محتارة واحتاج تنصحوني ؟؟! 2

السلام عليكم

حبيت افضفض اكثر في الموضوع واقول احداث جديدة حصلت لي واتمنى تتحمليني شوي

الوالد سافر وقبل ما يرجع طلب انا وزوجي نروح له المطار والحمدلله رجع بالسلامة ورحنا له المطار انا وزوجي واخذنا اخواني معانا ..

في نفس اليوم في الليل .. الوالدة كانت تتكلم وتقول انها معزومة على حفلة زواج وقالت لي انا واختي الكبيرة اذا بنوديها العرس او لا .. قلت لها مادري اشوف زوجي واختي بعد قالت انه زوجها يرجع من العمل الساعه 8 الليل قالت امي لي اشوف من اقول لك بروح عرس تسكتين وما توديني بس هالمرة لازم اروح .. صايرة مو مثل اول ومتغيرة وانتي وش عندك ووو .. وانا بقلبي كلام كثير مابي اقول لها ان زوجي صار يتضايق ..

ليش لامتني بس انا .؟ وبعدين على كثر ما سويته لها تفشلني انا من بين خواتي ولا فيه شكر لي انا وزوجي ..

هي امي وتاج راسي بس المفروض تقدر منها ومن نفسها

مو كفاية كل مرة انوي اسافر واهون عشانها لانها كل تقول ما يصلح نسافر انا وانتي مع بعض لان البيت محد بيكون مسؤول عنه .. حتى مدارس خواتي اي مشكلة تصير لهم مع الطالبات او المدرسة او اليوم المفتوح تخليني انا اللي اروح ..

نفسيتي تعبت وكفاية اني كل شهر انتظر اني احمل وبالاخير تنزل الدورة .. تعبت من حياتي كلها ودي اهاااجر وابتعد واكون حرة لنفسي .. اعيش لنفسي ..

هذه امي وتستاهل اسوي لها اكثر من هذا بس انا مابيها تنتقدني وتجرحني بكلامها وتحسسني اني مقصره انا بعد لي حياتي وزوجي وزوجي ماهو خادم او سايق ..

ابي اتعامل بايجايبة بدون لا اجرح امي ..

:hysterical:

هلا اختي اخذي راحتج يالغاليه
وانا كلي اذان صاغيه
حياج الله
حبيبتي كلميها بطريقه من غير ماتجرحينها وضحي لها
انك تعبانه .. وانج حسيتي ان زوجك بدأ يتضايق انه مجرد احساس احس هالشي على وجهه
قولي لها يما انا لحد الحين ماحملت ابي ارتاح وابي اتفرغ لنفسي تحججي من هالناحيه
ابي اشوف نفسي واتعالج .. ما ابي اتعب ولا اتحمل مسؤوليات والله يخليج لنا يا يما يالغاليه بس عذريني الله يخليج بس بهالاسلوب والام قلبها طيب على عيالها بالعكس ماراح تزعل راح تقدر الظروف كلها

والله يسهل امورج

دمتم سالمين
اختكم شريفة