مساعدة سريعة ..وضرورية لتساؤلات عن إبنتي

أ

أم ميمي وعلاوي

عروس نشيطة

14-10-2010 | 08:34 AM

السلام عليكم ورحمة الله وبركاته ..

خواتي أمهات عروس .. انا اليوم بروح اسأل عن ميمي بالمدرسة بس ما اعرف شنو الأسئلة الي مفروض اسألها ..؟ هذة اول بنت وما اعرف شلون اتصرف ..؟

المشكلة الثانية إبنتي ميمي بالصف الأول ومع ذلك طلبت مني ان البسها حجاب في المدرسة ولا اعرف هل الحجاب في هذا السن لصالحها ام لا ..؟؟ إن سألتها لماذا قالت لي الستر يا ماما زين ..!!! هالبنت مدرري ليه تفكيرها اكبر منها بكثير .. شلون اتعامل معها اخليها تلبسه من الحين وتوها صغيرة .. ام اجبرها على عدم لبسه ويصير شيء بعدين لا تحمد عقباه . ؟

ساعدوني أمهات عروس .. ضروري

ا

ام حمود 2005

عروس مبدعة

14-10-2010 | 08:40 AM

والله ما عندي خبرة بنتي توها سنتين ان شاء الله البنات يفيدونش

ا

الفاطميه

عروس مبدعة

14-10-2010 | 08:46 AM

أنا بنتي آخر سنة في الروضة بس اتوقع ان الاسئله بتكون عن
اسألي عنها من ناحية مشاركتها في الفصل وتأذيتها للواجبات وتفاعلها مع المدرسة
تقدري تسأل عن حركتها وهدوءها في الفصل
وحتى تعاملها مع زميلاتها في الصف
وفي النهاية تشكرين معلمتها على جهودها

وان شاءالله امهات اللي في المدارس يردوا عليج هم أخبر

ب

بوح الكلمات

عروس برونزية

14-10-2010 | 08:55 AM

هلا ام ميمي وعلاوي ، أسألي عن مستواها الدراسي ، زين لو يبغى ليها ، تجاوبها ويا المعلمة ، تنفيذها للتوجيهات ، علاقاتها مع زميلاتها ، اجتماعية أو خجولة أشياء من هالقبيل .
اما عن الحجاب : رايي تنتظرين عليها على الأقل لما يصير عمرها ثمان سنوات أو أقل شوي شرط تكلمينها من الحين عن أهميته ومعناه عشان لما تلبسه يكون عن اقتناع مو مجرد تقليد وما تفكر انها تشيله ابدا ، بس رايي الشخصي الحين احسها صغيرة عليه .

&

ღام عبودღ

عروس رائعة

14-10-2010 | 09:58 AM

عن السؤال
اول ما تروحين قولي حابه اسأل عن هالفلانه
هي كل شي بتقول لج
شوفي مشاركاتها وعلاقتها مع المدرسة والطلاب امتحاناتها
اذا انتين عندج اقتراحات او استفسارات على المعلمه ساليها

وبالنسبه للحجاب
والله ماادري

أ

أم ميمي وعلاوي

عروس نشيطة

14-10-2010 | 11:01 AM

مشكورين ما قصرتوا والله فيكم الخير .

انا رحت وسألتها مثل ما طلبتوا مني ولله الحمد تطمنت على بنتي وصرت فخورة بيها .

مشكورات على الإهتمام والرد السريع والتجاوب الأسرع حقا إنكن خواتي اللاتي لم تلدهن أمي .

بالنسبة للحجاب .. انا ادري بنتي صغيرة عليه ... بس المشكلة انا مقتنعة بس اهي الي طالبه انها تلبسه واليوم صار لها اسبوع

من لبسته بالمدرسة ما ادري شلون افهمها انها صغيرة عليه .. اخاف تلبسه وتتعقد منه .. ما ادري شوروا علي في هالسالفة

يجزاكن خير .

أ

أجاثا كريستي

عروس فضية

14-10-2010 | 01:08 PM

اذا هي حابة تلبسه لا تضغطين عليها وتحددين لها سن ..

بس قولي لها انا لما كنت صغيرة لبسته وعمري 9 او 8 سنوات ... ومن هالعمر بكون محاسبه لو شلته ويوم كنت في مثل عمرش ما كنت البسه لاني لسه صغيرة

بس اذا هي مصرة خليها على راحتها ... مو المسالة تقليد بس لما تكون مصرة وانتي تمنعينها من باب انه صغيرة ممكن يسبب لها مشكله او عناد فما ترضى تلبسه لما تكبر ..

خليها على راحتها يمكن لو لبسته يومين او 3 بتشيله الحين .. وبتشوف انها للحين صغيرة

احسن من ردات فعل مستقبليه

ش

شررووق

عروس مشرقة

14-10-2010 | 01:54 PM

الحمد لله انج فخورة فيها وان شاء الله دووم هذا التفوق

اما مسأله الحجاب عاااااااااااااااااادي عطيها يوم يومين شهر اخر شي بتمل منه وهي مب مكلفة خليها على راحتها

أ

أم ميمي وعلاوي

عروس نشيطة

14-10-2010 | 05:41 PM

ياسمينة الفريج وشرووق .. خواتي الطيبات ..

مشكورات على ردودكن .. يعني برايكن اخليها تلبسه لما تمل منه ..؟ اخاف اذا ملت منه بعدين لما تكون مكلفه ما بترضى تلبسه .؟

بس شوركن وهداية الله .

شرووق إن شاء الله دوم تتفوق مرايم بنتي وعقبال باقي اولادنا يارب .

مشكورات ما قصرتن