:'(السلام عليكم
انا صارلي متزوجة7 اشهر زوجي بيشتغل بالخارج وانا هلا بنتظر التحاق به انا هلا ساكنة عند اهلي تحت رغبته هو الي
طلب مني هالشي وامه ما رضت هي ساكنة لحالها وكان بدها اونسها بوحدتها واقوم لها بشغل البيت مشان هي امراة كبيرة بالسن اثناء فترة تواجدنا معها دايما كانت بتصيح عليه وبتقولو ما اخذت رايي ونسايبك هما الي ارغموك على هالشي وانت ما عندك كلمة مع انو هو صاحب القرار وهو بقول لها انا صاحب القرار مو هم وانا الي اصريت انها تقعد عند اهلها وهي مو مصدقتو لما سافر زوجي انا كنت متحطمة نفسيا مرضت واسودت الدنيا بوجهي مرت الايام وانا كنت مرتاحة ببيت اهلي بتصرف بطبيعتي مثل زمان وواخذة راحتي عاللاخر وكان هالشي مضايق امي وكانت بتمر ايام بتبصلي بنظرات مو طبيعية وما بتكلمني واذا طلبت منها شي تعملهولي بتقولي اعملها بنفسك ودائما بتستهزئ بكلامي وفي احد الايام صارت مشكلة بيني و بين اختي الصغرى عادي مثل دايما واتخنقنا قامت امي بتزعقلي وبتقولي كلام بجرح القلب وانا ضليت ابكي وقالتلي لمي هدومك وروحي عند حماتك وهي عارفة انها ما بطقني انا لبست ثيابي ووقفت على الباب استني ابي اوصلني ابي حاول احل المشكلة وهي تحلف اني لو دخلت البيت هي راح تخرج وبالزور حتى قنعها اني اضل ورجعت على بيتنا والكل عاداني في البيت اخوتي ووالدي ما حد عاد اكلمني سافرنا باجازة الصيف اتمشى لوحدي كاني غريبة ما حد اكلمني ما انادولي بعشا لا بطلعة حتى اذا شفتهم بيستعدو للخروج بستعد انا كمان فاتت علي شهرين الله وحدة عالم بها الشي كنت بتصل بحماتي بقولها جاية لعندك بترد علي بجفاء حاضر لما اروح للبيت ما القيها الكل عاداني اسودت الدنيا بوجهي زوجي قالي انو حرجع نعيش هنيك وانا ماكان بدي اضيع مستقبلو قلت بصبر مرت ايام وابي اتغيرت معاملتو الالي صار بيعملني كويس وارتحت شوي صار بفسحني بعد ما كنت مخنوقة انتو عرفين المراة المتزوجة ما تطلع بدون محرم واتحسنت الاوضاع شوي وامي كنت بمر عليها وما اتكلمني كانو مو موجودة وفي يوم رحت ازور اخت زوجي كانت مراة طيبة كثير وصلني ابوي ولما رجع ياخذني ونحنا بالسيارة قالي ليش ما بتكلمي امك وقعد بصيح علي وقلتلو هي الي بدها هيك مو انا وصرت ابكي وابي اقولي نحنا ما عملنالك حاجة انت سويتي وزعلت امك ولما رجعنا للبيت صارت اتكلما وعادت المياه لمجاريها ومرت الايام حتى بتفاجئ باتصال من زوجي وهو بقولي ليش ما بتروحين الامي وهو بيبكي قلتلي هي الما بدها تستقبلني وقالي روحي عندها بالغصب اقعدي معاها دلليها اعملي كل الي بدها اياه وقالي اني ما خليتك تحترميها وانا السبب وصار اكلمني في الطلاق انو امو احسن مني ومن اهلي وليش اهلي ما بزورونها قلتلو اهلي حرين بس انا كنت بروح وهي ما بدها تشوفني ووعدتو اني اروحلها وكملت المكالمة واحنا نتخانقين وثاني يوم جمعت اغراضي وامي قعدت تصيح ليش هو مو وعدنا انك اضلي معانا ليش انقلب وقلت للامي هاي ام زوجي وهو طلب مني اروح ولازم اطيعو وقامت اتصرخ وقالت نيالها عندها الي دلعها اما نحنا ولدنا من بطونا نفايات وبس وكلام جارح ما بقدر اقولو كلو ورحت لحماتي وما اتصلت بيها رحتلها على غفلت وتفاجات وقعدت معاها 3ايام سويتلها البيت وونستها وهي كانت دايما بتحط الحق علي وعلى اهلي ليش ما بتعزموني وليش ما سويتو هيك وهيك وهيك وانا اسمع واقول حقك علينا نحنا غلطانين وخلصت 3ايام ورجعت لبيتنا ولاحظت معاملة من نوع اخر الكل مطنشني ما احد اكلمني دايما يتذمرون مني وصرت بروح لحماتي كل 3ايام باسبوع واهلي اضايقو كثير زوجي عندو اختين كل وحدة بقولي تعي ضلي معانا يوم وانا صرت اعمل خواطر لذا ولذا بس علاقتي مع اهل زوجي صارت منيحة كثير بس اهلي انقلبو علي اذا عملت شي ليش واذا مديت اي بالبيت مو من حقك واذا اطفلو علي اخوتي ما بيحكو معاهم هما بيتريقو علي وبيضحكو مرضت بالحمى ولا احد جا لعندي وسالني شو فيك دائما بحسسوني اني غريبة عنهم مرة اخي قام اتريق علي والكل قاعد قال زوجها رماها عندنا وراح عمرها محتشوفو انا هالاكلام المني كثير وبكيت دم وكل يوم ببكي وبستنا اللتحق بزوجي بفارغ الصبر مثل ما عملت ما عجبت حاولت انقذ زواجي هاي النتيجة اهلي عادوني انا لحد هلا ما عارفة كيف بدي اراضي الطرفين اذا راضيت اهل زوجي اهلي بيزعلو واذا راضيت اهلي اهل زوجي بيزعلو احترت انا اشتقت لزوجي كثير وبدي اعمل بيتي واطفالي انتو عارفين بعد الحبيب شو بسوي انا ما كفاني هالشي زادت المشاكل الي انا فيها هلا ولا تعبت قولولي اتصرف ازاي وشو اعمل والله احترت :'(