ابي رأيكم ضروري

في شقة ابروحها احسن ، صدق عنده قرض وراتبه قليل بس في شقة ابروحها احسن من تقعد في حجرة

لا اضايق على روحها ، بعدين أولادها وين بتحطهم خله تفكر عدل ، حلوو الزوجة يكون عندها مطبخ خاص فيها

خله تقول تبي شقة مو شرط الحين الشقة تستوي بس على الأقل تضمن روحها من الحين

شي حلو يكون عندها شقة مستقلة،،،بس اخاف هذا يكون فوق طاقة الرجال بالوقت الحالي على الاقل

يعني إذا كانت هي بتشتغل يمكن مع راتبها بيتساعدون

امم شوفي امانه اتشوف اخلاقة ودينه
وماديا يعني اغلب الشباب الحين كذه وهو احسن من غيره
بس يعني تشوف على حسب
_نوع علاقتها مع اهله
_وكيفه هو مع اهله
_يعني في المستقبل ناوي يعيشو بشقة مستقله
_وهي من النوع المسرف والحركات والا ترضى بعيشه حلوه بسيطة
_واذا وافقت هي لازم ماتضغط عليه وتطلب الكثير وتقدر ظروفه عشان مايحسو اثنينهم بالضغط ويعيشو بمشاكل
_وبعدين هل بيتهم زحمه؟ .عنده اخوان كثير ؟كيف حجم الغرفة الي بيسكنها فيها؟
يعني ممكن تاخذ راحتها ؟
في مجال يوسعون الغرفة يسوون شقه صغيره ببيتهم
عشان تاخذ راحتها اكثر؟ ممكن هذا حل حلو لو مايقدرو على الشقه لانها تكسر الظهر

ونصيحتي لو كان ولد خالتها رجال والنعم فيه دين واخلاق وواثقين فيييه ويحبها وعلاقة اهلهم ببعض حلوه
وكل شي لاترده
او يقدرو يصبرون يعني بس خطوبة لين يجهزو كل شي ويرتاحو ماديا بدون ضغط بعدها يتزوجون
تمام كذه
وطبعا الراي لها هي اذا كانت من داخلها مرتاحه ولا متردده
على بركة الله
الله يوفقكم

راتبه ضعيف وحرام تضيق عليه
واكيد هو راح يتسلف عشان يتزوج يعني ما راح يبقى من راتبه شي
مدام هو ولد خالها خلها تستحمل وتعيش وياهم
اظن انتو في السعوديه الزوجه ما تنكشف على اخوان زواجها يعني ما تجلس معاهم
ولا تسولف الا وهي متغشيه صح
يعني راح تاخذ راحتها ( لان راح يكون لها قسم خاص)
واذا في مجال يوسعوا بيتهم خلهم يعدلوا وربي يكتب الي فيه الخير

اذا غرفه فيها حمام اوكي مع الوقت الله بيوسع علييهم يعني مابتمون طول عمرهم في غرفه وحده يمكن احد من اخوانه يطلع من البيت وياخذون مكانه او اذا صار عنده مقدره يحاول يبني لليها ويوسع ليهم

الواحد مايدري وش يصير له مع الايام الله يفرجها

راتبه ما يسمح

وبدل ياخذو شقه اجار يعيشون عد اهله ويحاولون يحسنو من معيشتهم حتى يقدرو يشترو بت ملك

لانه مصاريف اذا طلعت شقه بياخذ دهر لين ما يتمكن يحسنحالتهم وخصوصا راتبه ضعيف

انا اخوي جا وسكن عندنا وزوجته ما تقرب لنا اول طلعو شقه بس اول ما بغو يبنو عرفو انهم ما يقدرو مصاريف الشقه ويبنو وساكنين عندنا وعندهم غرفه هم وعيالهم 2 وحمدلله كلنا مرتاحين ف البيت زوجته واهو واحن

لا تاخذو مبدأ تضغط عليه لانه تريد شقه وما ادريش ترا ف النهايه هي الي بتعاني يعني ف نهايه الشهر ما بيبقى لهم ولا فلس

شوفي اختي اذا كان زوجها يقدر يفتح بيت طبعا من حقها تطلب لاكن اذا ماكان في استطاعته سو يعمل يعني لو هي حاباه خلاص بتتحمل معاه اي شي