\\ تبخير وتعطير الملابس في الشنطة \\
طبعاً حبيباتي من واقع تجربتي مع خواتي لمن عرسن وإن شاءلله بما أن عرسي عالأبواب ((دعواتكم )) حبيت أنزل لكم هالتقرير وأتمنى من قلبي يساعد كل العرايس الحلوات ،،،:o
بسم الله نبدأ ،،،
أولا: كيفية ترتيب وتعطير الملابس قبل إدخالها الشنطة .:thumbs_up:
أول شئ لمن تاخذي اي لبسة اقري الكوشن اللي مكتوب، هل هذي اللبسة لونها يطير بالغسيل- هل تنكمش- هل القماش يتغير- هل تغسل بالطريقة العادية ولا بخار بس وغيرها:struggle:
بعدين جيبي التوبات والبودي، وتكوني حاطة ماء بالغسالة وفيه كوب داوني بالريحة اللي تحبيها، راوشيهم عالخفيف بيدك فقط مايحتاج تدوري عليهم الغسالة لإنهم جداد وماملبوسين وبعدين علقيهم عالنشافة بس إحرصي إنه يتجففوا عالسريع وبسرعه تدخلينهم لا تخلي الشمس تضربهم كثير
ونفس الشئ اعملي مع ملابس النوم والداخلية والمخور وغيرهم.
بعدين ابدي اكويهم واذا كانت عندك مكواه البخار اللي يستخدموها في المحلات بعد خير وبركة ، من تخلصي حطيهم عالمبخرة وبخريهم بالعود وأي نوع ثاني من البخور، وخليهم مكانهم ، وكل يوم تمي بخريهم لين ماتحسي انهم اكتفوا
جهزي الشنطة وكل لبسة قبل لا تحطيها رشيها بعطر فرنسي مو شرط يكون غالي فيه انواع مقلدة بس تنفع وتكون ريحتها حلوة وثابتة شوي، ورتبيها في الشنطة لين ما تخلصي كل ملابسك
أخر شئ فوق الملابس افرشي المنشفة الكبيرة بتاعك بعد ماتكوني مبخرتنها ومعطرتنها لإن قماش المنشفة ثقيل وبيحفظ ريحة الملابس اللي تحت
وبكذا تكون شنطتك جاهرة ،،،
ثانياً: كيفية الإستحمام في يوم العرس::adore:
يفضل أن يكون بحوزتك جل استحمام ولوشن والعطر من نفس الماركة مثل شانيل- لاكوست-بولجاري أو غيره
تاخذي دوش دافي وتستخدمي الجل وطبعاً شعرك تغسلية بشامبو يفضل تكون ريحته حلوة وثابته مثل "جارنية" مع حمام الزيت
بعدين لفي عليكي الفوطة بس ها لا تنشفي جسمك من الماء بالكامل أهم شئ الرطوبة موجودة ، وتكوني مجهزة المبخرة قبل
تحطي أفضل أنواع العود وتتبخري لمدة طويلة لين يختفي العود وبعدك لافه الفوطة عليك
من تحسي الجسم امتص الريحة ونشف ، إبدي دهني جسمك باللوشن المعطر، من تخلصي نشفي شعرك عالخفيف بــــس وحطي مخمرية عبدالصمد الملكية بين راحة يدك وامسجي شعرك وخلي العطر يتخلل شعرك من الداخل وعلى طول لفية بالمشبك
ولبسي ملابسك، من تروحي الصالون وبعد ماتخلصي مستشورة شعرك رجعي مرة حطي المخمرية عشان تثبت الريحة
وقبل لا تلبسي الفستان تدهني بالعود وعطري جسمك بالعطر الفرنسي ورجعي حطي عود والعطر على فستانك من تلبسية
وبكذا تكوني جاهزة ،،،
ولا تنسوني من التقييم السنع ،، ويارب تكون كل ايامكم عطرة وحلوة وفريش لوول:L:F: