السلام عليكم
محتارة في امري كثير ومحتاجة تنصحوني ...
انا متزوجة والوسطى بين اخوات ثنتين متزوجات بعد وعندي خمس اخوان (3 اولاد و2 بنات ) للحين يدرسون الله يخليهم
المشكلة ان امي اذا بتسافر تخليني اجلس مع اخواني وطبعا كان هالشي من قبل لا اتزوج بس الحين تزوجت بس للحين تخليني اجلس معاهم واحيانا زوجي يتضايق وخصوصا في الاونه الاخيرة .. وخصوصا ان امي ما تأمن احد على اخواني غيري وهم يرتاحون لي بعد بس المسؤولية صارت مسؤوليتين عندي واحترت بين بيتي وزوجي وبيت اهلي وامي دايما تقول يا انا والا انتي نسافر ما يصير نسافر جميع ونترك البيت وانا كم مرة اهون عن السفر عشان امي الله يخليها واقول اخواني محد لهم وخواتي المتزوجات يمرون يوم واحد زيارة بس و لا يحسون فيني ويقولون اني متزوجة وحالي حالهم
الشي الثاني انها معتمدة علي في بعض مشاوريها مثل التسوق حفلات الزواج وزوجي ايضا صار يتضايق
وانا احترت بيت زوجي اللي صار يتضايق وبين امي وواجبها علي ..
وايضا اهل زوجي من يمرضون يطلبون مني احجز لهم مواعيد في المستشفيات واروح معاهم ومرات السوق ..
والله تعبت احس مرات اني آله بين بيت اهلي وبيت اهل زوجي وبين زوجي وما حس اني عندي وقت لنفسي
الوقت اللي يبقى يكون مزاجي متعكر وتعبانه بمعنى اني عايشه عشان اخدم غيري مو مثل خواتي اللي يجون مرة في الاسبوع زيارة ويطلعون وانا تقريبا 3 مرات في الاسبوع واذا احتاجوني اتصلوا واروح لهم ..
احتاج نصيحتكم للعلم انا متزوجة من اربع سنوات بس للحين الله ما رزقني بالذرية الصالحة وما اشتغل ولا ادرس واخواتي وحدة عندها عيال والثانية تدرس ..
مادري اللي اسويه مع امي صح او غلط ومع اهله ؟؟
محتارة واحتاج تنصحوني ؟؟!
a
12-10-2010 | 07:05 AM
S
13-10-2010 | 10:59 PM
السلام عليكم ورحمة الله وبركاته
اختي العزيزه
لاتهلكين نفسج مع الناس مهما كانوا حتى لو كانت امج واهل زوجج
كل شي له حدود يالغاليه
انتي توج في بداية حياتج
ان شاءالله بعدين يصير عندج عيال وعندج ... مسؤوليه اذا طلعتي كل طاقتج الحين ... شنو تخلين حق بعدين
شوفي يالغاليه كلمه تستحين منها بديها
امج مو ضروري تسافر ... عيالها اولى فيها
اهي لان مالقت منج رد او صد ولا مره علشان جذي خذت راحتها ربي يخليها لج ان شاءالله ويطول بعمرها يارب
بس قولي لها يما اسمحي لي والله ما اقدر مشغوله هاليومين .. ولا تقولين لها ريلي يزعل او يتضايق اخاف تشيل عليه او تكرهه
قولي لها يما اسمحي لي مو ضروري هالمره تسافرين عيالج اهم من السفر مو ضروري
وانا ما اقدر عندي دوام ودوره صبح وعصر مثلا ... علشان تشيلين نفسج من المسؤوليه
واذا عندهم مناسبة عرس حفله استقبال مو كل مره تروحين مره ومره
حتى زوجج قولي له هالناس والله ماقصروا بعرسي احضروا ووجبوني لازم اوجب لهم وارد لهم في مناسباتهم
يعني حسسي انها مسؤليه بس مو كل مره تحضرين مو ضروري
