اسم بنتك او ابنك...من؟ ليه؟ هل؟
نواعم البحرين
10-10-2010
25 رد
3,561 مشاهدة
السلام عليكم ورحمة الله وبركاته
اليوم حابة اطرح موضوع الصراحة مب عارفة اذا انطرح من قبل او لا
والي جابه على بالي سالفه كنت اناقشها مع زوجي عن اسمي واسم اختي واشلون اني كنت متعقده من اسمي وانا صغيرة ولمن كبرت تقبلته بس مازلت ما ابي عيالي يسمون على اسمي
واشلون ان اختي تستحى :o:-#احد يسألها عن اسمها واهيا ماشاء الله بالجامعة الحين ومتزوجة وهم اهيا تقوم ما ابي عيالي يسمون على اسمي
المهم موضوعي اليوم عن الاسماء .... اسماء عيالكم من اختارها وشنهو سبب الاختيار وهل عيالكم متقبلين هالاسم او مب عاجبهم
(لاني اذكر اني كنت احتج على اسمي من وانا صغيرة)
واذا كان مب اختياركم انتوا تقبلتوه او لا
ياريت الكل يشارك
مشكوره اختي على طرح الموضوع الحلو لاني اني نفس حالش كنت واني صغيره
ماكنت احب اسمي كلش مع انه مومكرر ولاني كلش مااسمع وحده اسمها مثلي فكنت اكرهه زياده وامي اتحببني فيه واتقول لي انه مميز وحلو والكل يسمعه ينعجب فيه بس طبعا بعد مايستغربون منه لانه اول مره يسمعونه ..
الي سماني ابوي وكان اسمي مو نتيجة شي معين بس هو صار في محله لانه يوم حامل امي طايحه فيني على بطنها وهي في الثامن وماخبرت احد من الخوف
ويوم الولاده كانت معجزه لاني كنت متكوره رجايلي لاصقه في راسي وامخفسين يعني محد يقدر يشوفني بهالحاله بس الحمد لله امي الله يطول في عمرها ماخلت المستشفى يسووني اي عمليه وحاولت انها تهتم فيني لين طلعوني من المستشفى واني مافيني ولاااااااااااااااااشي مثل المعجزه الف حمد وشكر لك يارب فالاسم كان في محله ومع الايام والكبر والدراسه حبيته اكثر واكثر وحسيت اني مميزه صج ...
انا بنتى اسمها رانسى وجوزى اللى اختاره ومعناه اسم غزال ولما تكبر ان شاء الله هعرف عاجبها ولا لا ولا مش عاجبها مش مشكله بقى ههههههههههههههه هنعمل ايه
يسلموو على طرح الموضوع اختي
بالنسبة لي أحب اسمي ولي سماني اتفاق بين امي وابوي .. اسمي مكرر ومعرووف ومن جذي كان عادي عندي الاسم
يعني .. ماكرهته أبدا
وبالنسبة لعيالي طبعا علووي سميناه لانه كان زواجنا فيه مناسبة وزوجي نذر انه اول مولود اذا كان صبي يسميه علي
وميمي .. اتفاق بيني وبين ابوها كنا خالين اسمين ( نور وملاك ) ولما ولدت سجله بسم ملاك
والجسمي .. على اسم الجد الكبير
واحنا اللي سميناهم .. ومحد اختار لنا اسم
وللحين صغنونين اذا كبروو بشوفهم اذا يحبون اساميهم او لا هههههههه
وانشالله يعجبهم
حلو الموضوع اختي نواعم ... يعطيج العافية.... تم التقييم
انه ولدي سميتة محمد ...
يوم حامل فية كان على بالي هالاسامي
عبد الله ,,,, عمار.. ايمن ... اسامة ... فراس
لكن جده اللله يرحمة ان شاء الله قال لنا سمووة محمد .. وسمينااااة .... وما اتوقع ما يعجبة ... لانة الاسم حلووو ...
