اللي حابة تستفسر عن مدرسة حوار الدولية ..في الرفاع ..إن شاء الله بافيدها

ا

الريح الباردة

عروس نشيطة

14-10-2010 | 10:03 AM

يوجد موضوع مثبت والرجاء وضع استفساراتكم وخبراتكم هناااك

السلام عليكم بنات

مثل ما قلت أنا مستعدة أفيدكم عن هذي المدرسة باللي أقدر عليه ..لأأني شفت بنات من مفتره تستفسر عنها

ا

الرازجية

عروس رائعة

14-10-2010 | 04:24 PM

مشكووورة اختي .. أنا ابي اعرف عنها منهجهم قوي و لا لا... ؟
طرق التدريس حق الكي جي ؟ يعني باختصار تسوى و لا لا؟ وذا عندي اسئلة اخرى باسألج

ا

الريح الباردة

عروس نشيطة

15-10-2010 | 09:18 AM

السلام عليكم اختي ...

المدرسة منهجها وايد قوي .. و أنا مدخلة ولدي الصراحة يوم دشيته قلت اذا ما عجبتني باطلعة لكن ما شاء الله كل مرة اشوف شي يخليني اتمسك فيها..

الأهتمام بكل طالب على حدة .. و إعطائه الثقة بنفسه ... و التواصل الفعال بين البيت و المدرسة و الإهتمام باللغتين العربية و الإنجليزية أهم ما يميز المدرسة ...
مديرة المدرسة اهي فاطمة الكوهجي اختها مديرة مدرسة النسيم و اهي كانت تشتغل عندها و عقب سوت لها هذي المدرسة ابروحها يعني تقدرين اتقولين احوار مثل النسيم بالضبط لكن حوار تفصل بين البنات و الأولاد من الصف الأول و هذي ميزة بحد ذاتها..

طبعا اسبوعيا ترسل الواجبات مع الخطة للإسبوع القادم فأنتي اتعرفين شنو ولدج بيدرس و اتدرسينه عشان يفهم شالسالفة ...و مع بداية السنه يعطون الطالب دفتر للملاحظات يكون متواجد في شنطته يوميا اذا عندج اي ملاحظه او تعليق اتكتبينه و على طول ايردون عليج و اهم بعد ايطرشون لج ملاحظات يعني باختصار تدرين عن ولدج كل شي
اذا عندج اي استفسار أنا حاضرة

س

سويرة وبناتها

عروس رائعة

15-10-2010 | 09:56 AM

وشلون عن رسومهم؟؟؟؟؟؟؟؟؟

ا

الريح الباردة

عروس نشيطة

15-10-2010 | 10:39 AM

الرسوم للنرسيري و الكي جي 1500 سنويا شامل كل شي حتى الأكل

ا

الرازجية

عروس رائعة

16-10-2010 | 09:29 AM

مشكورة اختي عندي بعد سؤال .. صج المبنى بيغيرونه؟

ن

نــور العمــر

عروس مبدعة

16-10-2010 | 10:41 AM

ولدج في أي صف ؟

أ

أم سلمان وعائشة

مشرفة سابقة

17-10-2010 | 11:47 AM

الريح الباردة;13393776:
الرسوم للنرسيري و الكي جي 1500 سنويا شامل كل شي حتى الأكل

هلا اختي

شلون عن وقت الدوام؟

والرسوم هـ ال150 تشمل المواصلات والقرطاسية؟

وهل ترتفع الرسوم كلما تقدم الطفل في الصفوف؟

ومشكورة عزيزتي F:

ا

الريح الباردة

عروس نشيطة

18-10-2010 | 10:09 AM

الرازجية;13401536:
مشكورة اختي عندي بعد سؤال .. صج المبنى بيغيرونه؟

يقولون السنة الياية

ا

الريح الباردة

عروس نشيطة

18-10-2010 | 10:11 AM

أم سلمان وعائشة;13412509:
هلا اختي

شلون عن وقت الدوام؟

والرسوم هـ ال150 تشمل المواصلات والقرطاسية؟

وهل ترتفع الرسوم كلما تقدم الطفل في الصفوف؟

ومشكورة عزيزتي F:

