السلام عليكم ورحمة الله وبركاته
مشكلتي ممكن مؤلفة في هالقسم وقريت كذا مشكله
بس نفسيتي تعبانه وابي افضفض
توني عروس جديدة انحرمت من طعم السعادة الزوجية الي اسمع كل بنت تتكلم عنها بداية زواجها انسان مهملني مااحس بحب ولا بحنان حتى المعاشرة الزوجية قليله برغم انا عرسان جدد زوجي مو رومنسي ولا عنده اهتمام بزعلي ولا يفكر يراضيني اراضي روحي بروحي
اسفه طولت عليكم بس ابي اشرح لكم ظروفي وشلون صابره وانه عروس جم شهر
من كم يوم بالصدفه اخذت تلفونه والله العظيم مو قصدي شي لاني كنت واثقه فيه ثقه عمياااء ابدا ماجى على بالي ان يكون يخوني والله يشهد علي
شفت من بنت مسج قتلني كاتبه له ( صار لي جم يوم انام دمعتي على خدي الله يخليك لي ) سكت حاولت املك اعصابي وخليته ينام واخذت التلفون واتصلت على الرقم ردت البنت وظليت ساكته وهي تقول الوو فلان يافلان قلت له انتي من قالت لي انتي الي من قلت لها انه زوجته الا تقول لي جذابه وسكيت الخط ورحت له اعصابي منهاره واصيح وواجهت بالمسج ظلت ساكت وانه اتكلم ماحسيته مهتم اني دريت كل الي يقوله مادري شقول ماعندي تبرير للي سويته
اعصابي خلاص وصلت على الاخر انهرت اول مرة اصيح جذي قلت له اتصل فيها وقول لها انك متزوج ولا تتصل فيك قال هي اصلا ماتدري اني متزوج وهذي كنت اكلمها قبل لا اخذج وظليت اصيح وخيرته بيني وبينها ومارضى يتصل فيها ووفي وقتها حسيت جسمي يرجف وبموت من البرد بندت المكيف والمروحه وظلينا جذي وانه متلحفه مو قادره جسمي كله يرجف اتصل وقال لها لا تتصلين
وعلى طول قمت واخذت القران وخليته يحلف ان مايكلمها مرة ثانيه
ويوم ثاني طرشت لها من رقمي لا تتصلين في زوجي وقامت اتصلت فيه مارد عليها وطرشت له مسج زوجتك طرشت لي مسج رد ابي اتفاهم معاك بس اهو يقول مارديت عليها ولامني اني طرشت لها مسج
ادري طولت عليكم بس مشكلتي الحين مو قادره انسى الي صار مو قادره اسامحه احس نفسي خلاص كرهته وافكر انفصل عنه وارد اتراجع سالفة الطلاق تدور في راسي لاني مو حاسه فيه اهتمام برغم انه ظلمني وجرحني
اسمع اشوف اي وحده زوجها يخونها يظل متغير جم يوم دلع واسف وغيره علشان تسامحه بس هو ماشفت منه هالشي
نفسيتي تعبانه خواتي ارجوكم ااانصحوني شنو اسووي لاني مو قادره اعيش حياتي طبيعيه