوفففففففف اسأله في اسأله ..زوجي عادي يجاوبهاا ويقولها بكل شي ..بس اهيه مالها شغل فينه وين رحنه من وين ياين ..وساعات تتصل على زوجي تسأله وينكم اليوم مابينتو ...وترد تتصل علي تسألني نفس السؤال اتشوف اجابته نفس الشي ولا يمكن انا مجذبه عليها او زوجي يمكن يجذب عليهااا .قمت اتضايق من اسالتها اللي ماتخلص ...مره لين توشف عالي تقعد تسألهم .وين رحتو امس وشنو شريتو ؟؟؟وشنو كليتو ؟..شالحل وياهااا .؟؟

ا

ام قيس وتالا

عروس نشيطة

15-10-2010 | 11:12 PM

ان شاءالله منستفيد من اجابات الاخوات
نفس الحالة الله وكيلك غير انه قبل ذكرى زواحنا بسيرو بتشرطو شو يجبلي!!! وهمي بدهم يختارو حتى لو شغلة انا بكرهها بس خلص لازم ينحشرو بكل حياتي وخصوصياتي بحجة الترابط الاسري وصلة الارحام
الله يعينا يااارب

م

معنـى الحنـان

عروس مبدعة

15-10-2010 | 11:13 PM

حبيبتي اكيد حماتج ماتقصد شي بس فيها فضول

فيه ناس وايد جذي يكون فيهم فضول بس يبون يعرفون

يعني خليها لاتعورين قلبج .. السالفه ماتسوى

خليج عادي وكأنه ماكو شي ولا تشغلين بالج

والله يعينكم على فضولها

ا

الجوهرة

مشرفة سابقة

15-10-2010 | 11:20 PM

طنشيها لا تردين على كل اتصالاتها

وحاولي تقولين لزوجك مايرد على كل كلمه

والله قهر

الله المستعان

ا

السمسم

عروس مبدعة

15-10-2010 | 11:22 PM

وساعات تتصل على زوجي تسأله وينكم اليوم مابينتو ...وترد تتصل علي تسألني نفس السؤال اتشوف اجابته نفس الشي
ههههههه والله ضحكتنى شغالة محقق عن جد
اختى الكريمة ربى يسعدك مع زوجك ويبعد عنكم المشاكل ويبعث لحماتك عريس تمارس معاه هوايتها فى التحقيق

ا

البحـNooRــرين

عروس فضية

15-10-2010 | 11:43 PM

الله اكون بعونج
بس اعتقد لووو سمعت كم كلمة بشكل لبق يوعيها على نفسها و ان هذي خصوصيات من زوجج إلي اهوا اخوهااا
يمـــــــــــــــــــــــــــكن تتراجع و اتحس على نفسهااا حبتين

آ

آخـــ العنقود ــــر

عروس جديدة

16-10-2010 | 12:13 AM

طنشيها ولا لاتجلسين معاها كثير واذا اتكلمت غيري السالفه

S

SHREEFA

أخصائية اجتماعية

16-10-2010 | 12:49 AM

السلام عليكم ورحمة الله وبركاته
اختي العزيزه

حماتك .. تحبكم .. وطبعها فضولي
وصايره معاكم المحقق كونان
واعتقد على حسن نية
وفضول

تحب تعرف الصغيره والكبيره

ولكن انتوا .. من اعطاها هذا المجال وفتح لها الباب

كل شي له حدود في هذه الدنيا وخصوصياتكم تكتموا عليها حتى ما اقرب الناس لكم ...
والرسول صلى الله عليه وسلم قال اقضوا حاجاتكم في الكتمان

يعني حتى لو سألت وينكم والله طالعين عندنا كم شغله نقضيها
وين ...
مشاوير للعيال وللبيت ويتسكر الموضوع وينتهى ..

هذا كمثال والمواقف كثيره .. انتي تستطيعين ان توقفين كل شي عند حده بدون احراج

واتفقي مع زوجك .. مو كل شي ينقال حتى لو اختك او امك

على عيني وعلى راسي اهلك ولكن بحدود يا زوجي العزيز

وصدقيني مع الوقت تمل وتنسى انتوا ضعوا لها حدودها

دمتم سالمين
اختكم شريفة

ا

الغلا بالقلب

عروس مشاركة

16-10-2010 | 12:59 AM

SHREEFA;13399060:
السلام عليكم ورحمة الله وبركاته
اختي العزيزه

حماتك .. تحبكم .. وطبعها فضولي
وصايره معاكم المحقق كونان
واعتقد على حسن نية
وفضول

تحب تعرف الصغيره والكبيره

ولكن انتوا .. من اعطاها هذا المجال وفتح لها الباب

كل شي له حدود في هذه الدنيا وخصوصياتكم تكتموا عليها حتى ما اقرب الناس لكم ...
والرسول صلى الله عليه وسلم قال اقضوا حاجاتكم في الكتمان

يعني حتى لو سألت وينكم والله طالعين عندنا كم شغله نقضيها
وين ...
مشاوير للعيال وللبيت ويتسكر الموضوع وينتهى ..

هذا كمثال والمواقف كثيره .. انتي تستطيعين ان توقفين كل شي عند حده بدون احراج

واتفقي مع زوجك .. مو كل شي ينقال حتى لو اختك او امك

على عيني وعلى راسي اهلك ولكن بحدود يا زوجي العزيز

وصدقيني مع الوقت تمل وتنسى انتوا ضعوا لها حدودها

دمتم سالمين
اختكم شريفة

J

JALA 89

عروس متألقة

16-10-2010 | 04:31 AM

هههههههههههههه. شهالحماة جنها أم نضييب هههههههههائ

ه

هدبا

عروس برونزية

16-10-2010 | 06:32 AM

هههههه ..

شكلها فااااااضيه كم عمرهاا ..؟؟

ب

بيااارق

عروس مشاركة

16-10-2010 | 10:18 AM

احتفظي بأسرارج وخليج دبلوماسيه في ردج امسكي العصا بالنص لاتعطينها اسرارج واحتفظي بعلاقتج وياها

أ

أريج المحرق

عروس مشرقة

16-10-2010 | 12:10 PM

قولي ليها بالمفتشي ما لج شغل فينا كيفنا نروح مكان ءلي نبي ونشتري هم ءلي نبي مااااااااااااااااا لج شغل

w

weeb

عروس رائعة

16-10-2010 | 01:38 PM

طنشيهااااا لا تقوليلههههها كل شي

أ

أناناس & فرولة

عروس فضية

16-10-2010 | 07:49 PM

خخخخخخخخخ صح انها محقق كونان

بس يمكن ما تقصد بس فيها فظووووول ومرتاحه لكم عشان كذا تشوف عادي تسأل كل شي

ك

كادي الدلوعه

عروس فضية

16-10-2010 | 09:14 PM

زوجك تتقدرين بالبيت تتفاهمين معاه بسلوب حلو مثلا تقولي له ايش رايك باسئله اختك ماتحسها شوي تتدخل يعني تسأل وش شريتو ماعليه لكن عاد ليه بكم؟؟ وليه كم الراتب والزياده؟وليه من وين جيتو؟ يعني انا ماحب كل اسبوع تسولف معي وتزيد بنفس السالفه :thumbs_up:
يعني ايش رايك انت ؟
شوفي زوجك وش يقول لك؟؟
وانتي اذا سألتك قولي لها والله مدري كم الحساب اسألي ابو فلان:thumbs_up:
وكل شي قولي مدري اسألي ابو فلان:thumbs_up:
شوي شوي هو يمل منها :thumbs_up:مع تنبيهك له راح يطفش منها اكيد ويقولها وش دخلك:thumbs_up::thumbs_up::thumbs_up:

لا تسمحين ل احد يدخل ببيتك
وكلمه مدري ترفع قدري:thumbs_up::thumbs_up:

وموفقه اختي :L::L::L:

ح

حساسه حيييييل

عروس نشيطة

16-10-2010 | 10:52 PM

انا اتفق مع الاخت شريفة .نحن مرينا بهذي الامور والحمد لله عدت ع خير .صدقينى حماتج تحبج ومن غلاتج تصرف بهذي الطريقة.

ا

الرازجية

عروس رائعة

17-10-2010 | 12:08 AM

أسئلتها كلها مادية !! يعني ما تسأل إلى عن المادة شكلها و الله أعلم حسودة و لا حالتها أقل منكم من جذي تبي اتقارن و ماكلة جبدها!!
سواء كانت جذي و لا شي ثاني يبيلها أحد يوقفها و يقول لها استتتتوب تره انتي وايد قاعدة اتغربلينا بأسألتج !! اذا اسألتج لا تردين عليها ردي السؤال عليها بسؤال عنها يعني قولي لها لو اسألتج جم مصروفج قولي لها انتي جم مصروفج و سوي لها هجوم بالأسألة خلها اتوب .. المهم لا تعطينها جواب مدامها ما تستحي انتي بعد لا تستحين

غ

غنوجة زوجي

عروس مشرقة

17-10-2010 | 02:33 AM

والله بلشششششششه وغثثثه انتي اذا قالت وين رحتوو قولي مشاويير والسوق يعني لاتعطيها التفاصيل حتى زوجك قولي له لايجاوب ع كل شششي
لانكم كذا شبه عريانين تصيرون كل تحركاتكم يعرفونهااا وابداا موحلووو كذاا
ربي يسااااااعدك

ا

انا الشمس

عروس مشاركة

17-10-2010 | 05:36 AM

انا كنت مثلك وطفشت حتى انه تقول ليه رحتي محل الفلاني بدون شوري

تدرين وش قلتله مالك دخل انتي زوجي وانا مادري وقلته لوسمحتي لاتلقفين في خصوصيات لوسمحتي صحه انا زعلات بس خذت درس