أنا في حيرة من أمري .. ساعدوني ..

بنات أنا في حيرة من أمري
دورتي أوقات تنتظم وأوقات لا .. عندي هرمون البروجسترون ضعيف وهذا الفحص من زمان طبعا من سنة تقريبا .. المهم اني الحين ما اتعالج بس ناوية ابتدي هالرحلة وانتظر الدورة اتشرف ..

آخر دورة كانت في 24 -8- 2010 وللحين ما شرفت اني الدورة مو منتظمة داك الزود بس تقريبا اتجيني كل شهر وصار لها كم شهر يا زعم منتظمة ..
سويت تحليل بول تاريخ 26 -9 سلبي.رحت المستشفى تاريخ 27- 9-2010 جيكت دم طلع سلبي .

المهم تاريخ 30 -9-2010 نزلت علي افرازات بنية اللون وكنت افكرها الدورة بس للأسف استمرت على هالحال يومين او 3 بعدين شفت دم قلت عجل هاذي الدورة وبعدين طلعت مو الدورة لأن انقطع الدم الاحمر وكانت مجرد نقط بسيطة واستمريت على هالحال الى 5 ايام ونزل علي كم نقط دم وانقطع وطبعا الافرازات البنية جدا قليلة .. وبعدين خلال هالفترة اللي نزلت فيها الافرازات سويت تحليل بول قبل كم يوم بعد طلع سلبي ..



البني استمر عندي اسبوع وانقطع خلاص .. وامس الجمعة كل حين افكر الدورة نزلت لأن احس كأن شي نزل مني واروح اشوف يطلع افراز لونه ابيض .. وعندي وجع في ظهري واحس صدري صاير طري ومشدود واحس في خلال الاسبوع اللي طاف ان بطني يألمني ألم الدورة ولكن ما نزل شي غير الافرازات البنية .!! وكان عندي ألم في فخذي ويجيني صداع .. واليوم عندي مرارة في حلقي مع ان كنت آكل حلاوة بس احسه مر .. غير ان البول الله يعزكم صاير اشوي غامق واليوم أخذت دفستون بدون استشارة الطبيب لأن اتمللت واني انتظرها .. اني متأملة خير في رب العالمين .. اذا حمل الحمد لله والشكر واذا لا بعد له الحمد والشكر .. بس ابغيها تنزل لوعت جبدي احس بطني منتفخ ..

يعني ويش هالاعراض هل ممكن يكون حمل ؟؟ مع ان سويت تحليل بول قبل موعد الدورة تقريبا وفي موعد الدورة سويت تحليل دم وبعد موعد الدورة سويت تحليل بول وكلها سالب!!