&
㋡ام عبودي وعموري㋡
عروس ماسية
10-10-2010 | 12:09 PM
انا من زماااااان كان عجبني اسم (عبدالله)
وكلت من اتزوج والله يرزقني بولد بسمى عبدالله
والحمد الله الله رزقني بولد وسميته عبد الله وزوجي بعد عااجبه هذا الاسم كثير
لئن اسم ابوة عبد الله واكيد ولدي من يكبر راااح يعجبه هذا الاسم ان شاء الله.
وتسلمين حبيبتي موضوووعك كثير حلووو..
حلو الموضوع حق الهرار عجبنى عن نفسى ما كنت في البداية مقتنعة سمانى خالي على اسم المنطقة اللى انولدت فيها . بس اولادى طبعا جسوم كنية ابوه بوجاسم , ويوسف على اسم الوالد الله يرحمة والصغير هذا سالفة بروحه ( متفقة ويا زوجى على اسم ناصر وسوينا الشهادة بس بعدين غير رايه وقال الاسم مو حلو وسماه علي على اسم ابوه الله يحفظه والحين ولدى الكل يناديه ناصر بس فى الجواز علي . وسلامتكم
موضوع مميز ......... انا طبعا كان اختيار اسمي على ابوي بس عاجبني وبدون مناسبة واتسميت لان الاسم يناسب تسمية اختي الكبيرة الي اكبر مني ...
وولدي كان في بالي اسماء غير اسمه لكن قبل لا اولد اتفقنا ان انسميه علي لان يناسب اسم ابوه ...والحمدلله اكيد بيعجبه لان اسمه عادي
اني اسمي عاجبني مع انه اللحين قليل اذا اشوف احد نفس اسمي يعني يمكن صار مال اول ..
اما بناتي ملاك متفق بين يوبين ابوها .اما حوراء كنا حاطين يا مريم او رقيه ..لكن لما رحت للولاده خيرني بي (زهراء .زينب .حوراء.فاطمة ) فقلت حوراء لانه ما عندهم بعائلتهم ..فما يكون مكرر لكن في عائلتنا هي ال3 والحمد لله ..
ما اعتقد انهم ما راح يحبون اسمائهم
جبتينها ..
محد اسمه مثل اسمي ..
ولليوم ولباجر اتهاوش على هالاسم :mad:
وكل يوم اقول بغيره لكن الناسات يقولون ليي خلاص تزوجتي وصرتي ام يعني ينادونج ام الساده خلاص ..
بس خاطري اسمي روحي زهراء لأن من المقرر اتسمى بهالاسم وامي كان خاطرها في زهراء:(
حتى ضليت اسبوع بدون اسم :'( وبعدين سموني اسم لازم اللي يسمعه يحقق وياي
يعني شنو اسمج؟
من سماج؟
وليش ؟
و و و ؟؟
ناس تعجبها وناس تجامل .. وأولادي ماراح اسميهم اسماء غريبه ابدا لاني متعقده:thumbs_down:
عفر قلت قصة حياتي :worn_out:
موضوع رائع صراحه
اني اسمي مها وجدا احب اسمي مااعرف احس فيه رقه ونعومه اما بالنسبه للاطفال مااعرف اني الان حامل 3 اشهر وهذا اول حمل الي لاني متزوجه حديث بس خاله ببالي اذا ولد راح اسميه يزن واذا بنت راح اسميهه سالي واتوقع راح تعجبهم الاسماء
س
سندريلا الكون
عروس ركن التربية و الطفل
11-10-2010 | 01:10 AM
موضوعك روعه
انا اسمي عاجبني لانه للحين يسمون عليه<<يعني من كبري
اما درر ماكان في بالي ولابال ابوها ابدا بس سبحان الله يكتب اسم الانسان اول مايخلق برحم امه
كان في بالي ومتفقين عليه اسم دلع واسم جوان واسم مايا
بس سبحان الله فجاءه قلت لابوها وهي عمرها 4 ايام ابي اسم درر وحتى ماكنت مفكره فيه قبل
واعجبه الحمد لله وسجلها
أنا أسمي الحمدالله عاجبني من يوم أنا صغيره وأمي هي الي أختارته رغم أنه أبوي كان يبي أيسميني منى لانه أمي يوم كانت حامل فيني راحو الحج بس أمي أصرت على أسمي وأحس مناسبني أكثر من منى ،وللحين متداول ..
