فاشله ..غبيه ...بلا معنى

حبيتي حياتك طبيعية جدا ليش تفكرين بالانتحار الله يهديك
اصلا بسم الله عليك الله لايضرك اللي تحكين عنه مايعتير مشكله ابدا
فيه ناس كثير تفشل بالدراسة بس تنجح باشياء ثانية ماتدرين الدنيا وش مخبيتلك من مفاجات حلوه
الله يهديك انشالله ويسعدكF:

ياااااااااااااربي شنو هذا اختى انتي الظاهر نفسيتج تعبانة حياتج عادية ومافيها شي انظري للناس اللي اقل منج وبتحسين بالفرق والسعادة واحمدي ربج على نعمة الصحة والعقل واشياء ثانية في حياتج غيرج يتمناها بس مو محصلنها ..
واذا على سالفة الدراسة اختى ماشاء الله عليها متفوقة ومعدلها زين 90 التراكمي 96 الفصلي بس بعد دخلت التطبيقي الله كاتب لها جذي بس حطت على عمرها وغيرت التخصص .. اذا بتقعدين عند هذى المشاكل البسيطة وبتكبرينها عيل بكره لو تزوجتى وصارت عندج مشاكل مع ريلج شتقوليين ............
استغفري ربج واحمد ربج على كل نعمة ........

هلا وغلا

عطوها حل أحسن من هالكلام << مع السموحة يعني ,,

الله يوفقج بس مب نهايه العالم اذا فشلتي في الدراسه اكيد في اشاء انت ناجحه فيها

انا بس ابيج اجاوبيني اوكي

اذا مثل ما تقولين .. ان تخصص التطبيقي للأاغبياء والفاشلين
اوكي ؟!!
ابيج تقولين لي قدرتي اتييبين معدلج فوق ال 3 ؟!!!!!!!!!!!! بس علشان اتأكد ان تخصص للأغبياء مثل ما تقولين

بما ان انا خريجة هاي الكليه وبمعدل جدا حلوو .. حبيت انبهج على نقطه
لان فعلا كلامج نرفزني والسموحه لج

المواد اللي ناخذها مثلها مثل اي مواد جامعيه والدليل ان انا اخذ من ربعي تبع جامة البحرين النوتات
وغير هاي كله ان الدبلوم مشارك يعني كنا ناخذ مواد تبع level 3 وفووق

الكلية جدا حلوه بس نظرتج انتي ونظرات غيرج كلها كانت down
اوكي ابي اعرف جم نسبة البنات اللي دشوا تخصصات الجامعه وقدروا اييبون معدل جدا حلوو
انا ما اقولج مافي بنات في امبلى وفي متفوقات
بس الكليه حالها حال غيرها والشهادة موقعه من جامعى البحرين واللي اهيا من افضل الجامعات واقوى الشهادات

انا ابدا ابدا ابدا ما فكرت مثلج ولا راح افكر من اول ما دشيت الجامعه
والحمدلله فتحوا مجال لدراسة البي اس حق اللي يبي يدرس
واحمد ربي ان صرت في هاي الكليه
وللمعوميه انا كان معدلي 89.4 يوم كنت في المدرسه


اتمنى تشيلين بعض الافكار من مخج علشان تقدرين تعيشين حياتج صح
ولا تقعدين تحبطين في روحج وفي اللي حوالينج

لا ياعمري مافيه أحد في الدنيا غبيي
بس الناس قدرات وهاي نصيبج في الدنيا

ولو تشيليين فكره انج غبييه من بالج افضل لج وبتحطين ع باللج وبترتفعين اما انج تقولين انج غبيه وفاشله وبدون معنى فهذا اكبر غلط

