امهات بحرينيات وحوامل ممكن مساعده؟

c

cheekygirl119

عروس مشرقة

15-10-2010 | 12:56 PM

سلاام

شخباركم

الحمد الله على السلامة للوالدات

والله يسهل علينا يالحوامل

حبيت اطلب منكم طلب مساعده

الي تقدر تساعدني خير وبركة والي ماتقدر الله يعطيها العافية

على كل حال
انا ابي رقم دكتورة اخصائية نساء وولادة
عندي مشكلة عويصة ومتخوفة كلش

انا البيبي حجمه صغير انا في 38 اسبوع
والبيبي قالولي حجمه حجم بيبي في 34 اسبوع
وقالو لي لازم ترقيد ولازم طلق صناعي
لان المشيمة ماتغذي زين
والبيبي صغير مايصير يخلوونه اكثر

الحين انا ابي استشير دكتورة نساء وولادة
يعني للطمئنينة ابي اخذ رايها اجووف شنو تقول
اروح لطلق صناعي ولا ماله داعي
والي مجربة عندها تخبرني عن اسعارها وفي وين

اوردي باقي ليي اسبوع على موعد ولادتي
بس متخوفة انتظر او اروح طلق صناعي
وطبعا راي ثاني مايضر:(

ا

ام شهووودة الحلوة

عروس مشرقة

15-10-2010 | 01:50 PM

في دكتورات وايد

انا اتعالجت وحملت وتابعت حملي مع المستشفى الامريكي ماعليهم كلام وانصحج في حالتج ماتدخلين الا على دكتورة بانو احسن دكتورة هناك خبرة اكثر من 20 سنه وحلت امور عويييصة وهي هندية ومعروفين الدكاترة الهنود وكل الدكاترة ممتازين بس بانو احسن وحدة لمشكلتج انصحج فيها ..

وعندج دكتورة كيران في ابن النفيس سمعت عنها بس ماجربتها .. وفي دكتورة منى الشرقي وخلود الدرازي هي اللي اعرفهم بس ماجربت غبر الامريكي وهو اللي انصحج فية واسعارهم مناسبة جدا ..

c

cheekygirl119

عروس مشرقة

15-10-2010 | 01:54 PM

مشكورة اختي الغالية للمرور الحلوو

ت

تذكر يوم

عروس مشرقة

15-10-2010 | 05:45 PM

انا اتابع عند الدكتوره كيرن واهيا زينه

وحبيبتي ترا لا تخافين انتي في الاسبوع 38 يعني خلاص البيبي اكتمل
ولو ولدتي اللحين ما بيضره شي
واذا حالتج تستدعي اللحين تولدين ولدي
وحاولي تروحين على دكتوره في اقرب وقت ممكن علشان تتطمنين على البيبي وتعرفين وضعج وتستقرين
لانه في حالة انه الكلام اللي قالو لج وياه صح ما ينقع تتاخرين اكثر

c

cheekygirl119

عروس مشرقة

15-10-2010 | 07:34 PM

مشكورةاختي ان شاء الله بروح في اقرب فرصة

أ

أنا و هو

عروس رائعة

15-10-2010 | 11:08 PM

دكتوره سميره مدن
راح اطرش رقهما على الخاص

أ

أم مريمي

عروس نشيطة

15-10-2010 | 11:34 PM

سلام عليكم ورحمة الله وبركاته
واللهم صل على خير خلقه محمد وآل محمد

خيو اني بصراحة انصحش بالدكتورة موزة راشد في المستشفى العسكري لانها ممتازة واكثر من ممتازة يجيونها ناس من كل دول الخليج وانصحش انش تسرعين في الروحة بس لا تخافين ان شاء مافي البيبي الا العافية اني بولادتي الاولى ولدت واني 34 اسبوع وجم يوم والحمدلله البيبي كان مكتمل حتى ما حطوها في الشيشة ولا شي والحمدلله

c

cheekygirl119

عروس مشرقة

15-10-2010 | 11:46 PM

مشكورين يالغاليات للرد

البيبي مو عمره 34

حجمه حجم بيبي في عمر 34

هو مكتمل وعمره 39 اسبوع

بس حجمه صغير حجم 34

م

مراوي

عروس ماسية

16-10-2010 | 12:24 AM

انا كل حملاتي اتابع مع كيران

وحده فاهمه و عارفه شغلها عدل

ن

نــور العمــر

عروس مبدعة

16-10-2010 | 10:36 AM

في عندج دكتورة منى الشرقي

ودكتورة ساندو في السلمانية في الفاتح

ودكتورة ألكا وبانو في الامريكي

والله يسهل عليج يا رب وتولدين بالسلامة

ت

تربة القمر

عروس مشرقة

16-10-2010 | 11:25 AM

اذا حابة تتطمنين روحي عند دكتورة فهيمة المطوع تسوي لش اشعة فور دي الملونة وبتقولش بالضبط وضع الحنين وصحتة هي مختصة في هالاشياء

ك

كيوي ملون

عروس جديدة

16-10-2010 | 02:45 PM

تربة القمر;13402189:
اذا حابة تتطمنين روحي عند دكتورة فهيمة المطوع تسوي لش اشعة فور دي الملونة وبتقولش بالضبط وضع الحنين وصحتة هي مختصة في هالاشياء

انا نفس كلام اختي تربه القمر دكتورة فهيمه شاطرة وانا اتابع عندها وان شاء الله ماعليش الا العافيه لاتحاتتين

c

cheekygirl119

عروس مشرقة

16-10-2010 | 04:25 PM

مشكورين للمرور الحلوو

ز

زاجل

عروس نشيطة

16-10-2010 | 05:22 PM

عادي خيو اذا خايفة على الجنين توكلي على الله و خل يولدونش
اني حملي الاول كنت جدي و ولدوني بطلق صناعي في الاسبوع 38 وكان وزن بنتي قاصر شوي بس مكتمله و ما احتاجت الشيشة الحمد لله
لان في هالاسبوع ناس واجد يولدون طبيعي لان البيبي كامل الحمد لله
واذا خايفة اخدي خيره
الله يقومش بالسلامه انتي والبيبي انشاء الله

c

cheekygirl119

عروس مشرقة

16-10-2010 | 05:55 PM

سويت خيرة خيتي وطلعت لي اسوي طلق صناعي
وان شاء الله خير

ث

ثلج ونار

عروس مشرقة

17-10-2010 | 03:00 AM

الله يسهل عليج وتولدين بالسلامة

روحي حق دكتورة سوي اشعه وخلي تخبرج احسن واذا قالت نفس الكلام خلاص سوي طلق صناعي عادي ترى

ا

الدانة2010

عروس جديدة

17-10-2010 | 05:01 AM

توكلي على الله وسوي طلق صناعي اضمن لج حبيبتي ولصحة البيبيي

c

cheekygirl119

عروس مشرقة

17-10-2010 | 07:44 AM

ان شاء الله خير حبوبات
يسلمو للمرور

ا

الحياه فن

عروس جديدة

18-10-2010 | 09:50 AM

يارب اييسر لج