ولدي علااااوي أنا وأبوه متفقين عليه من قبل لا أحمل ولانه كينته بو علي ..
يعطيج العافيه ..
مشكوره ع الطرح
انا سميت ع اسم جدتي ربي يرحمها
عزوز ع جده وماكان زوجي موافق لكن اقتنع لان ولدي اول حفيد
وولدي الثاني سماه ابوه وبموافقتي
ربي يهديهم جميعا
&
" نورس الحب "
عروس مشاركة
11-10-2010 | 09:23 AM
بالنسبة لي اسمي عاجبني وأحبه ومافي منه واجد أما اسم بنتي انا اقترحت على زوجي بعض الاسماء واختار اسم كتكوتتنا منهم مع العلم اني ماحب الاسماء المتكررة
أ
أسمي برسمي !
عروس برونزية
11-10-2010 | 09:58 AM
حلووو مرة موضوعك عجبني !!!
أنا اسمي حلو وسمتني أمي طبعا
ولما كنت حامل كنا متفقين أنا وزوجي أذا بنت أنا اللي أسميها
وأذا ولد هو يسميه ,,, والحمد لله صارت بنت وكنت حاطة في بالي " سارة أو غنى أو زهر "
وكل هالأسماء كانت عاجبتني بس محتارة وأختارت الأسم أختي الصغيرة لأنه يشبه أسمها !!!
وبس ,,,
ههههههههه عجبني الموضوع
تدرووووووون زوجي شنو يبي يسمي اول ولد له اذا الله رزقنا انشالله؟؟؟؟!!!!!
يبي يسميه اسكندر و بالجواز اليكسندر
عشان ينادونه بو سكندر
و انا لحييييييييييييين مو مقتنعة بالاسم بس اجاريه.. لانه ادري اذا صار وقت الصج.. اهلي و اهله ما بيرضون
من جذي اقوله حط اسامي ثانية احتياط خخخخخخ
اولاً تسملين حبيبتي على المووضووع الحلووو
ثانياً بالنسبه لي اسمي وااايد عاجبني من وآنه صغيره وللحين وعادي لو بنتي سمته بعدين خخخخ
بالنسبه لفطامي هالاسم معرووف ومتداول وآنه تأخرت سنتين على ما حملت فكنت ناذره أن لين الله عطاني أسمي بنتي فاطمه وهالاسم بعد واايد ماشي على اسم ابوها وأختياره كان متفق بيني وبين ابوها والله يخليها لينا وتكبر وتحب اسمها
وتقبلي مروري
حلو موضوعك ,,
أنا اسمي حلو وعاجبني سمتني جدتي الله يرحمها
ومافيه الا انا بالعيله بهالاسم هههههههههههههههههه
ولدي ثامر سميته مع ابوه .. على أخوي الله يرحمه توفى بعز شبابه 18 سنه وكنت حامل
وبنتي جود .. كنت بسميها وجود او نجد بس اختي الصغيره قالت لي لأ جود احلى
وسوينا قرعه وكل مره تطلع جود وسميتها
والله اللحين هم يقولون اسامينا ماما حلوة عسى مايتغير رايهم اذا اكبروا
انا اسمي حلو صراحه وعاجبني بس منقهره منه لسبب انو عمي سماني وانا بصراحه ابي امي او ابوي يسموني مو عمي الي عمره ماسأل عني
والمشكله انه مايحب ابوي ولا امي يسلاام ليه سماني اجل :mad::mad: بس عشانه الكبيرررر كان لازم يسمي والله وش ذنبي انا:mad:
بس حـــــــــــلو اسمي عموما ورايق
واولادي الكبير سماه ابوه على اسم جده ابوه
والثاني اهلي سموه :thumbs_up::thumbs_up:
والثالث احممم احممم انا سميته :thumbs_up::thumbs_up::thumbs_up::thumbs_up::L::L:
وان شاء الله اسمي كل عيالي البنات والاولاد يارب اللهم ارزقنا الذريه الصالحه يارب اهم مافي الموضوع الصلاااح يارب:L::L::L: