تجهيزات حوامل مصر للمولود الجديد والنفاس الجزء السادس

كتكوتة انا كنت بجيب سلوبتات الصياد الداخلية الدرجة الاولى كان ب12,75

Celeen;13453290:


ام معاذ اى نعم انا من المنصورة و متجوزه فى اليكس .. بس غالبا تلاقينى مأنتخه عند ماما فالمنصورة .
الفجأه بقى انك انتى من المنصورة .. فرحت الصراحه.
هاتى كوردو اسبراى لسره البيبى ..اختراع جامدد جديد عباره عن مكس من كحول 70% وفيتامين A وشوييه كيميكلز تانيه ضد الفطريات والفيروسات والبكتريا.. مش زى الكحول لوحده.
هتلاقيه فالطرشوبى

انا كتبته يا قمر في الليسته
ان شاءا لله ابقى اجيبه

يعني اححنا الاتنين اتفاجئنا ههههههههههههههههههههههه
اها يعني انتي بين المنصورة والكس
ربنا معاكي

dr_hienar;13454082:
بنات انا عندى مغص زى البريود كدة مستمر ومن امبارح افرازات معرقة بدم بس مفيش خبط فى الظهر ده طلق انا خايفة ادعوللى محتجاكم

ربنا معاكي يا قمر فعلا الافضل تروحي للدكتورة وان شاء الله خير
وابقي كمنينا عليكي








بنات ايه افضل حاجه في الملابس الداخليه بتاعة البيبي

يعني انا دايما بجيب لمعاذ فاني باني وحاساها حلوة اوي ما شاء الله
حد جربها والصياد احلى منها ولالا ؟

أم معاذ أنا مش جربت فاني باني في الداخلي بس جربت في البيجامات فعلا جميلة.. أنا جبت في الداخلي زيتون حلوة.. بنات أنا جبت لآدم بنطلونات داخلي ماركة الصيرفي بس للأسف لقيت الاستك ضيق عليه لما لبسه أول يوم جوزي قالي علم في جسمه.. أعمل ايه فيهم وياتري ايه ماركة حلوة جربتوها وبكام؟

بنات اللي ولدوا قيصري لبستوا الحزام امتي؟ و عمل نتيجة بجد ولا ايه؟ نصيحة للي مستنية ولادة أنا جبت نوعين فوط جبت بيبي هاندي وجوزي جاب ريلاكس بجد يع يع يع يع وحشة جدا وبتتقطع كده مش عارفة ليه.. بيبي هاندي صحيح ظهرها مش مشمع بس ماسكة نفسها وتستحمل.. ده للبنات اللي مش لاقيين لوتس ذي حالاتي.. والبنات اللي هيولدوا قيصري مش محتاجين كل ده الاولويز العادية كفايه جدا..

بوسي ازيك ياجميل حمدالله عالسلامة والكتكوت بتاعك سكر ربنا يحفظه ويبارك فيه
انا مضايقة اوي ، لسه راجعة من عند الدكتورة وكشفت عليا نسا رغم اني مكنتش متوقعة انها تكشف دلوقتي، المهم شديت نفسي طبعا ومقدرتش استرخي ، مع ان الكشف موجعش ولا حاجة ، بس انا اللى كنت كاشة:(
قالت لا جديد وان مفيش تغيير ولسه حبه على الولادة، وقالتلي اجيلها كمان 10 ايام لانها هتسافر
تخيلوا انا اتضايقت اوي لما عرفت كده، هتسافر في الوقت الحرج ده، ولو حسيت باي حاجة اروح لزوجها هوه دكتور معاها في نفس المستشفي
بس لا انا ولا زوجي طبعا هنعمل كده ، وهنضطر نروح مكان تانى خالص فيه دكتورة، مروحتوش قبل كده ولاتابعت فيه
ورجعت اصلا مش مركزة و تعبانة حبتين عشان اول مرة كشف، بس بقيت كويسة دلوقتي الحمدلله
عشان المخالفة باه الجلابيات بتاعة الاطفال حديثي الولادة دي انقرضت ولا ايه يابنات، كل ما نسال عليها منلاقيش، وحماتي متحمسة ليها اوي مع اني مش مستلطفاها
هينار يارب تكوني بخير ياجميل ابقي طمنينا عليكي
انا الدور عليا بعديكي ان شاء الله :hysterical:
ابقى حطلنا لسته الحوامل يا ايمي ، من زمان مشفنهاش

bosy_md;13458598:
أم معاذ أنا مش جربت فاني باني في الداخلي بس جربت في البيجامات فعلا جميلة.. أنا جبت في الداخلي زيتون حلوة.. بنات أنا جبت لآدم بنطلونات داخلي ماركة الصيرفي بس للأسف لقيت الاستك ضيق عليه لما لبسه أول يوم جوزي قالي علم في جسمه.. أعمل ايه فيهم وياتري ايه ماركة حلوة جربتوها وبكام؟

