اسئله عن مسارح يا بحرينيات

م

مــيــار

عروس مشاركة

13-10-2010 | 07:29 PM

السلام عليكم ...
شخباركم خواتي ....
الله يسلمكم ان شاء الله زواجي جريب ... وحجزت كراون بلازا ان شاء الله ....
لكني محتاره من يصمم لي الصاله كامله ... خبركم الصاله وايد طويله ومضلمه وما فيها حياه .. يعني يبي لها شغل عدل ...
انا فكرت اغلف الصاله كامله بالشيفون ... وآبي مسرح ناعم وحديث ... ولون جرئ وزاهي ...
وخاطري احط زوليه بيضه حق ممشى العروسين ...

رحت كذا مكان وكل مكان اسعاره متفاوته مثل :
قرية الأفراح عجبني واااااااايد شغلهم لكن وايد غلى اسعاره الصراحه ... بس تلبيس الصاله ب 2000 دينار ... والكوشه 1500 يعني المجموع 3500 دينار ... احس حرام

الأنصاري هو زين من ناحية السعر لكن الجوده مب الى هناك ... وانا خايفة ما يسوي اللي في بالي ... قال تلبيس الصاله ب 400 دينار والكوشه يعتمد يعني يمكن كامل 1200 دينار

مجيد للأفراح عجبني النظافه في الشغل والسعر بس بعد خايفة للكوشه لاني ما احب شي دفش بس هو قال لي يسوي لي اي شي آبيه ... قالي بيلبس الصاله كامله وبيحط زوليه بيضه للصاله كلها مع الكوشه 1800 دينار تقريبا

نوال فلاورز شغلهم حلو بس خبركم الفلبينين وايد حراميه يزيدون بس كوشه 2500 دينار

رحت محل حلويات في جدعلي ما اعرف اسمه ... الصراحه هاذي ابدعت في الشلخ تقولي بس تلبيس الصاله 10000 دينار وكامل بيكلفني 35000 حشا قيمة بيت ؟؟؟

ساعدوني بنات شاسوي ؟؟؟ انا ميزانتي لتنسيق الصاله حدها 1200 الى 1500 بس ... في أحد يعرف غير اللي ذكرتهم بأسعار ترضي الجميع ؟؟؟؟؟

م

مــيــار

عروس مشاركة

14-10-2010 | 03:22 PM

12 وحده دخلت ولا وحده ردت ؟؟؟ معقوله ؟؟؟
مشكورين خواتي بنات ديرتي ....

ش

شوشو 87

عروس ماسية

14-10-2010 | 03:42 PM

هلا أختي

ترى الأنصاري حلووو شغله لاجوفين المحل امبهدل وحالة حاله بس زين شغله ومرتب

جيكي بعد محل الأيام في جدعلي حلووو شغله ويراعيج بسعر راعي المحل

مجيد حلووو شغله بعد ، جيكي بعد نرين في جدعلي أنصحج فيه بقوه حلوو شغلهم

موفقه :)

ح

حصاصي

عروس ماسية

14-10-2010 | 03:45 PM

روحي المزيونه جنه قالو لي ذاك المرة عندهم واحد يغلف الصاله ب 300 دينار وتقدرين تاخذين التغليف من محل والكوشه من محل ثاني

م

مــيــار

عروس مشاركة

14-10-2010 | 03:57 PM

مشكورين وايد خواتي ... باجرب اروح نرين و المزيونه ان شاء الله
ما ادري سمعتو عن وحدة اسمها مريم تسوي مسارح ... وحده بعد اسمها شريفه ؟؟؟

P

Princss Faatee

عروس متألقة

14-10-2010 | 05:11 PM

اخذي لكوشة من مكان و التغليف من مكان

جوفي ابو قاسم لتأجير المسارح بعد اعتقد في كرانة مكانه يمكن ما ادري

بس مساارحه روووعه

ب

بنت آل بورميح

عروس مبدعة

28-10-2010 | 12:33 PM

كل وحده على حسب ميزانيتها انا رحت حق مصمم محمد الخان :-#بس قالي بسوي كل شي 40ألف دينار انصدمت:hysterical: وطلعت متسبه:confused: :-oومارقدت ليلتها:019:

م

مها البحرين

مشرفة سابقة

28-10-2010 | 12:49 PM

انا رايي من راي حصاصي ..
سوي تغليف الصالة من محل
والكوشة من محل ثاني ..

شوفي دان بالمحرق ..

z

zeee100

عروس ماسية

28-10-2010 | 11:05 PM

عندج دريم هوم في شارع الخدمات روجي جيكي يمكن يعجبج

و بعدين مثل ما قالو البنات سوي التغليف في مكان و المسرح في مكان ثاني عشان تاخذين اللي يعجبج

ا

ام زودي

عروس جديدة

29-10-2010 | 05:40 PM

تحملي تحملي تروحين حق الانصاري
يوم خطوووبتي وترني وتهااااااااوشت ويااه انه وزوجي و ابوي
حتى اللي تشتغل في المكتب وياه كانت شاهده عليه
ومو اول مره يسوي هالحركات
تخيلي سويت خطوبه حق الاهل في البيت
ياب لي المسرح المغرب!!
قبل لا يوصلون المعازييم بشوي
وكنت طالبه منه باقه ومايابها
تهاوشت وياه وهددته تدرين الساعه جم ياب لي الباقه
الساعه 10 ونص في اللييييل
ولا مو الباقه اللي طلبتها
كانت مذويه وشكلها قبيييح

قهرني واايد
ولا قال لي ييبي فلوس الباقه مع اني كنت دافعه له من قبل حق الباقه ورد خذ مره ثانيه

تركيه عنج يعطيج سعر وتالي يوهقج

ب

بنت آل بورميح

عروس مبدعة

31-10-2010 | 09:50 AM

أنا سألت عن التغليف القاعة بيردون علي عن اسعارهم وبخبرج:055: اذا بغيتي تتفقين معاهم :07:
جربتي الجندل ترا بعد شغله حلو بس اسعاره مادري عنها

س

سميته غلاي

عروس نشيطة

31-10-2010 | 07:39 PM

انا سويت كوشتي حق الملجه من الانصاري ..
كلشي كان حلو
ويوو من وقت ورحت جيكت عليهم قبل ماروح الصالون
بس واحنا ياالسين عالكووشه
اقول حق ريلي البنات يوم يو يتصورون وياايي وقعدو عالكرسي وياي
حسيته بينكسر هههههههه