وخواتج صح اللي يسووونه بيتهم وعيالهم مسؤوليه عندهم وانتي بعد سوي جذي اوكي روحي حق امج 3 مرات بالاسبوع بس مو على حساب نفسيتج وضغط عليج متى ماشفتي هالشي يسمح
يمكن هالاسبوع فاضيه ومرتاحه لو اروح 5 ايام بالاسبوع مو مشكله
والاسبوع الياي لا والله مضغوطه اروح مره او مرتين على حسب ظروفج
وبخصوص اهل زوجج .. اذا سألوج او قالوا لج سوي لنا او حجزي لنا
وانتي مضغوووطه قولي اسمحولي ماعرف .. ما ادل ... ما اقدر مشغوووله
والله يسهل امورج ويرزقج ربي بالذريه الصالحه اللهم امين
دمتم سالمين
اختكم شريفه
اختي العزيزه
لاتهلكين نفسج مع الناس مهما كانوا حتى لو كانت امج واهل زوجج
كل شي له حدود يالغاليه
انتي توج في بداية حياتج
ان شاءالله بعدين يصير عندج عيال وعندج ... مسؤوليه اذا طلعتي كل طاقتج الحين ... شنو تخلين حق بعدين
شوفي يالغاليه كلمه تستحين منها بديها
امج مو ضروري تسافر ... عيالها اولى فيها
اهي لان مالقت منج رد او صد ولا مره علشان جذي خذت راحتها ربي يخليها لج ان شاءالله ويطول بعمرها يارب
بس قولي لها يما اسمحي لي والله ما اقدر مشغوله هاليومين .. ولا تقولين لها ريلي يزعل او يتضايق اخاف تشيل عليه او تكرهه
قولي لها يما اسمحي لي مو ضروري هالمره تسافرين عيالج اهم من السفر مو ضروري
وانا ما اقدر عندي دوام ودوره صبح وعصر مثلا ... علشان تشيلين نفسج من المسؤوليه
واذا عندهم مناسبة عرس حفله استقبال مو كل مره تروحين مره ومره
حتى زوجج قولي له هالناس والله ماقصروا بعرسي احضروا ووجبوني لازم اوجب لهم وارد لهم في مناسباتهم
يعني حسسي انها مسؤليه بس مو كل مره تحضرين مو ضروري
وخواتج صح اللي يسووونه بيتهم وعيالهم مسؤوليه عندهم وانتي بعد سوي جذي اوكي روحي حق امج 3 مرات بالاسبوع بس مو على حساب نفسيتج وضغط عليج متى ماشفتي هالشي يسمح
يمكن هالاسبوع فاضيه ومرتاحه لو اروح 5 ايام بالاسبوع مو مشكله
والاسبوع الياي لا والله مضغوطه اروح مره او مرتين على حسب ظروفج
وبخصوص اهل زوجج .. اذا سألوج او قالوا لج سوي لنا او حجزي لنا
وانتي مضغوووطه قولي اسمحولي ماعرف .. ما ادل ... ما اقدر مشغوووله
والله يسهل امورج ويرزقج ربي بالذريه الصالحه اللهم امين
دمتم سالمين
اختكم شريفه
a
13-10-2010 | 11:40 PM
تسلمين والله على الرد بس مشكلتي ما اعرف ارفض طلب للي اعزهم ابد ما اعررررف صعبه اقول لا وخصوصا امي اقول انها تعبت علي وربتني والحين لما كبرت وتزوجت اشوف نفسي واتخلى عنها ولازم انا اعوضها وصار الشي على حسابي وسبب لي ضغوطات بس اقول الحمدلله مدام انها راضيه علي وبالنسبة لاهل زوجي يكسرون خاطري لان مافي بديل لهم غيري يعني لو اخليهم ما يعرفون يتصروفون وهذه المشكلة .. وبعدين زوجي راح يلاحظ اني اهتم بطلبات اهلي واهله لا وراح يتضايق ووانا احاول اساعد الطرفين لما وصلت لحاله اني ما اقدر اساعد نفسي ..