ربنا يكرمك يا بوسي
والبنطلونات دي فعلا حرام تلبسيها له لو لسه معتاكي الفاتورة بتاعتها ولسه بكيسهم ممكن تبدليهم باي حاجه تانيه من المحل
او على فكرة يا بوسي سهل انك تعملي فتحه صغيره كده بالمقص من عند الاستك وتشيليه وتدككي استك تاني اكبر شوية
ده لو ليكي ف الحاجات دي يعني بدل ما ترميهم وتجيبي غيرهم وهم كده كده داخلي او ف البيت مش هيبانو

طالبة الحق;13458764:
بوسي ازيك ياجميل حمدالله عالسلامة والكتكوت بتاعك سكر ربنا يحفظه ويبارك فيه
انا مضايقة اوي ، لسه راجعة من عند الدكتورة وكشفت عليا نسا رغم اني مكنتش متوقعة انها تكشف دلوقتي، المهم شديت نفسي طبعا ومقدرتش استرخي ، مع ان الكشف موجعش ولا حاجة ، بس انا اللى كنت كاشة:(
قالت لا جديد وان مفيش تغيير ولسه حبه على الولادة، وقالتلي اجيلها كمان 10 ايام لانها هتسافر
تخيلوا انا اتضايقت اوي لما عرفت كده، هتسافر في الوقت الحرج ده، ولو حسيت باي حاجة اروح لزوجها هوه دكتور معاها في نفس المستشفي
بس لا انا ولا زوجي طبعا هنعمل كده ، وهنضطر نروح مكان تانى خالص فيه دكتورة، مروحتوش قبل كده ولاتابعت فيه
ورجعت اصلا مش مركزة و تعبانة حبتين عشان اول مرة كشف، بس بقيت كويسة دلوقتي الحمدلله
عشان المخالفة باه الجلابيات بتاعة الاطفال حديثي الولادة دي انقرضت ولا ايه يابنات، كل ما نسال عليها منلاقيش، وحماتي متحمسة ليها اوي مع اني مش مستلطفاها
هينار يارب تكوني بخير ياجميل ابقي طمنينا عليكي
انا الدور عليا بعديكي ان شاء الله :hysterical:
ابقى حطلنا لسته الحوامل يا ايمي ، من زمان مشفنهاش

معلش يا قمر خير بس كشف النسا متوقع من اول ما تدخلي التاسع على طول
وممكن تكشف عليكي تاني المرة الجايه نسا برضو لانها بتعرف البيبي نزل الحوض ولا لسه وكده يعني
وان شاء الله مش هيحصل حاجه قبل ما دكتورتك ترجع من السفر باذن الله
انتي ميعادك امتى ان شاء الله

وبالنسبه للجلابيات دي ماما برضو كانت صممت اجيبها لمعاذ وجبتها بس مش استخدمها كتير لاني ماحبيتهاش بصراحه شكلا وموضوعا هههههههههههههههه
لو انتي من المنصورة انا كنت جبتها من الشوا وفعلا ماكنتش موجوده عند اي محلات تانيه لانها فعلا شبه انقرضت
وفيه ناس بتفصلها عشان مش بتلاقيها

تسلمي يا ايمان على الرد
انا من القاهرة ياجميل، وبصراحة كويس ان الجلابيات دي مش موجودة كتير ، عشان انا مش حباها برضو
بالنسبة باه لمعاد الولادة هيا كانت محددالي 11/11 ، وانا طبعا بدات التاسع بقالي 10 ايام ، وفعلا بالنسبة لموضوع الكشف انا لازم اتعود عليه عشان اكيد هيتكرر تاني، بس يمكن انا عشان اول مرة فكنت كاشة ومش متقبلة الامر، ربنا يسهل المرة الجاية واستوعب الموقف باه واخده بروح رياضية:)

طالبة الحق;13458890:
تسلمي يا ايمان على الرد
انا من القاهرة ياجميل، وبصراحة كويس ان الجلابيات دي مش موجودة كتير ، عشان انا مش حباها برضو
بالنسبة باه لمعاد الولادة هيا كانت محددالي 11/11 ، وانا طبعا بدات التاسع بقالي 10 ايام ، وفعلا بالنسبة لموضوع الكشف انا لازم اتعود عليه عشان اكيد هيتكرر تاني، بس يمكن انا عشان اول مرة فكنت كاشة ومش متقبلة الامر، ربنا يسهل المرة الجاية واستوعب الموقف باه واخده بروح رياضية:)

ربنا معاكي يا رب ويرزقك بساعه سهله ان شاء الله
بس انتي امسكي نفسك لحد الدكتورة ما ترجع :lol:

بنات انا بقى لي كام يوم كده بينزل افرازات بيضا
مش حصل معايا كده خالص ولا اول الحمل حتى
مش عارفه ده طبيعي ولا ايه ؟

أم معاذ أنا فعلا فكرت أعمل كده في البنطلونات بس الاستك متخيط.. بس وراه وراه ههههههه أنا أصلا بحب الاشغال اليدوي.. طالبة الحق ربنا يخليكي عقبال ما تشوفي الكتكوت أو الكتكوتة بتاعتك.. بصي عن خبرة الجلابيات دي حلوة بس مش عملية خالص خالص حتي جوزي اللي كان مشجعهم قالي أنسيهم خلاص.. وان شاء الله ربنا يطمنك يارب بصي أنا تابعت مع دكتورتين ووقت الولادة الدكتورة بتاعتي قالتلي أنتي قيصري وأنا مش بولد قيصري تصوري في ساعة الولادة.. وولدت مع دكتور ما شاء الله عليه بجد مش مصدقة انها عدت كده الحمدلله.. سيبي كل حاجة علي ربنا

bosy_md;13438090:
بنات اللي ولدوا قيصري بليز هو الدم قعد معاكم قد ايه؟ وكمان لبستوا الحزام امتي؟

وهو فك البلاستر ده بيوجع يا جماعة ولا ظروفه ايه علشان أنا خايفه منه..

انا قعد معايا 28 يوم والبلاستر كانك بتعملي سويت بالظبط شده واحده وخلاويص متخافيش ان شاء الله خير

manafola;13444325:

يا بنات فين محلات الصياد دي شكلها اسعارها في اللبس حلوة
و كنت عايزة اعرف اجيب لبس خروج ايه لحديث الولاده حد يدلني

الصياد في مساكن شيراتون قدام النساجون الشرقيون بالظبط هاتي سالوبيتات قطيفه خروج بس الصراحه هناك كان لبس البيت احلي من لبس الخروج معجبنيش خالص بتاع لفلي احلي بكتير

إزيكم يابنات انا توووكي جيت بنفسي بقي احكيلكم التجربه بعد ما فكو اسرى من الاوضة بتاعتي قال اييه البيبي ميتسابش لوحدو لمدة اسبوع

انا الحمدلله ولدت يوم الجمعه الى فاتت دى الى هى 15/10

بس سجلتها 10/10/2010 :d

انا اخر حاجه كتبتها هنا انو ادالى دوا كده مضاد حيوي عشان الى كانت بتنزل عليا دي كانت ميه من حوالين البيبي

بعد ما خدت الحباية وعينكو ما تشوف الا النور

ترجيع ما بعده ترجيع لدرجه انى بقيت ارجع عصارة المعده وكل ما ارجع شويه ميه ينزلو

واخر مره دى لقيت نافورة واتفتحت عرفت ساعتها انى بولد بعدها بعد المغص ابتدا ييجي شويه بشويه بالظبط خارجه من البيت والجامع بيبدأ خطبة الجمعه

روحت المستشفي الدكتور كشف عليا لقا الرحم مفتوح سم واحد بس ميدخلش حتى صباع والرخم ناشف مش سهل يتمدد لأكتر من كده

ادالى لبوسه الى بتفتح الرحم وعينكو ما تشوف الا النور عالضرب الى اشتغل

قعدت ساعتين من اول لبوسه بعدين ادالى تحاليل وحاجه تحمي الطلق وااااااااااااه عالطلق وسنينو

