حياتي مملـــــه ..

هممم ما أحس ان مشكلتج تعتبر مشكلة فعلية ..
كلنا نعيش ونمر بفترات ملل

يعني شوفي لج أي شي يشغلج ..
- قعدي مع أهلج وقضي الوقت سوالف ..
- طلعي زوري الناس ..
- شوفي شنو هواياتج ومارسيها ونميها ..
- أقري قرآن، كتب، روايات ..

يعني بالمختصر نضمي وقتج ووزعيه على عدة أشياء
بس لا تكررينها كل يوم (حتى ما تحسين بروتين وملل من جديد)

وصح الزواج ممكن يحل لج مشكلة الملل ..
بس بعد بتردين بتحسين بروتين .. تنظيف، طبخ، .... وكل يوم نفس الحال
وغير جذي بتكونين بروحج بالبيت وخصوصاً إذا زوجج دومه مشغول فبتملين أكثر
(يعني خلي الزواج لوقته ولا تاخذين قرارج بسرعة مجرد حل للملل .. لأن الزواج وراه مسؤوليات واايد .. فيوم تحسين انج مستعدة خذي الخطوة)

إنظمي الى نادي صحي إلعبي رياضة ترى ح تشوفي فرق و متعة و جسمك يكون رياضي و روحك تكون نشيطة و فرحة جربي مو غلط

حياتي مثل حياتج بالضبط انه بعد عمري 18 وتوني مخطوبه واول سنه جامعه وارجع بعد ع الساعه 11

واحس حياتي منقلبه فوق تحت ووقتي كلش مخربط ومو منظم حتى ساعات اتم ل3 او 4 الفجر بدون نوم ويوم ثاني جامعه


اما عن سالفه الملل الي عندج اني احس بالملل ع المغرب اكون توني قاعده من النوم حزتها وحدي متملله

اما اذا تبين يروح الملل منج اول ماترجعين نامي وبعديين حزه الي تقعدين قعدي ويا اهلج واذا اذن المغرب صلي وحاولي تطبخيين لخطيبج عشى بعد ماتخلصين تسبحي وتكشخيي وجهزي روحج ونطرييه يجييج

وبجذي بروح الملل منج

اتمنى فدتج



لاني حاسه فييج واحسسج مثلي

والله كلنا كده

ربنا يعنا

ويعينك ياارب

هلا فيش اختي
طيب انتي متملله وتبغين تتزوجين وتنشغلين با الطبخ والتنظيف
طيب انتي فيها ادخلي المطبخ وساعدي امك وفاجئي اهلك بطبخه حلووه ولا سويت رووعه
ادخلي نادي واشغلي فراغك او ادخلي كميوتر او ادرسي لغه تقدري تشغلي فراغك
مارسي هوايه تحبيها اتصلي او زوري معارفك واقاربك وصديقاتك
الحياه مليئه بكل الاشياء الجميله بس دوري عليها غاليتي
وربي يحفظك ويسعدك