[BACKGROUND="70 #9933FF"][/BACKGROUND]
احمدى ربنا انك مش متفوقة فى الدراسة لان الدراسية بيجيها يوم وتنتهى وتكملى حياتك وتتفوقى فى حاجات تانية .
ناس كتير نجحت خدت اية يعنى وناس كتير مبيبنش ذكائهم فى الدراسة وبيبان فى حجات تانية.
ومتقليليش من نفسك قدام نفسك عشان متنزليش فى نظر الاخرين .
احمدى ربنا على نعمة الصحة.
والجمال دة شئ نسبى يعنى انتى تشوفى نفسك وحشة غيرك يشوفك قمر
.وجمالك بروحك الحلوة وحبك لنفسك.
على فكرة ياما ناس جميلة وحياتها من اسوا مايمكن
. محدش بياخد كل حاجة احمدى ربنا لو خدتى حاجة واحدة بس
.الدنيا فيها حاجات اكبر من كدة بكتييير ربنا يحميكى من غدر البشر والظلم اللى فى الدنيا
.

كلما ما قلتي عن نفسك غبيه وفاشله كلما صرتي صح غبيه وفاشله لانك تزرعي ف داخلك انا غبيه انا مو كفو انا افشل ف الدراسه وحتى لو تقدرين انا متاكده حتى لو انتي ف امتحان ومذاكره السؤال عدل ما بتعرفي تجاوبي لانك عطيت نفسك فول ستوب انا غبيه ما اقدر احل

حاولي تغيري وقولي انا ذكيه ومستحيل افشل غيري ما احسن مني لازم ترفعي من نفسك ما تنزلها
اذا انتي الي ف جامعه غبي وفاشله عيل الي تاركين المدرسه من الاعداديه وش يكونو؟

تفكيرك مره غلط ولازم تغيري تفكيرك وتغيري حياتك واحمدي ربك على النعم الي انعمه عليكي شوفي الي اقل منك في ناس معاقه عقليا بس تبدع لييييييش؟ لانهم عندهم عزيمه وما قالو انا غبيه وفاشله مثلك

دايما الانسان اذا يبغ رتاح يشوف الي اقل منه زوري مستشفى شوفي الناس المرضى الله يكرمك حتى يقضون حاجتهم ما يقدرون, شوفي الناس الي ما تشوف الي ما تسمع الي ما تتكلم الي الي الي الي واستغفري ربك على الكلام الي قلتي


الله يهديك بس

يعني ايش تطبيقي

قولي و كرررري أنا ثقتي بنفسي كبيرة أنا ناجحة و شاطرة و غنية ..ما دام تقدري تقولين أشياء سلبية عن نفسك فاتعلمي أن تقولي اشياء إيجابية عن نفسك و راح تتغير معايير حياتك للأفضل

::


بداية العلاج .. تغيريين الافكار السلبية من عقلش وتبدلينها بأفكار تبث الأمل والعزيمة في ذاتش ..

في دورات ومحاضرات وااجد عن تنمية الذات تقدرين تسجلين فيها وتطورين من مهاراتش هـ المحاضرات واجد تفيييد وعن تجربة وعندنا بالبحرين وااجد يسوون مثل هذه المحاضرات

اقرئي كتب تطور من قدراتش وفي كتب وااجد توني امس قاعدة أقرى كتاب بعنوان " كيف تكون المرأة ناجحة ومحبوبة " للشيخ مجيد الصائغ ..

أنصحش اشتري هـ الكتاب .. اني شخصياً فادني وتوني في بداية قرائته

بخصوص تخصصش الجامعي .. لا حبوبة هذا التخصص ما يعطونه بس الأغبياء على قولتش .. أحنا جتنا فترة وللحين جامعة البحرين كل من هب ودب الممتاز والجيد تعطيه هـ التخصص

ثبتي لنفسش ولكل من حلولش أنش قد هذا التحدي .. قعدي فكري بينش وبين نفسش .. ويش ناقصنش انتين عن بقية البنات أكو عندش عقل يفكر ويفهم والله الحمد .. لا تخلين هذه الافكار السلبية تأثر على حياتش كلها وتجعل شخصيتش مهزوزة ...