وجع غير طبيعي بجد ربن يكون فعون كل الى بيولدو طبيعي

الدكتور قعدت تانى لحد الساعه 5 كده وبعدين شافنى وانا كل الى عليا اديني مسكن ابوس ايدك اديني حقنة الضهر وجوزو طبعا عمال يثبت فيا ويقولى هيحطلك ف المحلول والدكتور يبصلي ويقولى لا ده مش مسكن بس حاجه هتخلصك بسرعه الى هو حاجه بتحمى الطلق

المهم بعدها ب نص ساعه من عناء جه وكشف نسا تانى وقالى احنا قدامنا فرصه ندخل العمليات هديكي بنج خفيف هتبقي حاسه بدوخه ومش مركزة ف حاجه بس هتساعدينا وبعدها لما يتفتح للدرجه الى احنا عاوزينها هنديكي بنج ومش هتحسي بحاجه خالص

جوزو بيقولى انو لما خرج قالو انو في ميزة انو الرحم طرى يعني بقي سهل يتمدد ويتفتح بالمساعده

ودخلت العمليات وادالى حقنة كده ف الكانه محستش بقي ولا انى بساعده ولا اى حاجه غير وهو بيقولى قولى ورايا بسم الله توكلت علي الله ولا حول ولا قوة الا بالله

قولتها ومحستش بنفسي غير وانا بترعش جامد وهو بيقولى حمد الله ع السلامه
هتسمي البيبي ايه اقولو تايا .. وهو مش عارف الاسم ولا مستوعبه وفاكرنى لسه مفوقتش .. يسيبنى شويه وييجي يقولى هتسمي البنوته ايه اقولو تايا عاد السؤال بتاع اربع مرات وهو فاكرنى كل ده مفوقتش من لبنج وانا اقول للممرضات الى حواليا انا ولدت يقلولى اه الحمدلله حطولى ايدي ع بطنى مصدقتش من الوجع الى كنت فيه قبل الولادة قعدت اقول الحمدلله

ملحوظة يابنات لو كنت دخلت ساعتها كنت لعنت الولادة الطبيعي حتى ساعتها قالولى عقبال ما تخاويها قلتلهم هو انا عبيطة اعملها تانى وبقي كل همى إزاى انا هفكر اجيب تانى بعد الوجع ده كلو

بعدها بيومين حسيت انو وجع وعدى وشفت بنتي والخياطة من تحت ابتت تلم شويه بالمسكنات طبعا والمضاد الحيوي والنضافه

بعدها بقيت حاسه انو وجع ساعتين فعلا ولا كل ساعه كان وجع ولابد منه والحمدلله ربنا سهل

انا بقول كده عشان طبعا كميه الكلام الى قلتو ع الطبيعي

فعلا يابنات ربنا يرزقكو بالطبيعي الحمدلله هو متعب ف الخياطة الى تحت بس بدال دكتور شاطر هيعرف يحافظ عليكي

والحمدلله تايا جت وشرفت قبل نهاية التاسع بيوووووووووووووووم

الف مبرووووووووووووووووك يا توكي وربنا يهنيكي بتايا
انا بس مش فاهمة كدة هو طبيعي ولا قيصري؟؟؟ عالعموم الف مبروك وربنا يجعلها من عباده الصالحين

طبيعي الحمدلله

ايه دة هو الطبيعي فيه بنج و خياطة؟؟؟؟؟؟ يا لهوي
انا كل يوم بكتشف حاجة جديدة في موضوع الحمل دة D:

نياااهاهاهاااا

اكتشفي بقي

بس الخياطة الى تحت رغم انها معرضه للمكروبات اكتر ومنطقة رطبه اكتر من القيصري بس كلو بيهون مع العنايه ف اول اسبوعين كلو بيبقي تمام

انا لسه الجرح ملمش طبعا بس مع المسكنات مستحملاه

جرح تحت ده ياستى لانك لو قعدت تطلقي لوحدك عشان البيبي ينزل من غير فتح هتكونى خلصتى دا انا كان سم واحد بس الرحم مفتوح وكنت هبوس ايديهم عشان يخلصونى ويفتحولى قيصري او يدونى مسكن او اى حاجه تخلصنى