ااي لو مافي نت ومدرسه انتحرت من الملل هههه
المهم
سوي خلطات خخ
امم يعني حاولي تطوري من شخصيتش
تفكري بالمستقبل لو تزوجتي ايش بتسوين
تخططي
ماعندش طموح تشتغلين؟
ايش هواياتش؟
اقرأي كتب
تروشي هههه<مجنونه محد يسويها غيرها لما تزهق تتروش
بس وربي خاصه لما تتروشين بماء بارد تحسين بانتعاش
وامم
لو عندكم حديقه في بيتكم ازرعي واهتمي فيها
حاولي تسوين لش جدول
عشان تنظمين وقتش ومايضيع كله سدى بملل
يعني تسوين جدول لخلطات الجسم والشعر اهم شي خخخ
والتغذية
وقت للهوايات
وقد للدراسة
وقت للعبادة
وقراءة القران
وقلت للراحة النفسية للتفكير والتأمل اليوقا وهذي الحركات
اممم يعني تحاولي تتعرفين على شخصية خطيبش تبحثين تتعرفين عليه اكثر بدون مايحس في مواضيع عن انماط الرجال والله تساعد كثير في التفاهم بينكم وربي روعة
تعلمي طبخات جديده وسجليها بدفتر عشان لاتزوجتي
تستغلي من الاشياء الي ترميها وتسوي بها حاجات حلوه اذا تحبي الفنون اليدوية
شوفي اشياء ممكن تبدعين فيها
تثقفي
اشتري سيديهات فيديو برامج تزيدي ثقافتش
فيه كتب حلوه بمكتبة جرير حاولي تتثقفي قبل ماتتزوجين
احم ولو تحبي تتعلمي الرقص
ههه
تمارسين رياضة جري حتى لو بالبيت
تكتبي اذا تحبي الكتابة يعني كذه
حاولي تكوني انسانة نشيطة وحيوية
اهم ششششي لاتزعلين وتصيرين نكديه الرجال مايحبون الي كذه لان بتتكون فكره عنش انش نكديه ومابيحب يتصل
لانه بيتوقع يلقاش زعلانه
في نوع من الرجال
يعبرون بافعالهم
اكثر من اقوالهم
يعني قولي له او رسلي له مسج :ادري حبيبي انك مشغول واني مقدره هذا الشي
لانك قاعد تشتغل وتتعب نفسك عشاننا
الله يعطيك العافيه ويخليك
يعني لو كلمتيه مره حاولي تقولي كلام مختصر وتشكريه
وبتشوفينه مع الايام يكلمش

والسلاام الله يوفقكم ويجمعكم على خير

اممم
زين وانتي ب جامعه ما تعرفتي على بنات؟؟
بعدين دوامك مل دلع لساعه 11 احن اول سنه كنا ل 4 ونص العصر لين ننام ف الكلاس:019:

مهم قضي شوي وقت بعد الدراسه تسولفي مع صحباتك يعني لين وقت الغدا تقدرو تتغدو مع بعض لا طوفي هذي الايام ترا احلا ايام ايام الجامعه بتتذكري اكشن الي كنتي تسويها بعد ما تتخرجي ومن ترجعين البيت ارتاحي نامي شوي الظهر بتحسي بشوية نشاط العصر وهذا لوقت قضي قرأي شوي قرأن بعد صلاة العصر وجلسي مع اهلك سوالف ضحك ساعدي امك بشغل البيت والوقت يركض بيوصل العشى تعشي وراجعي دروس وشوفي تلفزيون او اي شي

يعني هذي رسمتلك جدول يومي وش تبغي بعد تدللي

اذا انتي حطيتي ف راسك اف ملل صدقيني حتى لو يودوك السوق كل يوم بعد بتقولي ملل بس انتي حاولي تفرحي نفسك بوجودك بلبيت

نفس كلام ضيعني هجرك

تسلمووون حبيباتي انشالله بحاول ابعد الملل عني باللي قلتوه..
و بشوف النتيجة

اختى الصغيرة

وقت الفراغ هذا نعمه من نعم الله عليك فاغتنميها لانك بعد ذلك لن تجدى ثانيه فراغ لنفسك

ضعى جدول لحفظ القران ....الاحاديث النبويه ...الكتب الدعويه
وصدقينى بعد الزواج والاولاد لن تجدى الوقت الكافى لذلك وقد يكزن ما تفعليه الان ةو مخزونك لسنوات قادمه فانا متزوجه ولدى طفلين واندم على كل الوقت الذى ضيعته قبل زواجى فحتى الفروض الان تصلى على عجل من صراخ الاطفال ... ربنا يوفقك

AYUN ZAIN;13381305:
هلا فيش اختي
طيب انتي متملله وتبغين تتزوجين وتنشغلين با الطبخ والتنظيف
طيب انتي فيها ادخلي المطبخ وساعدي امك وفاجئي اهلك بطبخه حلووه ولا سويت رووعه
ادخلي نادي واشغلي فراغك او ادخلي كميوتر او ادرسي لغه تقدري تشغلي فراغك
مارسي هوايه تحبيها اتصلي او زوري معارفك واقاربك وصديقاتك
الحياه مليئه بكل الاشياء الجميله بس دوري عليها غاليتي
وربي يحفظك ويسعدك

:thumbs_up::thumbs_up::thumbs_up::thumbs_up:

موفقة