طفلي عمره ثلاث شهور شنو أقدر أأكله؟؟

اختي انتظري عليه حتى يكمل الشهر الرابع لانه احس توه صغير الحين
الحين تعطينه تمر يعني تذويقه على راس اصبعك او تنقعينه بماء وتشربينه بس الاكل احس توه صغير اذا كمل 4 شهور ابدي معاه بسيريلاك وشوي شوي كثري له كميات الاكل ومشالله فيه مواضيع واجد بالركن عن تغذيه الطفل

اما عن الاستفراغ انتي غيرتي لانه نوع الحليب والا هو اللي قبل؟

مشكوره حبيبتي سندريلا على الرد

اني ما كنت ناويه أأكله الا في الشهر السادس
بس من كثر ما اسمع الكل يقول لي أكليه حيروني
وصرت متردده بين أأكله او انتظر وقلت أستشيركم
والمواضيع ما شاء الله الركن مليان بس افظل لي موضوعي
الخاص الي اقدر اخذ واعطي فيه

وعلى الترجيع لا ما غيرت له حليب لاني أصلاً ما أرضعه
الا طبيعي يعني ما اعطيه صناعي علشان اقول منه :(

لسه صغير على الاكل ومعدته ما تتحمل وافضل غذاء له هو الحليب الطبيعي
ولا تخافي عليه ولاتسمعي كلام الناس وراجعي الطبيب كل فتره عشان تتأكدي من نموه بشكل طبيعي
اما الاستفراغ يمكن ياخذ حليب اكثر من حاجته .. اذا استمر الاستفراغ او زاد راجعي الطبيب افضل

ام عمري تسلمين حبيبتي

نورتي صفحتي يالغاليه

توه صغير اني عندي ولد عمره ثلاث شهور ماافكر ااكله الحين

واذا على الناس لاتسمعين لهم بتتعبين
ويمكن ولدش بنيته ضعيفه مو من الاكل او الرضاعه .. واجد اطفال ياكلون ويرضعون بالهبل واجسامهم ضعيفه او وسط واطفال ياكلون قليل ورضاعتهم اقل ومع هذا دبيب

نصيحه لاتأكلينه الحين توى صغير معدته ماتتحمل وبيتعب ويمكن يتعب من الغازااات وكلام الناس لو تابعينه ماتخلصيين

ماعليج من كلامهم وقولي لهم الحمدلله سواء ضعيف او متين الحمدلله ان بصحه وعافيه وعلى سالفة الترجيع عادي

وطبيعي ولدي كان نافووورة يسوووي كل ساعه ووديته اكثر من طبيب والكل يقول عادي والله يخلي لج علاوي

خيووو انتظري موعده الشهر الرابع وشوفي شنو يقولون لش

اني بنتي كانت جدي صغيرة واجد اتذكر كملت شهرين ووزنها اقل من 3 كيلو ولما كملت الشهر الرابع

وديتها موعدها الا الدكتورة تقول لي ابتدي اكليها!! سئلتها عادي يعني؟ لان انتون تقولون للشهر السادس

قالت هو يفضل للشهر السادس بس حتى من الرابع عادي وبنتي لانها واجد وزنها ناقص خلوني ابتدي اأكلها

وعطوني موعد بعد في الرعاية لما يصير عمرها 5 اشهر حتى يشوفون تغير وزنها بالاكل او لا ،،


يعني انتي انتظري يكمل 4اشهر وشوفي الدكتورة تنصحش بشنو افضل

اني بديت الاكل مع بناتي من الشهر الثالث ..اول شي نقاط برتقال في ماي ويا لمرضعه يعني مخفف وايد وكل اسبوع اعطيهم شي لما صاروا ياكلون كل شي ..

نقاط برتقال ..تفاح ...سيريرلاك يعني كل مرة شي

صديقتي ما رضيت تعطي ولدها من الشهر الرابع بعدين صار ما يرضى ياكل ...احس افضل بالشهر الرابع تبتدين وياه

ثلاث شهور
واجد صغير
ما انصحش

اني توني رايحه من شهر اطعم ولدي ابره مالت اربعه شهور وقلت لدكتورة في اكل الحين ليهم قالت الافضل تخليه لبدايه الشهر السادس ... بس احيانا احسه يوعان اعطيه شويه تفاحه يعني مو كامله ربع تفاحه...

على الاقل خليه لشهر الخامس وبعدين اكليه ...