الحمدلله ع كل شئ

ياااااااااارب يا لولو

Celeen;13453290:
اشطه عليكى يا ايمى وعلى حاجاتك ..دايما ذوق ذوق ذوق الصراحه :D
انا بفكر اجيبها لريتال دلوقتى.. البت بتكره انى اسيبها نايمه جدا عايزه طول الوقت اسندها واوقفها اجى اقعدها او انيمها تروح شده جسمها اوى كده وصلبه نفسها وتضرب برجليها فالارض وتقاوم النوم .. تقريبا البت دى مجنونه:D
فانا هاجيبلها بقا احطها فيها تطلع تجرى عالتواليت تغير دايبرها.. تجرى عالمطبخ تعمل اكلها .. كده يعنى .
هو احنا هانولدهم ونخدمهم كمان ولا ايه :D

:lol::lol::lol: انتي فقرية بجد مش ممكن احسن من كيلو لب زي ما بيقولوا :lol::lol::lol:
بصي خلي المشاية لما هي تعرف تقعد او ضهرها يمسك نفسه وتكون بتقعد لو مسنداها حتي ودايما تخليها علي المستوي العالي لغاية ما هي بنفسها بردو تبدأ تقف لوحدها او رجلها تجمد

bosy82;13454209:
ماشي يا قمر بس التلاتة اللي بكباسين مايضايقوش البيبي علشان كله كباسين فوق بعض؟

لا مكنوش بيضيقوها ولا حاجة لأن اولا فيه تحتهم بامبرز عامل حماية للمكان ده وهو بيبقي مليان يعني مش رفيع ثانيا انا تقريبا ولا مرة غير يمكن واحدة لبستها 3 قطع داخلية تحت الهدوم، كلهم بيبقوا قطعتين دايما كت وكم او نص وكم حسب الجو، ثالثا كده كده الداخلي بيبقي مش قد جسمهم بالظبط لأ ده بيبقي واسع شوية واطول عشان يكفيهم فترة فبيسبقي مريح ليهم عادي.

m@hy;13456906:
كتكوتة انا كنت بجيب سلوبتات الصياد الداخلية الدرجة الاولى كان ب12,75

انا جيباهم من المحل بتاعهم نفسه واكيد غليوا بقي وكمان سعر الكت غير النص غير الكم مش كلهم سعر واحد، انتي جايبة بردو اللي هما في باكيت علي بعضه ده خمسة مع بعض وابيض سادة خالص؟
انا النص بس اللي جبتها من العادي بتاعهم عشان مكنتش عايزة كتير منها وهي فيها خياطة لبني وروز كده من فوق غير التانيين.

طالبة الحق;13458764:

ابقى حطلنا لسته الحوامل يا ايمي ، من زمان مشفنهاش

ربنا معاكي يا بطة يارب وتبقي ساعة سهلة ليكي وتبقي مستريحة نفسيا للدكتور ويارب تلحقي دكتورتك نفسها.

ليستة الحوامل ما شاء الله ولا حول ولا قوة إلا بالله


حوامل شهر 10:
28/10/2010 dr_hienar


حوامل شهر 11:
11/11/2010 طالبة الحق


حوامل شهر 12:
23/12/2010 mitcy
23/12/2010 bosy82
25/12/2010 نجلاء جابر ( أم عمر وبنوتة بإذن الله )
28/12/2010 D.mero


حوامل شهر 1:
6/1/2011 sweetyronaaa


حوامل شهر 3:
8/3/2011 *Om Mo3az*


حوامل شهر 4:
3/4/2011 redflowerlovey
14/4/2011 كريز

amatalrahman237;13472837:
ايه دة هو الطبيعي فيه بنج و خياطة؟؟؟؟؟؟ يا لهوي
انا كل يوم بكتشف حاجة جديدة في موضوع الحمل دة D:

اه لازم خياطة في الطبيعي كمان عشان لو مفتحوش المكان ده وانتي بتعملي بوش ممكن لا قدر الله يحصل تمزق وبهدلة ليكي من تحت، فلازم بيعملوا فتحة اضافية صغيرة كده ويخيطوها لما البيبي يخرج.

الف مبرووووك يا بوووووسي ىدم ماشا الله ربنا يحميه وفين هيناااار ربنا معاها ويرزقها ساعه سهله

طالبه الحق ميرسي ياقمر ع التقييم والله يسلمك ربنا يباركلك