ساعدوني بليز..زوجي خاين

هلا اختي
احسش تسرعتين وحكمتين بسرعة على زوجج بالخيانة لمجرد ان الرقم طلع رقم بنت..
تفاهمي مع زوجج بهدوء خصوصا انج حامل وقريبة ولادتج..والله يبعد عنكم المشاكل

شفتيه مخزن الرقم عنده ؟ والا كان رقم بدون اسم ؟؟

شفتي في اكثر من مكالمه صادره ووارده من هالرقم ؟ شفتي مسجات مثلا ؟!

لازم في مليون شيء تفكرين فيه وتتأكدين قبل ماتحكمين ان زوجج خاينج لمجرد ان بنت ردت على التلفون

الله يعينج ويوفقج

-

عزيزتي
انتبهي الا تكلمينها ترى والله ينقلب الموضوع ضدك وتنزلين نفسك لوحده ماهي من مستواك راح تروح تبكي وتصيح عند زوجك وراح يتعلق فيها اكثر انتبهي تكلمينها اتركيها هذا اذا فعلا تاكدتي ان زوجك يخونك
ماتدرين وش السالفة اتاكدي اول
الله يفرج كربتك عنك وانشالله يطلع الموضوع غلط
الله يفرجها عليك ياررررررررررررررررررررررررررررررررررررررررررررررررررررررررررب
ادعي عزيزتي مافيه اقوى من الدعاء

تمنيت;13359394:
شفتيه مخزن الرقم عنده ؟ والا كان رقم بدون اسم ؟؟


شفتي في اكثر من مكالمه صادره ووارده من هالرقم ؟ شفتي مسجات مثلا ؟!

لازم في مليون شيء تفكرين فيه وتتأكدين قبل ماتحكمين ان زوجج خاينج لمجرد ان بنت ردت على التلفون

الله يعينج ويوفقج


-

انا بعد اسألك مثل اختي :thumbs_up::thumbs_up::thumbs_up::thumbs_up:
لازم تفصلين اكثر^o)
الخااااينه مو بهسهوله حلها هاذي القصه وراهااا............الله يستر
لذلك تريثي واكتشفي زوجك اكثرررر:thumbs_up::thumbs_up: لعل وعسى تكوني ظلمتيه وياريت انك ظلمتيه اهوون 100 مره من هالقصه:(:(
موفقه غاليتي واتمنى لكي ولاده ميسره بأذن الله:L::L:

بس انتي مو متأكده من السالفه

يمكن اهو ولا هي اتصلو بغلط ليش تسرعتي بسرعه لمجرد انها بنت الي ردت

ويمكن هذا رقم زوجها واهي ردت عليه ليش ما فكرتي ف هذا يمكن زوجك يعرف زوجها واهي ردت عليه

اول تاكدي قبل لا تثبتي التهمه على زوجك

واذا تاكدتي فعلا في شي بينهم لا تكلميها البنت ابدا لا تنزلين مستواك لوحده تكلم ازواج غيرها خلي الموضوع بينك وبين زوجك اذا دخلتيها هذا بيعطي زوج دافع اكثر يتواصل معها يمكن اذا تفاهمتي معه بيقطع علاقته معها دون مقدمات بس في رجال ما يحبون يثبتو زوجاتهم يتحكمون فيهم

الله يصلح بينكم وتولدين ب السلامه ان شاء الل

مشكورين خواتي على الرد
انا بحكم وضعي مع زوجي أني بحرينيه وزوجي اماراتي من تزوجت حملت فأجلت عيشتي معاه لي بعد الولاده وظليت في بيت أهلي وهو كل اسبوع او اسبوعين ايي على حسب ظروفه وبعد ما خلصت النفاس وقررت اروح واستقر معاه الله كتب انه يحملني مره ثانيه ونفسيتي تعبت لأني عايشه بعيد عنه وظليت بعد عند أهلي..
فعشان جذي أنا اشك لأني عايشه بعيد عنه وهالرقم مو متذكره بالضبط ليش شكيت فيه وخزنته يمكن لأني شفت مكالمات مستلمه في وقت متأخر من الليل ونسيت اتصل واتأكد في نفس الوقت بس امس شفت الرقم واتصلت وسمعت صوت بنت صغيره وقلبي يعورني يعني من بتكون هالبنت!!
اول شي فكرت قلت يمكن زوجة صديقه وردت على المكالمه سكرته وبعد فتره اتصلت بعد هي اللي ردت يعني الرقم رقمها
واللي قاهرني ان زوجي بعيد وانه افكاري راحت بعيد والنفسيه دمار من الولاده ومن التفكير في هالبنت وتفكيري اني بتم فترة نفاس وهو بعيد والله اعلم شنو يسوي في غيابي
مابي اخلي الموضوع يعدي وانسى السالفه وبعدين بتم اشك واشك من غير فايده

الله يخليكم فكروا لي في حل

حبيبتي ليش ما ترجعين بيتك وتكونين مع زوجك
وترجعين بس بالنفاس لبيت اهلك

يمكن هذا رقم وحدة من الشغل هو اتصل او هي اتصلت فيه عشان استفسار او اي شي

يعني انتي لو ماشفتي منها مسجات او اتصالات متكررة لا تحكمين انه خاين

من ترجعين لبيتك انتي خلي بالك منه وشوفي حركاته واتصلاته لو شفتي شي غلط اتفاهمي معاه

لوتشي;13359499:
بس انتي مو متأكده من السالفه

يمكن اهو ولا هي اتصلو بغلط ليش تسرعتي بسرعه لمجرد انها بنت الي ردت

ويمكن هذا رقم زوجها واهي ردت عليه ليش ما فكرتي ف هذا يمكن زوجك يعرف زوجها واهي ردت عليه

اول تاكدي قبل لا تثبتي التهمه على زوجك

واذا تاكدتي فعلا في شي بينهم لا تكلميها البنت ابدا لا تنزلين مستواك لوحده تكلم ازواج غيرها خلي الموضوع بينك وبين زوجك اذا دخلتيها هذا بيعطي زوج دافع اكثر يتواصل معها يمكن اذا تفاهمتي معه بيقطع علاقته معها دون مقدمات بس في رجال ما يحبون يثبتو زوجاتهم يتحكمون فيهم

الله يصلح بينكم وتولدين ب السلامه ان شاء الل

:thumbs_up: كلامها صح

يعني تخيلي هذا الرقم رقم واحد من اصدقاء زوجج والي ردت زوجته؟؟ ولو انتي تكلمتي اهي بعد بتشك في زوجها صح؟؟ رقم غريب وبنت

يعني بتسببين مشكله ثانيه

انتي لاتفكرين بشي الحين وولدي بالسلامه وبعدها تاكدي اكثر وتلكمي معاه بالموضوع

الله يقومج بالسلامه انشالله

شي طبيعي يخونك هذا اذا خانك جالسة عند اهلك وفترة طويله بالحمل الاول والحمل الثاني اكيييييد سببتي له فراغ واعطيتي له مجال للخيانة ..
ونصيحة مني ارجعي لبيتك ولاتتركي زوجك مهما كانت الظروف وعوضيه على الايام اللي راحت بدونك وانسي سالفه البنت ورقمها نهائيا وابدي صفحة جديدة ..

هوت كابتشينو;13359656:
شي طبيعي يخونك هذا اذا خانك جالسة عند اهلك وفترة طويله بالحمل الاول والحمل الثاني اكيييييد سببتي له فراغ واعطيتي له مجال للخيانة ..
ونصيحة مني ارجعي لبيتك ولاتتركي زوجك مهما كانت الظروف وعوضيه على الايام اللي راحت بدونك وانسي سالفه البنت ورقمها نهائيا وابدي صفحة جديدة ..

واوفقها نفس الرأي

وهذيك الساعه شفتي الرجال مو هذاك الرجال لكل حادث حديث بس نصيحه اولدي بيتك وخليه يحس بالمسئوليه لو يوم واحد ويقدر تعبك
الله يهونها عليك يارب حاسه فيك وربي بدون ماتتكلمين ياقلبي:L::L::L:

شنو تتوقعين من زوج محروم من زوجته وحلاله وحقوقه الشرعية فترة طوويلة جداً
أرجعي بيتج ربي يستر علينا وعليج إن شاء الله
وفي النفاس أطلبي من أمج تجي لج وتجلس معاج

فديتكم حبايبي والله ما قصرتوا بردودكم وجودكم معاي يريحني
بس لا تفهموني غلط وتفكرون اني انا اللي تاركه زوجي ومخليته بروحه هو من حملت قال لي انا اخاف عليج لو صار فيج اي شي احسن خلج عند اهلج واتابعين مع الدكتوره اللي ترتاحين لها وبعد الولاده تعالي وعلى فكره بنات انا اشتغل وما قدمت استقالتي من الشغل وقلت بعد الولاده بقدم الاستقاله وبروح اعيش معاه بس الله كتب اني احمل على طول بعد النفاس وانا بصراحه ما كنت متهيأه للحمل خصوصا اني ولدت بعمليه وما ارتحت بعدها بس هو ما حس فيني وفي تعبي كله لأنه بعيد عني واللي بتقول من حقه يخون لأني بعيده ومحروم من حقه الشرعي لا تظلموني ترى ما بستحي وبقول لكم ان هو اللي حارمني من حقي الشرعي لدرجة اني قلت له بشتكي عليك لأن اللي تسويه حرام انك اتيي يومين كل اسبوعين او ثلاثه حسب ظروفك وتنام وانت ماعطني ظهرك بحجه تعب الشغل وعلى فكره انا واعوذ بالله من كلمة أنا تراني حلوه وجسمي حلو مهتمه بنفسي وشكلي وكل كل شي مو ناقصني شي الحمدلله عشان جذي قلبي معورني كفاية اني صابره على تقصيره فيني بعد يخون وايد كبيره في حقي

حبيبتي شي عادي تشعري هيك بس و خاصة انت الحين في فترة هرمونات جسمك كلها متلخبطة و حساسة جدا. إذا تحبين طرشيلي رقمها وأنا بعرفلك مين هي حتى ترتاحي.. انت اهتمي بصحتك و خلي إيمانك بالله كبير و زوجك إنشالله ما بيخونك

اختي ليش قاعده عند اهلج ما حد سواها غيرج كلن حمل وقعدة في بيت ازواجهم واذا قربت الولاده راحو لاهلهم ..

عيل لا تلومينه اذا صار شي ..

الله يهون عليج .. ولاتقولين له شي ولا تسوين شي بس ديري بالج وعلى قولتهم راقبي تصرفاته ..

واذا طاح الجوال في يدج مره ثانيه شوفي المسجات او سجل المكالمات .. ولا تظلمينه من اول الطريق ..