توه صغييرر... انتظري لين ما يصير 4 شهور

استني عليه يكمل اربعه شهور افضل احس لسه صغير على الاكل

سالفه الحليب , يمكن يشرب أكثر من حاجتــه من جذي يستفرغ
أو عنده شي وديه المستشفى احسن عـشان تطمنين أكثر وما عليـه شــر

والأكل إبتدي معاه بشراب التمر , يعني انقعي تمره في ماي دافي وانتظري ليما يبرد الماي بعدين يقطعة قماش نظيفه صفي الماي وخليه له في ميميه ( رضاعه )
وشربيه ,التمر زين بحبه لأني حلو ويسمن
و تقدرين تعطينه عصير برتقال مخفف وحلو , ليما يكمل الرابع بعدين اعطيه سريلاك المخصص للأطفال من سن 6 شهور اللي يجي على أرز لأنه اخف واحسن نوع للأطفال وشوي شوي , موز مهروس وتفاح مسلوق ومهروس , جزر مسلوق ومهروس
وهكذا
والله يحفظه لج

تسلمون حبايبي على ردودكم
واكيد اتمعن واركز بكل رد
مدري اخاف اعطيه منقوع التمر ناس تقول زين
وناس يقولون مو زين :(
وعلى الاكل بشوف بالتطعيم الدكتوره شنو
تنصحني وبستشيركم بعدين اذا قالت اكله شنو ااكلخ

مشكله دكاترتنا يحيؤون ما يتفقون لهم على كلمه او راي
لان عمتي يوم راحت تطعم بنتها تطعيم الاربع شهور قالت
لها الدكتوره لاتاكلينها ولا شئ لما تكمل 6شهور لانه يسبب
القولون وامراض ومشاكل مستقبليه
ودكتور ثاني صديقتي يوم راحت تطعم بنتها الاربع شهور
قال لها عكس الكلام تماما لازم تاكلين الجاهله من الحين
علشان تتعود شوي شوي لانها لما تكمل 6شهور بتكون
كبيرت شوي واذا تعودت بس على الحليب صعب تاكل بعدين
والحين الطفله تكبر وتحتاج الى اغذيه اكثر تغديها

ماقصرتوا يا اخوات
بس على الرضاعه اني ارضع ولدي بالمعقول
واحيانا احسه ما يرضع زين يعني بين فترات طويله
واذا يرضع شوي ويزن يبغي ينام او يلعب

فمدري ليش الترجيع الزايد بس الحمدلله اليوم
صار احسن من اليومين الي طافوا لك الحمد والشكر يارب

يا اختي انتي ادرى مصلحت ولدك من الحريم
ولدك توه صغنووووون حياتو توه ع الاكل

وبعدين الاكل ماهو كذا خلاص كل
لاااااااااااااااا

تتبدي معاه بالتتدريج ؟؟
بالبدايه سوائل عصيرات طازجه برتقال مخفف بماء شوي 2ملم وشوي شوي تزيدين الجرعات طبعا وبعدين عندما يصير 6شهور تتبدي تعطينه اشياء سريلاك خفيف مره شوي شوي يثقل طبعا للطفل

بس الحليب +الشمس =صحه بأذن الله
عليكي فيهم اهم شي بالنسبه للطفل........
والله يخلي لك البيبي وتشوفينه عرييييس يارب:L::L::L:

مشكورين حبيبات قلبي عالردود
بس والله كتبت هالموضوع بعد ما اكلوا قلبي
من الطحنه أكلي الياهل لان يصيح من اليوع
خصوصا اني اروح الجامعه لمدة8 ساعات
والحلو ما يرضى يشرب رضاعه فيقولون لي
على الاقل لما ياكل بيشبع شوي بدال ما
يظل هال8 ساعات ولا يرضى يشرب

ومو بس نسوان كبار الي يقولون لي
يعني حتى بنات من اهلنا عندهم عيال
بعمر ولدي ويأكلونهم ويقولون لي اكليه
انتي بجر واول مولود لج علشان جذي
وايد تتحذرين وتحاسبين أحنا عيالنا
كلهم اكلناهم من عمر شهرين ما نشوف
صادهم شئ

والله احترت ومليت من كثر طحنتهم وانا اقول لهم لا
حتى احيانا امي تهددني بتأكل ولدي من ورايي لما
اروح الجامعه و اهو مايرضى يرضع وبس يبجي