:lol:بما انى بنت وست البنانيت كلها
هههههههههههه
غرور بقه مش موضوعى لازم اتنطط على كيفى
هكلم عن انواع البنات اللى بشوفها واللى هيا تقريبا
فى اصحابى يعنى بشوف شخصيات وانماط مختلفة
بكلم بالنحوى اهو اى خدعة ولعبة
فققدر اقولكو ان كيدهن عظيم والبنات دول مصايب بجد
بس انا مش منهم طبعا
نقول بسم الله ونبتدى
787878788787877878787878
البت المايصة
البت المايصة دى طبعا يعنى موجود منها كتير اوى اوى وى
والله هيا ازاى مش فاهمين ؟اقولكو ازاى
اللى هيا دايما تلاقيها بتدلع فى كلامها مع الولاد
مش لاسمح الله لانها رقيقه
لاء لانها جاية من منطقة شعبيه مثلا وبتدارى نفسها بالكلام والاسلوب الناعم ده
وتلاقيها عمالة تتكلم بالانجلش وهيا مش معاها غير دبلون كهربا مثلا
وتقول معييش كريدت فى الموبايل
وهيا مش عارفه يعنى ايه كريدت
وهو ايه صحيح كريدت
اه صح يعنى رصيد وتلاقيها تقولك معلشى لازم اروح اصلى بابى ومامى هيقطعونى
وتلاقى اساسا ابوها وامها فى السجن
نوع تانى من البنات
اللى بقه كل حياتها الميك اب
سورى يا اصحابى انا مش بتكلم عليكو خالص مالص
سورى يا اصحابى انا مش بتكلم عليكو خالص مالص
تلاقى لو رايحة تشترى علبه جبنة ولا علبة كبريت
لازم تحط البودرة والكحل والاي شادو
عشان تظبط نفسها وبعد كل محاضرة تدخل للحمام تهد اللى فى وشها وتحطو من اول وجديد
عالم فاضية
ده حمام الكليه ده قسما بالله لما بروح مع اصحابى عشان نعدل الطرح مثلا
نلاقى امة لا اله الا الله
فى الحمام
ومشغلين اغانى على الموبايلات ونازلين رقص
اى والله زى مابقولكو كدة واللى بتسرح شعرها
واللى صاحبتها مسكاها بتفليها
واللى بتحط ميك اب
واللى بتغير هدومها يعنى الحمام فى الكليات ده عالم تانى
ودى تلاقيها حريقة فى الكتب
ومتفوتش محاضرة وبتبص لاى ولد فى الجامعه على انو مايص وصايع وبتاع بنات
مع انها بتبص من تحت لتحت
فى الخباثة كدة
وفى نوع كل همها تيمو و ميدو اصحابها
وكل شوية رنات على الموبيلات
وهدايا فى الفلانتين وفيه البنت المعتدلة اللى تلاقى لها اصحاب ولاد فى الجامعه بس ناس محترمة
بيتعاملو بأدب واعتدال
والبنت دى من الصعب انها تكلم اى حد الا بعد ثقه وتاكد من احترامه
البنت اللي مش محترمة بقه اللى بتدايقنى وتفرسنى
اللى ماشية فى الجامعه ولا فى اى حتة تتعرف على اى واحد
وتلاقيها بتتنحنح وهيا بتكلم معاه
وقال ايه بقه معجبة بلون الفانلة بتاعته قصدى التيشيرت
احسن حد يتريق عليا انا مش ناقصة كلامه اللي زى السم
فى بقه البت المسترجلة
ودى بقه منها كتير اوى تلاقيها ضاربة بنطلون الولاد
وبتمشى زيهم وحتى كلامها
اشطة يا مان والحاجات دى ودى الولاد كلهم بيعتبروها اخوهم الكبير
مفيش اى ضرر منها ولو دخلت فى علاقة حب ولا حاجة
يبقا امه داعية عليه فى ساعه مغربيه وتلاقيها بتكلم فى الكورة وعن اوبو تريكة
والنيك نيم بتاعها على الاميل
المعلم حسن شحاتة ولا حاجة
البت الروشة بقي
دى بقي اللى تلاقى حياتها بديهات ومناكير ولينسز وحوارات كدة
افتكر فى مرة وانا ماشية مع بابا خارجين يعنى
ايه ماشية معاه دى قصدى خارجين سوا يعنى
بنشوف حاجات سودا
وانا بابا لازم يعلق على كل حاجة لو معلقش ميبقاش ابويا اللى رباني
واحدة معديه ببنطلون محزق وملزق
وضاربة شعرها
الاقى ابويا يقول ايه
اهى واحدة زى دى تلاقيها سالفه من صحبتها البنطلون
وجايبة البدى من الوكالة او من السوق ب2 جنيه ونص
وشاحتة الجذمة
اسمو صابو يابابا اسكتى يابنت ال00000
سورى يا جماعه دة بابا بيهزر معايا بس
وتلاقيها جايبه صبغه ورنيش من ام جنية ونص
وعاملة فيها بقه البت من جردل ستو
ابويا ده عسل والله
نوع بقي من البنات
اللى بتصاحب الواد ابو عربيه اللى اهله مدلعينه
عشان تتغدا على حسابه
ويحولها رصيد موبينيل لام نبيل
يسيب ليها باقى اى حاجة معاه
يجيب ليها فى عيد ميلادها دبدوب بيصوت
وتلاقيها عاملة فى وشها البدع
وحاطه لينسز قال يعنى البت وصلت للعالمية
وعايزة اقولكو ان اللينسز دلوقتى بقت ارخص حاجة يعنى ب25 جنية
اه والله زى مابقولكم كدة
يعنى كله مركبها دلوقتى
بس انا الحمد لله طبيعى عينى حمرا لوحدها
عووووووووووووووووو
نوع كمان البت اللى تلاقيها مشتركة فى فرق الكشافة وعاملة فيها
المفتش كرومبو
واللى تلاقيها دايما ذات آراء سياسية وهيا متبقاش فاهمة حاجة اهى كلميتن
لقطتهم من اى حد
وفيه بقي البنات الطبيعيه
اللى هيا حياتها عادية
بتلبس زى باقى البنات ولا ضيق ولا واسع لبسها معتدل
انسانة طبيعية كدة مفيش فى حياتها اى تكلف
نوع اخير وده اهم نوع واخدين بالكم
اللى هو زيي كدة
رقة وادب واخلاق وثقافة ورزانة وهدوء
ومش بتعمل شقاوة وعسل كدة تتاكل اكل
ايــــــــــــــه حد عندو مانع
اة بحسب
ده غير طبعا صفات تانية كتيرة حلوة فيا