خطبتي ، و صديقتي ! - حل رجاءً -

السلام عليكم ،،

يمكن ما ألاقي إقبال على الموضوع من قبل الاعضاء، لاني جديده هني ..

بس من قلب، ما جا عبالي مكان اطرح فيه الموضوع غير عروس ،،

،،

بختصر بـ ذكر الاشياء المهمه ..

،،

عندي صاحبه، اهي اقرب وحده مني من لما كنا بالثانوية .. السنة هذي نكمل 7 سنوات مع بعض ..

كنا على طول مع بعض، بالحلوة و المرة .. كل وحده تداري الثانيه ومالنا غنى عن بعض ..

،

هالسنة هذي، انخطبت انا .. من شهر 2

اللي صار ان البنية انقلبت، وصارت توجه لي كلام و غيره
بالمختصر، علاقتنا ما عادت مثل قبل .. اللي يشوفنا ما يقول بيوم كنا حبايب ..

شي طبيعي اني بدايتن اول ما انخطب، بـ انشغل شوي بـ تأسيس حياتي صح و ابنيها على اشياء صح وكل هذا بياخذ مني وقت .. لـ الامانة اني ما قطعتها بس انشغلت عنها شوي .. و كنت اعرف انها فترة و بتعدي .. على ما تثبت حياتي راح ارجع مثل قبل و اكثر اكيد ..

اسالها ليش ما تتصلين فيني على الاقل ؟ تقول مابي انحط بمواقف وماعرف متى اتصل
اوكي عطيتها اللون الاخضر و خبرتها ان عادي بأي وقت ومافي ولا شي تغير من هالناحيه .. وانا عني فهمت خطيبي انها صاحبتي و اقرب وحده و غيره ..

المهم لين اليوم ، والاوضاع X ..

بالمختصر، تهيني و تهزئني وما تحترمني، وكلما جيت اكلمها تصارخ و تزف !
اعرف انها محتاجه اكون وياها، بس تهيني ؟ تغلط ؟ و تمسح فيني الارض واصير طوفة تمسح فيني ؟

بالمختصر، انها على كل التهزيئات اللي حصلتها منها، و الصراخ و الزف و عدم الاحترام وكل الكلام الا وجهته لي من ناكرة معروف، انانية، ما اقدر الناس، ما احترم الناس، اهين الناس ... الخ!

ابي حل، شـ اسوي ؟

في حال اني استخدمت كذا حل ، خذيتها بنفس هاديه ما نفع / خذيتها بعصبيه ما نفع / حقرتها و قطعتها شوي ما نفع .. كلمتها و حاولنا نبدي من الاول اكثر من 3 مرات وماشي ينفع .. وللعلم اني ما ابي اقطع علاقتي فيها ..

+ للعلم بس، انها تتهمني في كل حال وصلت فيه، سواء كان بيني وبينها او بينها وبين نفسها او مع الناس .. باعتبار اني حطمتها، جرحتها، نكرتها، حسستها بكره لنفسها، وما عديتها اخت !!! ( في اعتقادها )

ما انكر ان في احتمال كبير جدا، اني اكون غلطانة، وما انكر اني ما عرفت اتصرف وشلون اتعامل مع الموضوع


ما اطول عليكم ،، بس بليـــز أبي احل