البنات ماقصرو عطوش الحلوول .. لا تقعدين تقرينها وبس لازم تطبييق .. تبين تتغيرين مني والدرب ما يصيير لازم تتحركين على روحش

والله يوفقش ان شاء الله

الله كريييم رح احااول وانشالله اقدر

هلا اختي باقولج شي وخليه في بالج انه احس فيج.. صج الانسان ساعات يحس نفسه فاشل بس موكل الاوقات .. وعلى سالفة التطبيقي ترى منو قال انه بس للاغبياء والفاشلين ؟؟ ترى وايد ناس دشو تطبيقي ودرسو وفالنهاية حصلو اعلى المقامات ؟؟ ليش بتقولين واسطة ؟؟ لا مافيها واسطة ذي ؟؟ انتي اذا رددتي هالكلمة على لسانج عمررررررج عمرج مابتحصلين اللي تبينه شيلي هالكلمة شنو فاشلة ومافاشله اوكي انتي انولدتي فاشلة ليش ماتحاولين اتصيرين ناجحة ف الحياة تبين احد يخليج ناجحة ؟؟ انتي اعتمدي على نفسج ورفعي راس اهلج ليش انتي قاصرة شي ؟؟ ليش غير عن البنات ؟؟ دايما شيلي هالفكرة من لسانج لاتقولين فاشلة لانه اذا قلتيها طووووووول عمرج وحتى لو نجحتي بعد بتحسبين انج فاشلة تدرين ليش ؟؟ لانج ترددينها على لسانج وايد بالعكس انتي لو فاشلة مايبتي مجموع ؟؟ لو فاشلة ماكملتي دراسة لين كبرتي ؟؟ وعلى فكرة اختي الحين التطبيقي عار ؟؟ شدخل العار في السالفة؟؟ عار انه الواحد يروح يدرس ويتعب ؟؟ موعار انج تقعدين في البيت ؟؟ بس عار لين تدرسين بيصير عار ؟؟؟ شنو يدخل اختي ؟؟ هالكلمة لاتقولينها هاي كلمة عودة وايد عار انه البنية تسوي شي غلط وانتي مو قاعدة اتسوين شي غلط منو احسن من ما تقعدين في البيت درسي اشعاد في ناس وايد عندهم شهادة تطبيقي ويشتغلون في وظيفة احسن من اللي درسو بكاليريوس ؟؟ تدرين شلون شفايدة وحدة عندها شهادة ومريضة في المستشفى ماتقدر تشتغل ؟؟؟ لكن في وحدة ثانية عندها تطبيقي تشتغل في مكان محترم ؟؟؟ شفتي اشلون الفرق اختي ؟ وعلى فكرة الجمال اختي ترى الجمال مو جمال الشكل ؟؟ جمال الاخلاق عمره الجمال ماسوه شي شفايدة جميل ويصيده حادث ويتوفى ؟؟؟؟ انتي قارني بس بهالاشياء خليها حكمة في مخج ؟؟ وعلى فكرة تمنيتين الغناء ترى اختي انتي الحمدلله ولو ماعندج بيزات وايد شلون قدرتي اتحصلين نت ؟؟ شلون حصلتي كمبيوتر ؟؟ منو عطاج اياه ؟؟ الفقير مايحصل هالاشياء تعرفين الفقير حافي في الشارع ماعنده شي ياكله ولا حتى شي يشربه ولا حتى سكن انتي الحمدلله عايشة تاكلين تشربين تحصلين نت منو درساج طول هالسنين من وين ؟؟ قوليلي اختي ابي رد على هالاشياء ؟؟ وترى على فكرة لاتفكرين تنتحرين كوني قدوة اختي درسي وتعبي تقربي من ربج اكثر الله ماينسى عباده ولله لو يلستي يوم على سيادة الصلاة ودعيتي ربج ولله ثم ولله الله بيحققلج حلمج اذا انتي في بالج وفي عقلج تبين هالشي ولله ماينسى عباده اختي شيلي من راسج فكرة الانتحار انتي عبالج لين انتحرتي الله بيخليج في الجنة ؟؟ تتوقعين هالشي يعني اختي انتي اولشي شيلي من نفسج كلمة (( غبية وفاشله )) وانه اوعدج انه حياتج بتمشي مثل ماتبين وازيد الله يوفقج في حياتج انشالله ومسامحة على الحديث وايد