اختي الدوام للنيرسري من 8 إلى 12 و الكيجي 1 لي 12 و نص و الكيجي 2 لي 1

طبعا الرسوم اتزيد في المرحلة الإبتدائية

ز

زئبقيه

عروس نشيطة

18-10-2010 | 10:28 AM

اذا ولدي في جرت1 بروح 2 كم رسوم تسجيل وكل مناطق البحرين اوصلون وتسجيل كل سنه والله بس مره وحده ابي بضبط رسوم الجريت 1و2

أ

أم مشاري366

عروس نشيطة

18-10-2010 | 12:10 PM

السلام عليكم

ولدي اللحين كي جي 1 في روضة يصير اسجله على الفصل الثاني في مدرسةحوار او انتظر بداية السنةافضل ويكون كي جي 2
وبالنسبة للتسجيل للسنة القادمة متى يكون ؟؟؟ وكم رسوم التسجيل و شهريا كم؟؟؟؟

وبعد عندي سؤال دوام الظهر بيكون الساعة كم ؟؟؟

ا

الريح الباردة

عروس نشيطة

19-10-2010 | 12:53 AM

زئبقيه;13422524:
اذا ولدي في جرت1 بروح 2 كم رسوم تسجيل وكل مناطق البحرين اوصلون وتسجيل كل سنه والله بس مره وحده ابي بضبط رسوم الجريت 1و2

اختي انا سجلت شهر 4 تره سؤالج مب واضح اتصلي فيهم

ا

الريح الباردة

عروس نشيطة

19-10-2010 | 12:55 AM

أم مشاري366;13423383:
السلام عليكم

ولدي اللحين كي جي 1 في روضة يصير اسجله على الفصل الثاني في مدرسةحوار او انتظر بداية السنةافضل ويكون كي جي 2
وبالنسبة للتسجيل للسنة القادمة متى يكون ؟؟؟ وكم رسوم التسجيل و شهريا كم؟؟؟؟

وبعد عندي سؤال دوام الظهر بيكون الساعة كم ؟؟؟

من بداية السنة أفضل لأن الدف يكون على 2 مرات للسنة كاملة و ليس شهريا.. كي جي 2 يطلعونهم الساعه 1

ح

حبي الغالي

عروس ماسية

09-01-2011 | 05:53 AM

هلاااا اختي

اني ناويه أدخل ولدي هالفصل مدرسه حوار الدوليه

ناس واجد مدحوها ليي وطمنت ازيد يوم شفت موضوعش

ودخلت موقعهم وشفت الرسووم

ياخدون حق التسجيل 150 دينار

والكورس 700 دينار حق النيرسي

اني ولدي عمره 3 سنوات بس مادري هل يعتبر حضانه او روضه

بس زوجي بتصل ليهم اليوم وبيستفسر

وان شاء الله خير

ا

ام عــلاوووي

عروس ماسية

09-01-2011 | 06:38 AM

شهريا كم اقساطها ؟

يعني قسطين بس ؟ بالكروس !

ح

حبي الغالي

عروس ماسية

09-01-2011 | 02:01 PM

ام علاوي ايي الظاهر جدي

يكون قسطين بالكورس

اني زوجي اتصل بس للحين مادري شنو صار لانه للحين مارجع من الشغل

ا

ام عــلاوووي

عروس ماسية

09-01-2011 | 04:20 PM

أهاا ..

بس تعرفين التفاصيل أفيدينا ..!

قاعده هالفتره اسأل عن كل الروضات والمدارس وكل شي هههههه << بستجن !

ح

حبي الغالي

عروس ماسية

11-01-2011 | 04:57 AM

ام علاووي زوجي اتصل وقالوا ليه انه مافي تسجيل للكورس الجاي

لانه هم ياخدون كل سنه جديده

والتسجيل بكون للسنه الجايه شهر 4

وبكون في السنه 1100 دينار

وان شاء الله بنسجل حمود فيها لانه ناس واجد مدحوها ليي

وبعد الا خلاني اتمسك فيها زياده انه في قسم فيه اخصايين واستشاريين مال نطق

لانه حمود شوي متأخر في الكلام بالنسبه لسنه ونصحوني انه اوديه هالمدرسه عشان يتكلم ويخلون ليه برنامج